سؤال يا بنات ؟

هاي بنات شلونكم

بنات انا ماخذة هالشهر كلوميد وابرة تفجيرية يوم 12 من الدورة واخذت دوفاستون لمدة 10 ايام وخلصتهم انا اللي سمعت عنه انه يبين الحمل بعد 14 او 15 يوم من الدورة صحيح والا لأ ؟؟ انا اليوم يعتبر الـ 18 من خذيت الابرة التفجيرية وقاعد احس باعراض ماني عارفة ومابي اوهم نفسي بشي بقولها للافادة وتفسرولي يعني صارلي يومين احس بالام الدورة يعني مغص فظيع كأنها تنزل علي بس اللي ينزل علي افرازات صفرا … الصوب اللي يذبحني اهوا اليمين والدكتورة قايلتلي انه البويضة صوب اليمين هالشهر لها علاقة ؟؟ اسفل ظهري ذابحني ومقطني وقاعد احس بلوعه بأكثر من حزة وتعب خفيف مرات احس اني دايخة ومرات لأ … الحين المهم باجي على دورتي يومين يبين بالتحليل المنزلي ؟؟ والا الدم ؟؟ يا بنات انا مأخرة سالفه التحليل المنزلي لاني ما بي انصدم انه ماكو حمل والله يا بنات اتمنى اللحظة اللي ابشر فيها ريلي اني حامل …. يا رب انت كريم …. فانتوا شرايكم اسوي تحليل منزلي والا دم باجر ويبين ؟؟ يعني اللي نفس حالتي ممكن تعرف انها حامل قبل موعد دورتها اتمنى تفيدوني ي بنات ومشكوووووووووورين مقدما

حبيبتي ماعندي رد لسؤالج بس ما حبيت اقرى الموضوع ولا ادعي لج دعوة طيبة

اللهم ارزق اختنا مس ريان الذرية الطيبة الصالحة التي تقر بها العيون … اللهم آمين

ماعندي فكرة والله

والله يفرح قلبج ان شاءالله وتكونين حامل ياااااااااااااااااااااااااب

والله لايضيع تعبنا ان شاءالله

مادري والله بس حبيت اشاركج الدعاء
ربي يرزقج بالذريه الصالحه اللي تفرح قلبج وتسعدج يارب العالميين وترزقني معاج

اي حبيبتي أعتقد انه يبين اذا في حمل ولا لأ..
انا رفيجتي ماشالله كان باقي على دورتها 4 أيام وحللت منزلي بسبب الأعراض وطلعت حامل..
وأنتي جربي ما راح تخسررين شي .. وخلي أملج بالله كبير يعني يمكن اذا طلع سلبي يصير بالدم ايجابي وتكونين حامل انشالله.. واذا ما صارت هالشهر انشالله ما يمر الشهر الياي الا وانتي بشرتنا عن العنونو اللي بالطريج..
بس يارب تكونين حااااامل..يارب..ولا تنسين تبشرينا

ربي لا تذرني فردا وانت خير الوارثين