زوجي طقني مو قادره اكمل معاه افـكر بالطلاق تعباانه نفسيـاا :'(

،

السلام عليكم

صبحكم ../.. مساكم ، الله بالخير

بنات انا حييل تعبانه نفسيـا وابي افضفض والا راح اسستخف

انا كنت حامل وجبت ولد طلعت من الاربعين عروس ومستانسه ومتشوقه للحياه الجديده والمسوؤليه ومخططه اسافر واستانس واسوي واسوي واسوي كنا انا وزوجي متفقين على شغلات حلوه وااجــد
طلعت من الاربعين عشت يومين حلوين جني عروس واكثر ثالث يوم الي اهو فجر العيد الي فات الله لايعيده من عيـد صار خــلااف واشتد النقاش بينا طول لسانه وررديت عليه وطولت لساني وسبني وسبيته ومد اييييده طططططقني زوجي طططقني طططقني ططق سنه بساعه كل انواع الطق الي تطري على بالكم صارت لي طقني حيييل كفخني طقني حيييل حييل مارحمني ماارحم صراخي وبجيي طقيته رفسته حاولت اوخر عنه بس كان وحش مجرم مو انسان كان يهودي ماعنده قلب قلت والله ماخليه لاحرق قلبه مثل ماحرق قلبي سويت له شي فشله طول عمره ماقدر اقول شنو وبهذلته رحت لاهلي ووصلت للطلاق استشار محامين واستشرت محامين نطرته يطلقني ماطلقني قلت مابي انا الي اروح المحكمه مع ان معاي تقرير بالضرب الي تعرضت له بس نطررت ماطلقني بعد فتره ولدي تعب ود دق عليه خـالي عشان بطاقة ولدي وصار بينا واتس اب يسأل عن ولده ويعاتبني ليش سويت جذي ويقول انتي تسبين واستفزيتيني وكلاام واجد وتفاصيل مابي ادخل فيها بعد شهر رديت له بس رديت له احس اني مكسوره متضايقه مو مرتاحه احس ان هذا مو زوجي الي عرفته زوجي عمره ما طول صوته علي !! مو قادره انسى الطق والالم الي جااني منه مو قادره انسى احس اني حييل مجرووحه حيل تعبااانه من هذاك اليوم لي هاليوم ولا يوم مر بحياتي بدون لا ابجي ولا مره دشيت تسبحت بدون لا ابجي وانا اتسبح ولا يوم غفت عيني بدون لا ابجي ابجي لما ينهد حيلي من البجي وبعدين انام حتى واهو نايم يمي اشوف ايده واتاملها اتذكر شسوت فيني وادعي عليه من كل قلبي صار يفرد عضلاته علي حيل حتى لما امر من المكان الي يمر منه يكش جسمي اذا لمس ايدي ينمل جسمي اذا جاني اررجف اررجف اقعد من نومي اروح الحمام اكتم صررختي وابجي ابجي حييل لما عيوني تصير جاافه من البجي وارد انام اكره بيتي الي عايشه فيه كل ما اشوف الزاويه الي انطقيت فيها تخنقني العبره واقول انا ليش للحين عنده؟؟ انا ليش للحين معاه شنو ناطره؟؟ حياااتي جحييم حيااتي ززفت انقلبت فوق تحت صارت سودا احس اني عايشه مع واحد ما ءأمن على روحي عنده كله خايفه ومتوتره من رديت له لي هاليوم ماطلعت معاه الا مره وحده بس ومشوار اشتري لولدي ومطعم مو قادره اطلب منه نبي نطلع واهو صار مايهمه شي مايقعد معاي ولايدري عني ولايشوفني يدش يبدل وينام ويلبس ويطلع واذا رد البيت مبجر راح انسدح وقعد يطقطق بتليفونه وبعدين ينام ماكو سوالف ماكو نقاش اسبوع اسبوعين مايلمسني ولا يحط ايده بايدي قعدت معاه وقعد معاي مره ومرتين وعشر مرات بروحنا تفاهمنا بس صعب انسى صعب اهو ينسى صعب امسح الي صار من مخي صعب اشوف ايده وما اتذكر ان هالايد الي طقتني صار يمر عيدميلاد وذكرى ملجتنا ولا واحد يقول للثاني كل عام وانت بخير ولا واحد اذا تعب يحن عالثاني ماكو سلامات اذا تعبت يقولي دقي على امج تجي تاخذج !! اذا تسبحت يقولي نشفي شعرج لاتمرضين وتبلشينا!! ماكو شي بينا الا هالولد هذا الرابط بينا يقول انه مجروح بس انا مجروحه اكثر منه انا متضايقه تعباانه ساعات افكر اراجع دكتوره نفسيه تعلمني وتاخذ بايدي عشان انسى وساعات ابطل جناطي واقول بس اذا رد ماراح يلقاني