|
|
السلام عليكم ورحمة الله وبركاته
مرحبا بنات شخباركم؟
انا متزوجة والحين ف فترة ملكة بينا
دايم زوجي يلح علي يدخل علي قبل العرس وانا خايفة من هالشي واايد
مرات أخافة هو يخليني اخاف منه
بس هو واايد يحبني وحنون معي وايد
بس مشكلته تتعلق بالجنس يتمنى يجامعني لانه فترة الملكة طولت شوي لأسباب خارج ارادتنا.gif "Eh S(11)")
يا بنات انا كل م اقوله لا ما ابي اخاف يصير بينا شي تو وبعدين يصير شي ثاني وانا اتوهق > فهمتوا قصدي صح
ساعدني كل مرة اقوله عذر ويعصب علي صرت أخافة .gif "Eh S(2)")
ارجوكن بنات ساعدني خلاص م باقي شي عن العرس إلا 3 اشهر و 10 ايام بس هو م قادر يصبر لانه صبر كثير
هو خطبني وانا كنت ف الثانوية وبعد سنه سوينا ملكة وتو مرت سنتين من خلصت دراسة الثانوية
شو اسوي اخاف اخبر اهلي مابي يصير مشاكل بينه وبينهم وبيني وبينكن اخجل اطرح هالموضوع قدامهم
ساعدني لانه انا في فترة حساسة كثييييييييير والله و احبة واخافة يبتعد عني من كثر م اقوله لا مابي م وقته اخاف يعايرني خوافه واقوله خلني خواة احسن من المشاكل
هو يكبر عني ب 6 سنين عمرة 26 وانا 19سنه
ساعدني ارجووكن قولليي شو اسوي انا اختكن و محتاجة مساعدة منكن
اب
ذوبيه بدلعج
مو تخافين
تدلعي قولي ابي ليلتنا تصير غير
وادري انتي خايفه انه ترفضين راح يطلقج بس انتي فهميه قولي اصبر مابقا شي شهرين
وانتي قولي انا للحين ازهب حق العرس اقراض عرفتي
حاولي انج تمنعينه بالذرابه وقوليله تو الناس والايام جايه ان شاء الله
لانج سبحان الله ما تدرين شنو الظروف بعدين قبل العرس او بعده
وبس موفقه ان شاء الله
ممكن عقب الجماع خلاص مايبيج او ممكن ما تتفاهمون عقبها شتقولين لاهلج
وماتدرين شالظروف وشالمقسوم بس نصيحة اخت انا اقول انتبهي ورفضي *
اذا صار الي صار بوقت الملجه احتمال يطلقج و تبتلشين بالياهل لا حبيبتي ديري بالج شباب هالوقت ينخاف منهم
قوليله اهلي ما يرضون وعشان لا تصير مشاكل بينا انطر لي وقت العرس اصلا احلى بوايد لا تتسرع
ادري انه الريال ما يتحمل هالشي بس لا تخضعين حق رغباته خليه ينطر
حاولي شوي تبتعدين عنه قوليله مشغوله او اي شي لما الله يسهل عليكم وايي يوم عرسكم
بالتوفيق حبيبتي الله يسهل عليكم ويسر اموركم
وقسم بالله وحده تقربلي نفس. القصه بس الاختلاف قال لها وبكل نفس شينه زواج اخوي شهر ثمانيه تبين تحضرين وتلبسين فستانك الزفاف اهلا وسهلا وراح اطبع بطاقات زين مني وسودا وجه اهلها وحصروا الزواج مايدرون زواجها ولازواج اخوه. نكد والله اني بكيت عليها حتى فتره نفاسي جاني نزيف
بس اقول تستأهل لانها ماسمعت كلامنا يوم نقول لاتعطيه وجهه الا قبل زواجك بااسبوع
نصيححححححححتي. راح تندمين اذا مااتركك اقلها يروح الشوق الي كل منتظرها ليله الزواج
بس انتي شوفي ريلج اذا كلش كلش مو قادر يستحمل انا اقول انتي زوجته وحلاله اذا انتي مانمتي معاه
راح يدور بره واذا حسيتيه يقدر يصبر انا اقترح سوي كل شي معاه الا ان يدخل عليج يعني مداعبه وغيرها عادي
