زيارتي لعيادة الدكتور فهد المخيزيم . أسألتي له تهم كل أم حياكم تعالوا استفيدوا .

س1 متى اوقف حبوب الترجيع و أغير حليبه للعادي؟
ج لما يروح الارتجاع .. و يخف الارتجاع لما يبدأ يأكل البيبي
و الحمدلله لا تخافين دام انه وزنه يزيد و طبيعي

س2 تطعيم الخاص نفس الحكومي؟
ج خليج على الحكومي … ما عدا الجدري لما يصير عمره سنه و نص طعميه بالخاص ( مو موجود بالحكومه )

س3 سمعت انه الحلبه مو زينه للبيبي اقل من سنه … تأثر على الكلى؟
ج الله اعلم … أسألي الناس الكبار

س4 أبدأ أوكله بالشهر السادس؟
ج اي بالسادس و ممكن تزرقين له خفيف بالخامس و نص

س5 أبدأ أوكله شنو؟
ج ( خلى السساتر يعطوني جدول لاكله)
راح اكتب لكم الجدول بنهاية الموضوع ان شاء الله

س6 شرايك بكتاب الدكتوره ريم … الطفل السليم مع الدكتوره ريم؟
ج ماله داعي …. كافي الجدول اللي بأعطيه لج

س7 المميه أغيرها كل كم شهر؟
ج المميه كل شهرين أما الحلمه كل شهر

س8 سمعت انه المميات البلاستيك تسبب الخبيث .. صحيح؟
ج لا الكلام غير صحيح

س9 تعقيم المميات بعد كل رضعه ولا مره باليوم؟
ج عيالي كنا نسويلهم بعد كل رضعه .. يكون احسن

س 10 عادي أعطيه ماي زمزم ؟ و أغليه قبل اعطيه؟
ج ماله داعي البيبي يشرب ماي .. لا تعطينه ماي

س11 أعطيه الرضعه 3 أرقام كل ساعتين .. زين ولا ازيده؟
ج اي زين .. و تقدرين بعدين تزيدينه تعطينه 4 أرقام كل 3 ساعات اذا حسيتي انه يبي .. لج صلاحيه للزياده

س12 المكتوب على علبة الحليب اعطيه خمس او ست ارقام
ج مالج دخل بالعلبه

س13 قريت انه البيبي اذا نايم و هو لابس دلاغ يضعف نظره صحيح؟
ج لا الكلام غير صحيح

س14 متى أوقف غلي الماي له؟
ج تقريبا لما يصير 8 شهور

س15 سألته عن جهاز كلينوز لتنظيف الخشم … ذكرته وحده من خواتنا بالمنتدى … اسفه نسيت اسمها …
ج ماله داعي … و كتب لي عن محلول للتنظيف قال ان ما حصلته بالصيدليه حط له اوشن سبراي .. و فعلا ما حصلناه

==
و الحين جدول اكل البيبي :: بأكتب العمر و تحته شنو تعطونه و ترى الاكل تغيرينه او تزيدينه كل اسبوعين

: ( طبعا الجدول انجليزي و ترجمته )

6 شهور :
حبوب الارز

6 شهور ونص :
اضافة القمح

7 شهور :
خضروات

7 شهور ونص :
فاكهه

8 شهور :
لحم

8 شهور ونص :
دجاج

9 شهور :
صفار بيض

10 شهور :
سمك ابيض

12 شهر :
بيض كامل

تجنبوا ::
العسل لعمر سنتين
المانجا و الفراوله لعمر سنه و نص
المحار او الصدف لعمر سنتين

بنات اكدوا لي المعلومه … نزيد صح؟ مو طول الاسبوعين على شي واحد ما عدا حبوب الارز صح … و شلون حبوب؟ قصده ميلوبا؟
اللحم و الدجاج نفتته بالخلاط صح؟ مسلوق بعدين نفتته؟
سمك ابيض شنو؟ تونه؟ ولا اي سمك؟

==

هههههههههههههههههه شرايكم فيني … ذبحت الرجال ب أسألتي
طبعا فيه أسأله بعد بس الرجال زهق و قام يضحك و مستعجل يبي يقوم و زوجي يسكت فيني … ف احترمت نفسي و قمت ههههههههههههههههه عقب شنو ههههههههه