لان العيشه معاه صارت مستحيله لا ياكل ولايشرب ولا يقعد بالبيت مايسأل ولايهتم ولا نطلع ولا نكلم بعض الا للضروره وعن الولد بسس ولاعمري لبست له قميص ماقدر ماقدر يكش جسمي تخدر ايدي ورجولي واررجف اذا قرب مني وحتى حجارته وغيرته الجنونيه الاوليه موموجوده كل شي صار عنده عادي وكيفج وروحي مع اهلج ماله خلق لي ولا يوديني حتى يقولي سوقي وروحي اول لا ماكو الا معاي ماكو حياة بينا ماكو تواصل افكر انفصل وللحين قاعده اكلم محامين عشان اعرف الي لي والي علي بس الكل يقولي توه المشكله مابردت والناس ماتنسى شوي بترد حياتكم طبيعيه اي طبيعيه ؟؟ شلون طبيعيه والايد الي انمدت علي جدامي وجدام عيني ما اقدر انسى شكله واهوا يطقني بكل قوته ما اقدر انسى كسرته لي بفرحتي انا مو مثل اول وحياتي مو مثل اول وبيتي وزوجي مو مثل اول نفسيتي مومثل اول ، اول ماعرف الصداع ولا البندول الحين عايشه عالبندول كله راسي مصدع وعيوني وارمه ونااشــفه من البجي حتى وانا بين الناس العبره تجيني وتخنقني وارفع راسي حييل واقول عيني مادري شفيها او اسوي روحي اتثاااوب اقوى شي عشان امثل ان الدموع الي تبرق بعيني من التثاوب وارد امسحها واسوي روحي اسولف واضحك واذا رديت البيت تصك الدنيا فيني وابجي وابجي لدرجة خشمي كله مسكر اتنفس من حلجي من كثر البجي هذي حالتي من 4 شهور تقريبا احس روحي بس موقادره اكمل مو قادره اتقبله مو قادره ابتسم له ولا قادره ارفع السماعه واسأل عنه حتى قبل فتره سوى حادث ودريت بس مادري شصار فيه جسمي نمل ورحت بهدوووء حطيت تليفوني سايلنت ونمت مابي افكر فيه مابي ادري شصار له ماقدر امثل اني متضايقه او خـاايفه عليه ولما قعدت لقيت مسج انه بالمستشفى وبيطلعونه رحت كليت وقعدت ساهيه عن الناس وقعدت بروحي ابجي ابجي شنو الي صار ؟؟ شنو الي قلب حياتنا شلون صار عادي عندي يصير فيه اي شي ابي امثل اني خايفه عليه مو قادره حتى اضبط التمثيل تعبت تعبت تعبت حييييل تعبت من كل شي تعبت من هالذكرى التعيسه والحياه السخيفه الي مادري شنو نهايتها ولا الهدف منها !! لاتقولون لي قعدي معاه قعدت صرااحه قعدنا وقعدنا وقعدنا بس مانوصل لشي لاتقولون لي دخلي اهلج اهلي ماعندي اخوان واهله اهم سبب تعاستنا ، الطق يذبح يعوور سريري الي انام فيه اهو الي انطقيت فيه غرفتي الي عايشه فيها اهي الي فيها هالذكرى ايده الي خذت بايدي اهي الي ذبحتني ومارحمتني اخااف منه اخاف اكلمه او اقرب صوبه اذا تحرك واهو يمي نايم افز اخااف اخااف لاتقولون لي طلعي واستانسي وتعرفي وبتنسين توظفت عشان الهي نفسي وما افكر حتى وانا بالدوام وبعز شغلي الي لاهيه فيه اتذكر وتدمع عيوني واعطي الناس ظهري يعني اعدل ملفعي وانا امسح دمووعي اروح زوارات ولناس عمري مارحت لهم عشان انسي روحي بس هم بعز سوالفهم اسحب روحي واروح الحمام ابجي ابجي وارد اكمل امثل اني طبيعيه اروح السوق ابولع بريجي واتنفس من حلجي من الضيقه اروح مخيم مع بنات وحريم ووناسه وقعده ورقص وسوالف بس كل خمس دقايق اروح بروحي امسح دموعي الي تبرق او ابجي وارد ابي انسى ابي ارتااح ابي يمر يوم بس يوم ما ابجي ابجي واعض الكنبل وابجي بصرراخ بصرااخ ابي ارتاااح بس هم مارتحت كل يوم اقول الشهر الجاي بنسى والايام كفيله بالنسيان بس كل يوم يمر ابجي اكثر من الي قبله ابي يوم ما اتذكر ابي تجي اللحظه الي اقول فيها خلصت دموعي ابيها تخلص ما ادري شنو اسوي ما ادري شلون اعيش حياه طبيعيه انا حييل تعباانه تعبااانه لو اصررخ واقول اني تعباانه ماراح اوصل الي بقلبي والي احس فيه