بس ان يدخل عليج رفضي هذا اذا قادر يصبر
وريلي سوا حادث واخوه توفا وهو بالعنايه المركزه وحالته صعبه
وتم ٥ شهور …
والحريم بس يشوفوني ابجي وذابحه روحي عليه وقاعده يم راسه
بالمستشفى وهو مايحس باحد قالوا ايه ماخذها وحامل وخايفه يصير
شي وتتوهق .. وانتشر علي الكلام وامه كلمت امي عشان تسألني حتى
الرياييل وصلهم الحجي …
والحمدلله كنت اطلع واروح وارد مع ريلي وجهزت شقتي وكل شي معاه …
كنا نتبادل الحب والمشاعر ويحن يبي الجماع وماكنت ارضاا ارده بس بهدوء
وافهمه الوضع واشرح له … وكان ينفر ويعصب بس تمسكت برايي لدرجه كان
يقول حق امه ماقدر عليها … هي قالت كنت اسأل اخذتها ويقولي مو اي بنت هذي
ما اتسلم روحها بسرعه …
والحمدلله ربي قومه لي بالسلامه وتزوجنا زفه لي الفندق بدون عرس ولا شي … وحذفت
فوط البكاره بويه كل وحده دنيه تكلمت بعرضي وشرفي … وتفشلوا لانهم قراب حيل منا ..
اذكر لدرجه كانوا يدزوني ويطقون بطني علبو حاشتني … عشان يضروني … واشكرا قالو
بويهي حامل منه صح وابتلشتي ….!!!!
هالزمن والله غير ساعات الريال ماله امان .. او اهله … او الظروف …
حاولي اتصبرينه وتبعدين فتره قوليله عشان اجهز وتشتاق لي واتغير بعيونك ليلة عرسنا …
والله يوفقكم مع بعض يارب …
انتوا مجتمعكم غير اتوقع انتي سعوديه وطريقتكم غير عنا
وهذا ريلها مو رفيجها عشان مايلمس فيها شي انا قلت قبل شوي
ريلي دخل علي بفترة الملجه ووالله يحبني ويحترمني
وحتي ماطحت من عينه خو كيفنا متزوجين .. الله يهداكم
تعاملون الزوج جنه ريال غريب ليما يطفش منكم ويدور الي تريحه
انج تبينين له ان هالفتره راح تكونين فيها مشغولة
مع التجهيز ماعندج وقت ..
وخلنا ما نشوف بعض الا ليلة العرس
عشان شوقك لي يزيد
اعرف ناس وايد ما يشوفون بعض قبل العرس بشهرين او اكثر ر
عن نفسي 3 شهور ما كنا نشوف بعض ابدا ..
لين ليلة العرس ..
وخلاص ما بقى شي يعني الحين صبر كل ذاك الوقت ما بيصبر الحين ما عليج منه ..
ومثل ما قلت لج فهميه ان ناس وايد ما يشوفون بعض الا ليلة العرس و هو ششافج وشبع من ويهج خخخخ
سنتين وزود ما شاء الله وايد وعشان جذي تملل وقام يقول يبي يدخل عليج
والله يهديه لج
الدخله وقت الدخله وخلاص
ترى باجرر يوهقج عقب ما اربطج بيسكنج بالمكان اللي اهو يبيه ويمكن يلغي العرس وشهر العسل و الخ من حقوقج
نصيحتي لا يقص عليج ولا تقولين يحبني وحنون وقت الصجيه كل شي بيتغير
لكن باختصاار اقولج قولي لااااا ماتدرين الدنيا شبيصير فيهاا تمنعي بادب واسلوب قولي مشغوله بالتجهيز قولي مسويه تقشير لجسمي مني للعرس قولي ابي ليله العرس غير بكامل زينتي تشوفتي صدقيني لا تعطينه الحين لانج اذا عطيتيه في اشيا انتي ماتبينها بترضين فيها يمكن يقولج ابي حفله ماكو عرس يمكن يقولج ماكو شهر عسل او اي شي لانه يدري انج بحاجته وانج بترضين بكل شي
كل شي بوقته حلو
صج ان ماصار شي موزين
بس قلتلج حلاته بيوم العرس