|
|
.gif "Eh S(14)")
زوجج سوالج شي يزعل
مثل حالتي الحين
وانا زعلانه حددي ومتضايقه منه
شلون اخليه ما يضايقني مره ثانيه؟؟؟
يعني انا الحين معصبه ومو قاعده معاه بنفس المكان..
وبعدين شنو المرحله اليايه؟؟؟
وباجر …شلون….؟؟؟
يله ردوا علي بأفكاركم النيره
زعلي بوزي تحلطمي بس في بيتج وعند ريلج لاااااا تطلعييييين
وعقب الزعل والطناقر عطيه طااااف قووووي
وكشخي كشخة مزاااااج بألالوان اللي اهو يحبها وبالقميص اللي اهو يحبه
ولا طالعينه بالمرررره
وطبعا لا تنسين العطورات والاكله السنعه
كل هذا وانتي ماده البوز ومتجاهلته تماما
جذي الريال يتحرمص ويصير جنه طبخه وانطبخت على ناااار هااااديه 
ولا تناقشينه على غلطته الا لما اهو يفتح الموضوع
وعقب ناقشيه بكل دلع ودلال مع شوية ثقل
ولا تسامحينه الا عقب وعود صادقه منه انه ما يعود للغلطه هذي
والله يسخر ريلج لج حبيبتي 
تدرين انتي تقدرين تسوين الي تبينه بالمساحل
لما تبين شي زهبيلج جم كلمه سحريه وتدلعي واصري بس موحنه واهو بيوافقلج ويحس روحه ملك وقتها
انا برايي دام متضايقه روحيله وكلميه موشرط تراضينه عادي انكم تتفاهمون بس واحد لازم يروح
يعني انا لاتضايقت ماحب اقعد اروح اتكلم واطلع الي بقلبي موشرط اكون رايحه اراضي اكون رايحه اوضح نقطه
فانتي روحي ووضحيله شنو الي تبينه منه بهدوء ولاتنسين الكلام السحري
الكلمه الطيبه مفعولها موصج
لان السبب مايسوا الصراحه
اهو ما خلاني اطلع….
بس حدي تنرفزت مو تقولين بروح سوق والا سينما
بروح بيت عمتي
بس انا راح اثقل
واشوف
والله يخليلج بناتج يارب
|
المشاركة الأصلية كتبت بواسطة بناتي حبيباتي
 انتي وينج ألحين ؟ لا تقوليلي في بيت اهلج
زعلي بوزي تحلطمي بس في بيتج وعند ريلج لاااااا تطلعييييين وعقب الزعل والطناقر عطيه طااااف قووووي وكشخي كشخة مزاااااج بألالوان اللي اهو يحبها وبالقميص اللي اهو يحبه ولا طالعينه بالمرررره وطبعا لا تنسين العطورات والاكله السنعه كل هذا وانتي ماده البوز ومتجاهلته تماما جذي الريال يتحرمص ويصير جنه طبخه وانطبخت على ناااار هااااديه ولا تناقشينه على غلطته الا لما اهو يفتح الموضوع وعقب ناقشيه بكل دلع ودلال مع شوية ثقل ولا تسامحينه الا عقب وعود صادقه منه انه ما يعود للغلطه هذي والله يسخر ريلج لج حبيبتي |
كنت داشه بعلق بس هالكلام كفى ووفى ومضبوط 100%
مابي احبطج بس عموما الرياييل ما منهم فايده مايتعلمون
مو انا ييته بالمساحل اول شي ما فاد
تدرين اقدر اسوي شي وايد وايد يضايقه
وايد قاعده افكر اني باجر انفذ اللي في بالي
بتقولون السبب ما يسوا ادري
بس لي متى اهوا يسوي اللي اهو يريحه
ومايهمه انا ازعل، اعصب,، اتضايق
ليش بس تهمه راحته!!!
كلميه فهميه وجهه نظرج ان شاءالله يفهمج
|
المشاركة الأصلية كتبت بواسطة * Love Story *
انزين شنو سبب رفضه لروحتج لبيت عمتج ؟
|
اهو شويه وسواسي
لو اقوله بروج الجمعيه يخاف لا اسوي حادث، او احد يغتصبني، او…او…
ف كان ما يبي يحاتيني
بس انا مليت من هطبع
شكثر كنسلات طلعات وروحات عشان ما يحاتي
وبعدين انا احس انه يمثل ويبالغ عشان يقعدني بالبيت
|
المشاركة الأصلية كتبت بواسطة الاسطورية
لاتسوين شي تندمين عليه انتي لازم تلينين قلبه موتقسينه
كلميه فهميه وجهه نظرج ان شاءالله يفهمج |
مشكوره على التواصل حبيبتي.gif "Eh S(8)")
ترى الطبع هذا طبيعي بدايه الزوج انتي توج؟
والله العظيم هالمشكلة أعاني منها مثلج بالضبط
مايبيني أطلع كلش …
وإذا طلعت أو رحت زياره لأهلي بالساعه أكثر من مره يتصل ويرسل مسجات ..
ويتضااااااااااايق لما أقول بنام عند أهلي إذا كان دوامه ليل … (( دوامه شفتات ))
شالحل يا جماعة؟
الأسطورية (( ربي يحفظج )) أنا صار لي متزوجة أقل من سنة ،، هذا الفرق بيني وبين الإخت الله يحفظها ..
وبارك الله فيج يا صاحبة الموضوع وفي أختنا الإسطوية …
مشكوره على الأدعيه
بردتي قلبي
شوفي انا خف واااااااااااااايد عن قبل
قبل لي رحت بيت اهلي ينطرني عن البيت تخيلي المأساة…
الحين ويييين وايد احسن
بس احسه بحطني بقفص ويحكرني
انا اليوم بجرب اظل مطنقره وبحاجيه ان انا خلاص ما عدت اتحمل هالطبع
وبشوووووووووف