كلامي ملخبط بس بطلت الصفحه وكتبت لعل وعسى اهدى شوي او احد يقولي كلمه تخفف عني وبعد فتره بطالب بمسح الموضوع لان فيه من يعرف نكي وزوجي يعرفه ومابي يظل الموضوع موجود

تعرفت على بنات واجد بالمنتدى وواجد حبوني وحبيتهم ابي الكل يدعي لي دعوه من قلبها لعل وعسى ربي يستجيب لها

ياحبيبتي اقرا موضوعج وخنقتني العبره حاسه فيج هالشي صج صعب وماينسي بين يوم وليله بس الي اقدر اقوله لج تقربي من الله اكثر ، قيمي اللليل واقري سوره البقره ويسين وادعي ادعي انه الله يهدي النفوس ويقربكم من بعض

والطلاق لاتفكرين فيه خليه اااخررر الحلول ويفضل مايكون بينهم عشان وليدج الله يخليه لج

وان شالله بندعي لج

حبيبتي لازم تعرفين انه كل انسان في لزين وفيه الشين وما يبين وياج صفاته الا بالعشرة ومثل ما انتي تحبين فيه مميزاته
لازم تتقبلين العيوب اللي فيه واخطائة والانسان مو معصوم من الخطأ ، والمفروض يكون هالشي درس لج انج تفهمين
الدنيا صح وتعرفين انه المشاكل والعناد ما تيب الا عوار الراس وانتي اللي راح تخسرين ، الريال يبيله تجارينه وتحترمينه
وما تبطلين حلجج على بونه تاخذين حقج لا غلط تعالجين الخطأ بالخطأ ، صبري وحاولي تنسين وقولي كل انسان فيه
جانب مو حلوة ، هدي بالج واقري قراءن وحاولي تنسي العلاج التغافل والنسيان لج ، وترا كونج تتذكرين مارح يحل
الموضوع كلش وشغلي روحج بشي ثاني ينسيج وربج يسامح انتي سامحي عشان بيتج وولدج.

الله يهديكم ويسخركم حق بعض
الله عطانا نعمت النسيان
مع الوقت بتنسين
انتي المفروض وقت الي عصب تسكتين عشان لاتكبر المشكلة
بس الي صار صار
واهو غلط مرة وحده
يعني عشان ولدج سامحيه وعطيه فرصة ثانية
انتو بينكم ولد حرام اضيعونه
وادعي حق زوجج بالهداية دائما
انتي حساسة وايد عشان جذيه تاثرتي بالموقف الي صار
ادري الي صار مب سهل بس اكيد عشان خاطر ولدج يهون كل شي

انا لله وانا اليه راجعون
والله ضاق خلقي عليج .. ماتمنينه توصلون لي هالمرحلة
بعد قلبي صبري واحتسبي الأجر والطلاق انسيه وشيليه من بالج ..
الله يسخر لج زوجج ويحنن قلبه عليج وتردون مثل قبل وأحلى بعد

اسمحيلي بس انتي مشاركه بالغلط..

