|
|
السلام عليكم ورحمة الله وبركاته
خواتي الغاليات اكتب لكم هذا الموضوع وانا قلبي يتعصر من الهم والحزن……ماادري منين ابدا …..حبيت زوجي سنة 1999لما كنت بالجامعه اول سنه تقريبا وتزوجنا بعد علاقة حب شريفه والحمدلله انا بنت حموله وهو بعد من حموله معروفه بالكويت والسعوديه….المهم اهله كانوا عسل معاي يشهد الله انهم نعم الاهل وجبت منه ولدين وبنتين….عيالي كلهم متفوقين بدراستهم والمدرسين يحبونهم …وزوجي كان كريم كريم علينا لدرجة مايخلي بخاطري انا وعيالي اي شي سفر والحمدلله كل الدول اللي احبها رحت لها وشاريلي بطلاعتي بولدي الصغير قبل سنتين سياره ….حياتي معاه مافيها مشاكل كبيره …كانت خناقات بسيطه بهارات الحياااه الزوجيه آه آه آه……
شرينا السنه الي طافت قسيمه في منطقة هديه واجرناها عوائل…..كنت ماابي اطلع من حمولتي لاني مرتاحه وعيالي جدتهم مهمتمه فيهم حيل حيل …..المهم السنه هذي حماي خطب بنت اختي وبيتهم صغير عليهم وقال حبيبي لازم نطلع ونروح قسيمتنا قلت اوكي عالعطله شهر 7 او 8 انجهز شوي شوي بس على شرط عقب رمضان نسكن فيها لان عرس حماي بيكون شهر 2 السنه الجايه على ماتخلص بنت اختي من اخر كورس….
باختصااار
الشهر اللي طاف يوم الاثنين قام زوجي من النوم بيروح مراجعه عنده بمجمع الوزارات….قبل لايطلع قال حبيبتي تقومين تتريقين معاي….قلت له لا مابي اتريق بكمل نومتي ….ياليتي قمت تريقت معاه آه آه
نزلت الساعه 12 ونص الظهر لحمولتي شفت حماي بالحوش عليه فانيله و مكسر وجهه اسود منقلب قلبي عورني حسيت في شي قلت له شفيكم اول مره بحياته يزفني قال بصوت عالي ادخلي داخل رحت على طول دقيت على حبيبي من البيت الا جهازه مغلق….. ام زوجي مالقيتها سالت الخدامه قالت ماما راحت جمعيه قلت شنو في قالت بابا كبير قبل شوي يركب سياره مع خالد اللي هو حماي الوسط يركض سرعه سرعه قلت سترك يالله …راح حماي فوق لبس وطلع ..انزلت زوجته قالت شفي محمد قلت علمي علمج…دق اخوي علي قال البسي وجيبي العيال انا قريب عندكم قلت خلصني شفيكم قال ولا كلمه وتعالي بره…ماقدرت اركب الدرج عظامي ترجف خذيت عيالي والخدامه ركبت معاه …سلمت عليه ولاكلمه بالسياره قلت امي فيها شي طالعني وعيونه مغورقه…قلت تكفى قولي …ساكت مارد علي وداني طريق غير الطريق اللي اروح له بيت اهلي …نزلت بيت اهلي الا سيارة اخوي الكبير المتدين …لقيته واقف عند الباب قال ادخلي الدوانيه دخلت وقال لي انتي انسانه مؤمنه وحبني على راسي وقال زوجج عطاج عمره ….طبعا انا ماحسيت الا بالعدان وعلي دريب ….
اكمل لكم شوي تعبت….ماابي اتذكر ذاك اليوم
الله يرحمه و يصبر قلبج آمين
والله ما ادري شقول لج
ويصبر قلبج يارب
لازم اتكونين قوية علشان عيالج
لاحول ولا قوة الا بالله
صحيح الفراق صعب……………………………………….. ….
الله يرحمه ويرحم اموات المسلمين………………………………..
الله يكون في عونك
ليته يطاوعني عنك قصاف الاجال &&&&لا قول اترك نور عيني وخذني بداله
ظميت خالتي بالمستشفى وقعدت اصيح نسيت عيالي المساكين اللي كان مواعدهم الخميس بنروح الشاليه….ماادري شقول لهم….ماادري …..يالله تصبرني يالله
طلعت الساعه 10 بالليل من العدان….رحت بيت اهلي مع اخوي الكبير وشفت كل خواتي وخالاتي وطبعا انهرت واخوي ماخلاني دقيقه وحده ….سالت عن عيالي …قالوا ان زوجة اخوي خذتهم بالبيت عندهم ….
لاتسالوني عن شي مااشوف الا صورته قدامي …مااشوف الا ذكرياتنا الحلوه….كل اللي عندي يواسوني وانا في وادي ثاني …. راحو اهلي وقرايبي ..حطيت راسي بحضن امي وبكيت بكيت وجاني اخوي الصغير يواسيني مسكت ايده وقلت له علمني علمني ياسعود الغالي اشلون مات….
اتصدقون قالي انه اول ماطلع من بيتنا في اشاره عالشارع العام طافها الله يرحمه وتصادم مع باص فيه هندي والاثنين توفوا…علشان كذا اخوي لما خذاني من البيت ماوداني الطريق العام علشان مااشوف سيارته آه آه الله يرحمك يالغالي
انطروني بكمل لكم …..
الله يعينج الفراق صعب
ادري حبيبتي ان شي صعب عليج وصعب وااااااااااايد انج تفارقين منو تحبين بس هذا قدر و لازم تتحملين عشان عيالج وخلي إيمانج بالله قوي
آمين آمين
وعظم الله اجرج
محد قاعد على هالدنيا الله يصبرج ويعوضج.
مشوار كلنا رايحين اهم شىء الدعاء له
وترك لك امانه اعيالك عيشى لهم
والله يكون في عونك