زوجي لا صلاة لا نظافه يا حكيمات المنتدى شاركوني

بسم الله الرحمن الرحيم

بنات انا وايد ترددت قبل ما انزل الموضوع بس بصراحه مالي الا الله ثم انتو يمكن الاقي بعض الحلول الي تفيدني طبعا انا صارلي متزوجه اقل من سنه وعندي وايد مشاكل مع ريلي راح اقولها لكم بالترتيت بس عندي نقطتين بهالموضوع

أولا : الصلاة …
ريلي يا بنات الله يهديه اهوا بصوب والصلاة بصوب يعني استغفرالله من تزوجته عمره ما راح صلاة اليمعه ولا يصلي بالمسيد ولا يصلي حتى بالبيت ما شفته فتح قرآن حتى برمضان ما كان ملتزم بالصلاة يعني الفروض الي صلاهم جدامي بعد حنه ورنه مني طبعا مو من نفسه ينعدون عالاصابع اقوله حرام اذن الفير رمضان يقولي اوكي الحين اقوم ويحط راسه وينام ولما اقعد انصحه يقولي شدعوه انتي بن باز وانا مادري والله يا بنات الي يعلمه او ينصحه جنا سابه طبعا بس انا لو النصيحه من احد ثاني مثل العسل حتى تخيلو عالفطور اقوله قول دعاء الفطور يزفني جدام اهله اي شي انصحه فيه ياخذه بعصبيه وطنازه المهم ماني مطوله السالفه

ثانيا : النظافه …
ريلي يا بنات ما اقولكم ريحته خايسه لا حرام الظليمه شينه ما شميت فيه ريحه بس عنده مشكله مع التسبح يعني اذا شعره فيه جل او مدهن يغسله بالمغسله يعني يغسل راسه بالمغسله والتسبح الكامل يمكن مره بالاسبوع او كل عشرة ايام جذي واذا قتله ليش ما تتسبح كل يوم نفس باجي الشباب يعصب ويطنز علي كالعاده يعني ما يتقبل احد يطلعه غلطان لو شنو تخيلو ايي من بره معرق يمسح روحه بفوطه ويحط ديودرنت بالداشه والطالعه اقوله مايصير ديودرنت عالوصخ لازم تغسل يقولي مالج شغل والطاااامه الكبرى يا بنات انه شنو ؟؟

يبول واهوا واقف
سورري لوعت جبودكم بس كله يوصخ المرحاض وانظف من وراه واقوله حرام عليك نياسة لاعت جبدي وانا كل يوم انظف اثار البول

يقولي انتي جذابه ولما وريته وشاف بعينه شلون يوصخ المرحاض انقص ويهه لا ومو عاجبه بعد و هم ماكو فايده عينه قويه رد يسويها عيزت انصح وحاولت جم مره اقوله خنتسبح مع بعض يقولي لا انا ادش قبلج انتي اطولين يمكن ما خلاني اتسبح معاه الا مره وحده وغير تفريش الاسنان ما يفرش الا قبل الدوام حق الناس ولما اقوله فرش قبل لا تنام مو زين تنام عقب الاكل وانت مو مفرش تصير ريحة حلجه خايسه لما يقوم كله اقوله فرش قبل ما تنام يقولي انزين بعد اشوي عن الحنه ويعطيني طاف وهم ماني مطوله السالفه اكثر

فالله يخليكم يا حكيمات المنتدى ابي من درركم ونصايحكم والي عندها كلمه جارحه خلتحتفظ فيها حق نفسها لانه الي فيني كافيني

مع خالص الشكر حبايبي " أم القطاوه "

ما ادري شقولج

بس خرعيه

في مقاطع عن الموت تخرع

يمكن يتاثر و يخاف الله يهديه والله يعينج

صج صج الله يعينج والله مادري شقول لاني اعرف وحده نفس حالتج وماقدرت تسوي شي يمشي اللي براسه
الله يعينج والله

شسالفه المنتدى كل موضوع اخس من الثاني

عيب عيب تفضحين ريلج حتى لو ما نعرفج بدال ما تسالين البنات او تشهرين بريلج كتبي في جوجل عن مشكلتج وبيطلع لج احاديث عن الرسول صلى عليه والسلم عن النظافه والصلاه

يعني الحين انتي مشتركه في المنتدى علشان بس تقولين لنا سالفة ريلج مب ناويه تشاركين بنات المنتدى مب ناويه تكونين صداقات في المنتدى

بكره كل ما تنزلين موضوع لو عادي بيقولون ويه هذي فلانه اللي ريلها وصخ وما يصلي

عيب اختي والله عيب شكو تقولين حق البنات ريلي وصخ اكيد الجواب شجعيه على النظافه وخوفيه من عقاب ربه هاي الجواب

