سؤال عن القاعد الحلبيه ابي رايكم

السلام عليكم

شلونكم كويتيات

الله يسعد مساكم بكل خير
بغيت اسألكم عن القاعده الحلبيه ………………….

منو مجربتها …………… لمواد التأسيس

انا ولدي توه عمره اربع سنوات هو يدوام بروضة الحكومه الصبح والعصر بالقاعده الحلبيه صار له فيها اسبوعين…………… وبصراحه القلم ما كان يعرف يمسكه

بس الحين ما شاء الله صار يعرف يكتب بعض حروف الانجليزي

بس اللي ابي اعرفه هل استمر فيها

لان بصراحه تكلفتها 75 دينار من غير التوصيل 35

يعني كل شهر ادفع له 110

ابيكم تشورون علي
هل استمر على القاعده يعني تاسيسها يسوى او ادخله روضه خاصه الصبح احسن

وهل فيه روضه خاصه تاسيسها سنع يستاهل

وفديتكم كلــــــــــــــــــــــــــــــــــــــــــــــــ ــــــكم

شوفي انا ولدي دخلته رياضيات وعربي وانجليزي

اول شي بكلمج عن العربي بصرااحه للحين معجبني الوضع ومقتنعه فيه

واصلين عند حرف الجيم وهذا شي معقول بالنسبه لسنه لان عمره اربع ونص اما الكلمات ما اخذ منها شي بس تقدرين تقولين قراءة شفهيه يعطونهم بس لان دايم القراءه تسبق الكتابه بالتعليم

يعني العربي للحين بس حروف وهو صار له فيها اسبوعين

يعني انتي بنتج مفروض يصبرون عليها التعليم حبه حبه وروحي كلمي ابلتها مفروض تراعيها لان الطلبه عندهم مستويات واعمار مختلفه ………………. وانتي دافعه فلوس مو بلاش ……….

اما الانجليزي بصراحه استاذه ممتــــــــــــــــــــــــــــــــاز شوي بحقه يعني يتعب مع الولد حيل والدفتر يوميا يمليه له حروف مقطعه لما الولد عرف يسمك القلم ………………………. والله لو انا ما صبرت على ولدي لان هو عندي شويه لين بالعظم

اما الرياضيات فهم للحين على كتابة الارقام والاستاذ يقولي بدري عليه ………….لازم يتقن الارقام قراءة وكتابه شوي شوي

وما راح يبين عليه الا بعد ثلاث شهور وبصراحه انا مو مستعجله عليه اهم شي يكون فيه نتيجه في الاخر

وهم مسجله بنتي عندهم هي باولى ابتدائي ……………… بنتي مو ضعيفه ممتازه بس ابي تاسيس عدل وما ابيها تتعبني بمذاكرتها ايام الامتحانات ………. وطبعا كل المواد عربي وانجليزي ورياضيات

وما شاء الله عليها في نتيجه طيبه …………. وهي تحل واجبتها عندهم يعني تجي البيت ما عندها شي

بس انا اقولج اقيس مستوى القاعده على الولد اكثر لان الولد احس فيه ضعف

اما بنتي لا هي شاطره يعني مساعدتهم على نفسها

انا للحين راضيه على مستوى القاعده عموما ………………وبنطر شهرين واشوف النتيجه

اما بالنسبه للتوصيل ……….. طبعا مو من عندهم في وحده توصلهم وتجيبهم

انا عيالي بالقاعده اللي بجابر العلي

انا وحدة دخلت بنتي وولدي ال 3 مواد وماشالله النتيجة عجيييبة دشو اولى ابتدائي كل شي يعرفون ماشالله

استمري عليهم والله نصيحة