المفروض اذا صرخ تسكتين حتى لو معاج حق و ما تتجاوبين معاه اهوا يصرخ انتي تصرخين بعدين يتطور سب انتي تسبين!!!

لو ساكته من اول ما صارخ جان ما صار الي صار و تطور الموضوع لي طق

و هم تقولين سويتيله سالفه تفشل..

تعوذي من ابليس روحي استشاري علاقات زوجيه و نفسيه ما فيها شي انا ترا رحت و بروح عادي ما فيها شي

اهوا شكله حليو بس هذاك اليوم ياته حاله عادي كل الرياييل جذي و رده فعله انه حاقرج لانج بس تبجين و هم انتي حاقرته انتي ابدي و كلميه و ردي عادي صدقيني بيرد مثل اول و احسن و تنازلي شوي

يا ربي شنسوي كل شي عالمرة بس شنسوي مضطرين

الله يهدي اموركم و يهدي زوجج و ازواجنا يياااااااااااااااا ربببببب

انا دوم اشوفج بالمنتدي ولمن قريت الموضوع وقريت نكج انصدمت بصراحه وقريت موضوعج عدددل انتي واضح تحبينه وااااااااااايد مو شي ليش تقصين علي نفسج انج ما تبينه وانتي وايد رومانسيه احس فيج بس انتي غلطانه لمن سبج تسبينه طلعتيه من طوره وفوقها فشلتيه بسالفه من باب الانتقام انه طقج وايد حريم انطقوا حتي جدام الناس وردوا نفس اول حاولي تنسين السالفه تلقين ريلج ناسي اصلا وعايش حياته وانتي متعبه عمرج انسييييييييي وردي مثل اول عطيه كلام حلو وكشخي واهتمي بيتج ولدج شوفي ردت فعله راح يكون احسن من اول بس شكله شايفج كله مطنقره الله يهديكم لبعض لاتنسين عندج ولد بتندمين اذا تطلقتي ..

احلى شي فيج انج ما قعدتي تشرحين وتفضفضين للناس الي تعرفينهم فيس تو فيس
زين قاعده تكتمين وتخشين همج
لان اكبر غلط لما الوحده تقعد تخبر الناس عن مشاكلها بعدها بتندم لان بتحاول بعد فتره تعدل الصوره وترقع وتظاهر بالسعاده والاستقرار
لكن الناس ما بتنسى
وبكذا بتحمل الهم همين

وانصحج بنج تلعبين رياضه بمواعيد منتظه لان بطلع الضغط النفسي الي عليج + تفرز هرمونات تعدل المزاج

اما زوجج فانا اشوف ان تطلبين منه ان تبعدين فتره عنه لين ما تهدين
وبعده تشوفون شلي الله بيكتبه لكم
والدعاء مافي اريح للقلب مثل التقرب وتعبد الله
ما تدرين يمكن لانج كنت بعيده عن الله والله عشان يردج له صار الي صار

والسموحه اذا قلت شي غلط او خاني التعبير

انا مره سمعت ان المره ماتنسى الضرب خصوصا من ناحيه الزوج

حبيبتي هالاكتئاب طبيعي من بعد هالجرح الكبير اللي صار بينكم

انا ما اقولج روحي قعدي معاه وتفاهموا لااااء غير اسلوبج انتي يمكن انتي مستفزه وماتدرين ترا تصير بدويه والله

مرات انا اتكلم كلام عادي بس يستفز منه ريلي بس طبعا ماتوصل للطق

على حسب اعصاب اللي جدامج

صدقيني ريلج ممكن يمسك اعصابه لو انتي مامديتي لسانج عليه

واتلاقينه اهو الحين ندماااان اسد الندم ويدري انه غلطان ويبيج بس ما له ويه خلاص

حبيبتي غير معاملتج معاه اسويه مو عشانه لا ء عشانج انتي جربي واذا ما فاد يكون انتي اخذتي بالاسباب

