سؤال عن الإستقالة من وزارة التربية

السلام عليكم
بنات شلونكم
أنا موظفة من شهر فبراير في وزارة التربية
إدارية – جامعية
تخصصي بعيد كل البعد عن الوزارة ( ملاحة )
وايد تعبت على شهادتي و اتغربت عشان أحصلها و بالأخير شغالة مطراش للمديرة

المهم
بعرف الإستقالة لو قدمتها و تمت , عادي بنقبل بمكان ثاني ؟؟ و لا بنطر سنة و اثنين ؟؟
لأن ظروفي ما تسمح بإني أقعد وايد بدون شغل , بس فعلا مو متحملة و تعبانة نفسيا
و حاسة كل يوم قاعدة أنسى دراستي و تعب السنين
يا ريت تفيدوني أفادكم الله
تسلمون حبيباتي .

الله وأعلم جم بتـنطرين بس إذآ تخصصجّ مرغوب إن شاء الله ماتنقعين

في تسجيل للديوآن هآلشهر مٍن 14 / 6 لـغآية 28 / 6

موفقهه

واااااي التربية تلوع الجبد
انا استقلت منها بعد قعدت اسبوع ورد رقمي الديوان مثل قبل لاني اقل من 3 شهور

اذا صار لج 90 يوم واقل يرد رقمج

اذا 91 وطالع تاخذين رقم جدديد

نصيحه انقلي لا تستقيلين حرام

اطلبي نقل

لاي وزارة ثانيه تبي مثل تخصص ودوامهم مريح وحلو

انا بصراحع اهم شي راحتي النفسيه بالدوام

الله يوفقج ان شاء الله

آلنقل وآلندب موقفينهٌم مدة سـنه

عزيزاتي النقل ما ينفع قبل سنتين , مو بكيفي , كان ودي و الله
زين مديرتي قالتلي إني لو استقلت أنحرم من الوظيفة الحكومية سنتين , هالكلام صج ؟؟

لا حبيبتي المديرة مو بكيفها تقولج توقفين سنتين … ( بس بتخوفج تبيج عندها )

اذا تخصصج مطلووب بوزارات ثانية حاولي تنقلين خدمات او تسوين ندب .. مادري بس حررام لا تستقيليين!!

وموفقه

والله يرزقنا بالوظايف السنعه