لازم تفهمينه اللي يسويه غلط واهو القدوه لعياله باجر عياله يسوون نفس تصرفاته !(بنات ترى الاخت ذكرت ماتبي تجريح اللي فيها كافيها )

بصراحه الله يعينج بس واضح ان اسلوب المواجهه ماينفع معاه انصحج تغيرين اسلوبج مثلا العبوا صراحه اساليه شنو الي موعاجبك فيني وصديقيني يمكن يحس او قولي تدري ان رفيجتي بتطلق لان مايسير تنام يم زوجها واهو مايصلي يعني جذي وبطلي حنه لان راح يعاند بس كثري تصلين جدامه دوم وقبل لاتنامون قولي عن اذنك بروح افرش وربي يهديه ويسخره لج

والله ما ادري
مالج الا الدعاء
الله يهديه

1- سالفة الصلاة : شوفي الرياييل بطبعهم ما يحبون كل ساع تقوليله وتنصيحنه عكس المرة لان عندهم فيها كبرياء شلون مرتي تقولي اصلي ؟؟؟ يعني اهيا تعرف ربها انا لا ؟؟ اول شغله سكتي ولا كلمه لا تقوليله صل او لا تصلي حتى اذا اذن قومي انتي صلي جباله ولما تخلصين صلاة ناديه قوليله تعال ولما ايي عندج "حاولي تصلين بالمكان اللي اهوا فيه" رفعي ايدج وقولي "يارب انا عبدتك بنت عبادك اجمعين ادعوك واتذلل اللي تحفظلي فلان اللي اطالعك ياربي واطالعه يارب هالانسان بديته من خلق الله وخليته اهوا ظهري وسندي ياربي يا حبيبي تهديه لان مثل ما ابي رضاك والجنه ابي حق فلان رضاك والجنه يارب يا حبيبي حببه فعبادتك ودينك وطاعتك والصلاة لاجلك يارب اني احبه فيك " وقولي امين وبوسي راسه وحرصي ماتقوليله يصلي واذا كان دايخ بينام صلي بغرفة النوم قبل لا تنامين ركعتين ترى كل ما شافج اقرب لربج بدووووون لا تقوليله سوو وفعل صدقيني اهوا من داخل بيستحي اعرف وحده مرة تسولف نفس حالتج وكانت تعبانه منه والله سوت الطريقة تقوول ما اقولة صل نهائيا انا اصلي وادعي واناديه واذا كان دايخ اروح اصلي ركعتين قبل لا انام متعمده انه يشوفني ابي اخجلة بس بدون لا احسسه تحلف الحين تقوول والله العظيم من كثر ما التزم صار يفز من عز نومه 2 بليل ويقوم الليل وعقب تقول سالته قتله صرت ريص اكثر مني على الققيام وصرت انت اللي تقعدني؟ تقول قال تبين الصراحه انا غرت منج قلت مرتي جذي انا مو ناقصني شي اتقرب لربي ترى الرياييل يبيلهم سياسة حتى بالصلاة ….

2-النظافة: خلينا واقعيين انتي ترضين يقولج ليش ما تسبحين ؟؟؟ شيكون موقفج راح تكشين منه لانه يطالعج نظرة انج وصخة ؟؟؟ لازم تحطين موقفج موقفة اكبر غلط انتي ما تكلمين ولدج تقوليله ليش ما تسبح ؟؟؟ او تعال نتسبح عبالج ما يفهم لا يا حبيبتي سكتي عن السباحه ولا تقوليله الشباب كل يوم يتسبحون والله العظيم لو اقوله حق ريلي بيزقني بكف ؟؟؟ شلون تقارنين ريلج بغيره حتى لو بحلاوة ؟؟؟ الله يهديج اسلوبج غلط والله ,, كل يوم من يرد من الدوام انتي مسكيه ويبي فوطة ماي حار وراشة عليها ماي ورد وعوديه كل مارد فصخية ومسحي جسمة كامل وعطري وديودرنت بس لاتحسسينه من باب انا بنظفك لااااااااااااااا حسسيه من حبج له تدلعيييينه وتهتمين فيييييييه وعشان لا يحش حتى الاكل وكله ونوميه عشان يفهم انج موقاصدة على السباحة وسوي هالحركة شهرين ورى بعض بعدين ابدي سبحيه ان رد من الدوام لبسي شورت وحركات دلع وزهبيله الحمام قوليله مزهبتلك الحمام الدافي يرخي اعصابك من هالدوام والتعب اللي انت في يا حبيب وعوديه كل يوم وسويله حركات دلع يعني زيوت عطريه او شموع بالحمام وارد واقولج لا يزل لسانج واهتمي بهل فترة حتى بالمشط اللي يمشط عشان يستانس ..

