|
|
السلام عليكم
انا بقولكم مشكلتي ان شاءالله القى عندكم النصيحة
انا متزوجه ولد عمي من جم سنه
زواج تقليد مافي اي لون ولا طعم ولا ريحه
روتين ممل
وحياه بارده
لا تخلو من مشاكل طبعا واكشنات يومية على اليهال والمصرف والديوانية والحركات النص كم
ميزة شباب عايلتنا انهم مع بعض دايما مالهم شغل بالحريم
يعني ماشاءالله وعسى ربي يخليهم لبعض ويديم الصحبة هذي اللي مبنية عالفزعه وانا وولد عمي عالغريب وانا واخوي على ولد عمي
ومحد ماكلها وضايع فيها الا احنا يالحريم
المشكله مو اهني
لاني تعودت على حركات زوجي مع حموييني
بس لي اخواني وستوب
والف مره قايله لزوجي عندك خرابيط لعب مغازل بالطقاق اللي يطقك بس لا تشرك اخواني بخرابيطك لاني ما راح اتحمل الوضع
الحين اخوي الصغير
الدلوع المدلل عند امي وابوي وعندنا
فتحله موووتر عليه القيمة من اللي يكسر رقاب البنات ان مر
وانا اعرف زوجي يمووووووت عالمظاهر والرزة والخبه والغتره اللي ثابته عالراس ما تتحرك لو شيصير
هالايام طاق صحبة موووووطبيعية مع اخوي
طبعا اهم عيال عم يعني شي طبيعي
بس اللي مو طبيعي
ان زوجي بينه وبين اخوي تقريبا 15 سنه
وكان دايما يتطنز على اخوي جدامي عشان يحرني ان مدلل ومو فالح بوظيفة ولا بشي لان دلوع وعظمة رجيج
الحين صار ان دق على اخوي وما رد عليه ياكل قلبي دقي على بيت اهلج خل يقعدونه
مره قلت حق اخوي ان قالك خل نطلع قوله يالله مرني
كنت بختبر زوجي ميت على اخوي والا على سيارته
زوجي جذب على اخوي وقاله ان ما عنده سياره وانا طالعه فيها
اهني عرفت ان زوجي يماشي اخوي عشان السياره
ودام يطلع معاه عشان السياره معناه ان طلعاتهم كلها مغازل وقز وفراره
اللي حارني ان اخوي يدري وما اهتم لي
وان زوجي اشكره ضاربني بالطوفة ويغازل مع اخوي
قلت حق امي مره بطريقة ان اخوي من اخذ سيارته ما شفت زوجي بالبيت
قالت لي لا تفرقين عيال العم بغيرتج
انا ما اغير على زوجي
انا محترة منه ومنبطه جبدي
صج صج مادري شسوي اتكلم مع منو
خل يخربط ويسوي اللي يبيه بس مو مع اخوي لاني انقهر ان صارت اللسعه من الاثنين
الله يعنيج عليه
عادي يبا طنشي يعني شبتسوين !!
اجل قولى لاخوج يمصخرة ويذله عشان يتوب من هالسوالف
الله يعينج حبيبتى ويهديه لج
حرررام عليه والله بس شقول الله يهدى يارب
مادري شنو انصحج بس انا لو مكانج لما يقولي دقي اقوله دقيت محد يرد او الولد نايم او شي جذي
اتقولين اخوج ؟
و يعني مثلا هدو بعض
و ريلج تعرف على واحد ثاني
وعنده سياره اكشخ من سيارة اخوج
وراح يغازل
يعني اهني عادي بتسكتين عشان الوضع مو سيارت اخوج !!!
انا بقولج هالمثل (( ابوي ما يقدر الا على امي ))
يعني انتي ماتقدرين الا على اخوج وريلج مو قادره عليه
انا قلت كل شي عندي وبس
والله يعينج
واكثري من الاستغفاااار
مستانسه انه يزني ويغازل ويسوي كل شي ومطنشته …ليش ماتوقفينه عند حده !