سؤال عن النقل وياليت في رد يبرد قلبي

لاعت جبدي من مدرستي مستحمله وقلت يهون التعب والكراف مو مشكله بس المشاكل كثرت والحش والقيل والقال مايسوي علي خلاص اختنقت وطقت جبدي عفيه قلب عندهم وحيل ماينهد مايملوووووووووون الاجر في نفسي ابي ارتاح ابي انقل مدرسه ثانيه بس سؤالي في نقل بالصيف واقدر انقل من غير ورقه نقل من المدرسه مابي احد يدري ولا ابي احتاج لموافقه الناظره او الوكيله ساعدووووووووووووووني تكسبون اجر فيني

شوفي حبيبتي

القيل والقال بكل مكان حاولي لاتشاركينهم عشان ماتاخذين الاثم

نصيحه اذا رئيسة القسم زينة والناظرة والوكيلة زينة

ولايظلمون حقج لاتنقلين

اذا عندج فيتامين واو

اي واسطه

تقدرين تنقلين

اماني الامور في مدرستنا سبهلله انا مو منتقله بس علشان الحش والسوالف ادري في كل مكان بس الوضع خلاص لايحتمل
المدرسه من كل النواحي ماتشجع والله فكرت بيني وبين نفسي انا ليش صابره لاتقدير سنع ولا راحه بال ولا راحه جسد
ولا شي واحد يشجع اقعد

الله يسهل امرج وكل مسلم …ترى كل سنة وقت الفراغ ( ماكوشغل ) يشتغل الحش …بس السنعة تختار الرفقة الصالحة الي يتبادلون الاخبار الزينة والخبرات واقعدي في زاوية مسجد او ورشة مع عدد محدود واذا شفتي الحال تحول الى نميمة حولي وغيري الموضوع وناس تبالغ في تقدير انفسهم ويمدحون على الطل ويصدقون ارواحهم ان فلانة قالت وقالت ….وتحس انج مامقدرة بعد ماتسمعين هذا الكلام واتي السنة الياية والا كلشي نسيته وهذا نعمة والحمد الله طولي بالج هذا مستقبل وراحة بال مال سنين فكري بالزين والشين في مدرستج علشان لاتوصلين الى مرحلة الندم ووصلي استخارة قبل ماتجزمين ودربج خضر ان شاء الله