سؤال بخصوص الطلاق

صديقتي عندها خلافات مع زوجها و قال لها خلاص بطلقج، بس لازم تحضرين المحكمه لان ما يصير الا لما تكونين موجوده.
انا قلت لها كلامه مو منطقي و ما سمعت فيه من قبل.

اللى عندها فكره تقول، لانها تقول له مابي اتطلق بس هو مصر.

غريبة والله..آنا توقعت العكس..إنها إهيا اللي تبي الطلاق فهو يبي لجنة إصلاح ذات البين يكلمونها

أدري هذا الشي غريب مو عارفه هل صحيح تروح او ما تروح.
يقول لها ما اقدر اطلق اذا ما رحتي شالسالفه

خل تروح وتعرف ماريته وشنو يبي
يمكن غرضه شريف ويبيها تروح معاه لجنة الاصلاح
او يكون خبيث ويبيها تنازل عن حقوقهااا علشان تضطر توقع ويطلقهاا

الطلاق مايحتاج المرأة تذهب معاه المحكمة يكفي هو وإن شاء الله مايروح المحكمة ولايطلق وتصير حياتهم سعادة في سعادة ويرزقهم الذرية الصالحة ويندحر الشيطان لأن أحسن شيء للشيطان طلاق الزوجين حتى أنه يقرب من يبشره من أعوانه أنه فرق بين رجل وامرأته فياأختي وفقك الله حاوريه وتناقشي معه عن الأسباب حتى يبين أوجه القصور فيتم تلافيها بإذن الله والله يسعدكم ،،،،

انا اللي اعرفة ماله داعي تروح المحكمة

ان شاءالله ماتطلق
لكن اذا قال لها بيطلق
يعتمد على اي محكمه بيروحون
بخصوص امور يتفاهمون عليها لازم تصيرمثل النفقه
واذا في بينهم اطفال
في وايد امور تستحق النقاش
وبعدين الريال تزوج البنت من بيت اهل
وين الاهل لازم يكونون معاها بهل لحظه
كلام على حسب مافهمت

انشاء الله يصلح بينهم انه على كل شئ قدير

صح كلامه بس يروح للمحكمه وليها واهو

المحكمة حق سوالف نفقة ما نفقة

الطلاق لو يقولها انتي طالق واهما بالبيت خلاص تعتبر مطلقة وتنحسب عليهم طلقة وحدة !!

بس دام انه ما يبي الا المحكمة
ختطول الموضوع لا تروح المحكمة وتحاول تحل مشاكلهم

والله يسخرهم لبعض

يزاكم الله خير.
يعني اقول لها لا تروحين

والله مادري ماعندي خليفه عن هالموضوع

الله يصلح مابينهم ان شااء الله

الله يستر ويصلح ما بينهم
ماعندي فكره

ماعندي فكره

الله يصلح الحال بينهم

الله يصلح بينهم يارب

بس شكو تروح المحكمه لا ماتروح ماعتقد