وايتخيري ربج

الصراحة أنا دايما أقرا ولا مرة شاركت بس سالفتج حرتني وبطت جبدي
أنا تعودت إنه أي مشكلة تصير الحل عند الغالبية في المنتدى اهي الصبر.. الناس لها حدود في الصبر.. مو كلنا نقدر نتحمل.. طاقة الإنسان في التحمل من شخص إلى آخر تختلف.. وهالشي محد يقدر يحدده أو يقيمه غير الشخص نفسه..
مو كل وحدة تنسب وتنهان تقدر تضبط أعصابها وتسكت.. ومثل ما مطلوب من المرأة إنها تمسك نفسها.. هم الريال مطلوب منه يسكت ويحترم نفسه وما يمد إيده لو شنو كانت مسوية زوجته.. الضرب ماله عذر نهائيا ولا تبرير.. فحبيبتي صاحبة المشكلة لا تلتفتين حق اللي نوعا ما يقط الغلط عليج لأنج انطقيتي..

وجهة نظري الشخصية اهي إنه الريال اللي يمد إيده مرة وحدة.. راح يمد إيده عشرات المرات إلا ما ندر.. وهالشي ياما شفناه وسمعناه من أخصائيين نفسيين واجتماعيين..

ومن كلامج اهو مطنشج.. يعني ماهمه إنه طقج..

مشكلتج محد يقدر يساعدج فيها غير نفسج.. سألي نفسج كل يوم هل أنتي قادرة تعيشين مع شخص مد إيده عليج؟ هل تتحملين؟ وهل كرامتج تسمحلج؟ فكري عدل واتخذي القرار اللي يتقبله عقلج ويريح قلبج ونفسيتج..

والله يكون في عونج إن شاءالله..

حبيتي الله يشرح صدرج انصحك نصيحة روحي حق الدكتور جاسم المطوع ما تصدقين اشكثر كلامة حلو ويشرح الصدر اخذي منة
موعد يمكن تنحل مشكلتك والله يشرح صدرج

يا حياتي حييل زعلت عليج ..

تدرين ليش انتي للحين ما نسيتي ومتضايقه لان زوجج ما راضاج ولا انتي راضيتيه المفروووض تكلمينه وتشكين له شنو صار فيج وابجي بحضنه وصدقيني بنفس الوقت راح يبجي معاج ويلمج حيييل ويطلع الجرح اللي فقلبه ..

لا تخلين زوجج جذي مهما صار بينكم ..

حبيبتي

بدوية وايد

بعد الولادة ترا يحوش المرة اكتئاب

ساعات بعد الولاد على طول

وساعات بعد النفاس لما تنترك بروحها اتجابل ولدها

انتي كان العامل اللي حفز الاكتئاب عندج

ضرب زوجج

مادري شنو الغلط اللي صار بينكم

ولا ادري اذا ضرب زوجج كان متراكم عليج من مدة

ولا بس بهالحزة تجبرر

عالعموووم

لاتاخذين و تعطين وياه بهالموضوع

علشان يبرد الموضوع شوي بينكم

انتي اقري قران و صلي قيام الليل

لانه شكله ابلييس قاعد يوسوس بالاكتئاب و يعييد عليج سالفة الطق

كلنا اتمر ببيتنا زوايا هواش و خناق و اعصاب و جذي

بس ماننظر لها على انها الزاوية اللي هاوشني ولا اللي عصب علي فيها

ماني عارفة انصحج

بس شوفي لا اهلج ولا اهله

بيقدروون يفيدونج بشي

لانه هذا الجرح داخلكم

يمكن بعد اهو مجروووح

ماتدرين من اللي صار

متحسف انه طلع منه هالتجبر و هالطق

تدرين تصرف زوجج طبيعي جدددددددا كل رجل بالعالم نفس الاطباع تدرين ليش لانه لما عصب ما سكتي وطوفتي زدتي معاه وصار اللي صار
الحل شنو انج تكثرين استغفار بنيه انج تنسين
وصدقيني في سوالف اقوى تصير والزوجين يردون طبيعين جدااا