3- سالفة الفرشة نفس الطريقة اللي فوق من ظمن الاهتمامات انتي فرشيلة واذا يدخن اشتريله غسول التدخين وقوليله لان مبي حبيبي بحلاته وجماله تخترب ضروسه لااا ابي ريلي حبيبي احلى واسنع واجمل الرياييل تعاليله من هالاسلوب لان حسيت من كلامج ريلج والله قاعد يعاندج لان اسلوبج جنج تربين ياهل مو ريال عوود وترى كل الرياييل ما يحبون تقوليله تسبح او صل او فرش او او لاااااا تبين هالشي سويه بسكات بس بذكائج

4- البول : تكرمين ويكرمون اللي يقرون بس حاولي كثر ماتقدرين ان يبي الحمام تشيطيني وتدلعي ودخلي معاه اذا واقف بدلع قوليله مابي مابي اقعد ومن هالحركات بشوفينه كل شي بقولج اوكي والله

انتي يبيلج تستخدمين ذكائج لان حطي ابالج هذا مو بنت تتقبل النقد من ريلها لا حبيبتي الريال عكس المرة
والله يهديه لج ان شاء الله

البنيه ما كتبت شي كليتهاا

و اسلوبهاا كان مؤدب مو النتدى صار خايس الا انتوو تخلون الواحد يتحسف يكتب شي

استغقر الله البنيه جنهاا مسويه جريمه

مادري اشلون بتعرفون ريلهاا اللي تقولولهاا فضحتيه

هذي يزاتهاا يعني تبينا انساعدهااا

حبيبتي قوليله ترى انا تلوع جبدي من الوصاخه و ما احسك نظيف و قاعده استنفر منك لا تلومني اذا ما قمت حتى اقعد يمك

و اذا عالصلاة حاولي تخرعينه قوليله باجر عيالك يشوفونك قدوه لا تخرب عليهم و كلما يأذن حني عليه يقوم جدامج يصلي حتى لو يزفج قوليله شوف المسايد متروسه يهال و انت شكبرك قاعد لا صلاة ولا شي

بصراحه الله يعينج بس واضح ان اسلوب المواجهه ماينفع معاه انصحج تغيرين اسلوبج مثلا العبوا صراحه اساليه شنو الي موعاجبك فيني وصديقيني يمكن يحس او قولي تدري ان رفيجتي بتطلق لان مايسير تنام يم زوجها واهو مايصلي يعني جذي وبطلي حنه لان راح يعاند بس كثري تصلين جدامه دوم وقبل لاتنامون قولي عن اذنك بروح افرش وربي يهديه ويسخره لج

ويييه ربي يعينج والله

كل شي يهون الا سالفه الصلاة

حبيبتي حاولي فيه بس مو تنصحينه بالويه
لانه في وايد ناس ما تتقبل النصيحه وريلج منهم مثلا

اذا عندج ولد قوليله يقول حق ابوه يلا نروح المسيد نصلي او ابي اصلي يمك

اذا اذن قوليله بكلام حلو يعني مثلا حياتي اذن يلا امش نصلي الجنة تنتظرنا …. يعني عامليه مثل اليهال حببيه بالصلاة ومرات خوفية

تعلمي اسلوب النصيحه المحبب مو اللي يلا قوم تسبح يلا سوو اللي كلها اوامر لانه الريال مستحيل يتقبل هالكلام !

واهم شــــــــــــــــــــــــي اهم شــــــــــــــــــــــــــــــــــــــي

الدعاااااااااااااااااااااء الدعااااااااااااااء

اعرف وحده ريلها مايصلي كلش بس اهي حيل سنعه فيه وقايمه بكل واجباتها معاه ولسانها عسل وما تشتكي كلش ,,,

تقول مره دخل عليها واهو ياي بليل وعباله نايمه جان يسمعها تصلي "تقييم الليل" وكانت تدعيله وتبجيييي سبحان الله

اهو انصدم وماتوقع انها قاعده تسوي هالشي من وراه ومن بعدها الريال حيل تغير سبحان الله

ياقلبي ما تقدرين تهدينه الله يهديه يارب ..
مالج الا الدعاء ان الله يهديه . انتي صلي قدامه خليه يغااار منج . يمكن لما يشوف انج ملتزمه بصلاتج يستحي على نفسه

الصلاه اهم من النظافه بصراحه النظافه مقدور عليها بس الصلاه الله يهديه حاولي تذكرينه انه عمود الدين واول مايسال عنه اهو الصلاه شنو بترد علي ربك وانت بصحه وعافيه حاولي تذكرينه بالموت والقبر والرزق والرضا كله بطاعه الرحمن ,,,,,,,واشد علي ايدج شدي عليه بسسسس مودوم تكرهينه بالصلاه بين فتره وفتره

درر 100%