|
|
<< نك مشترك لحد ينقد
الســلآم عليكــــم ورحمـــة الله وبركآتـه
بسولف عن زوجي اللي دآيم دآيم دآيم يسولفون عنه .gif "Eh S(4)")
آنآ مملجه وسمعت أشيآء من بنآت خآلتي عن زوج المستقبل فضخت قلبي ..!
قسم بالله شحصيه مركبه متنآقضه مدري شلون بس على كثر مآحبيته على كثر مآ انآ ارجف اذا سمعت طآريه
بنت خآلتي تعرف مرة أخوه ومرة اخوه سآكنه ويآهم بالبيت وانا تعرفت عليهآ شحلاتهآ تهبل
تسولف تقول الله يعين بنت خآلتج عليه وربي كل البيت يرجف اذا سمعوا صوته حتى الخدآمآت يندسون
السآيق مآيآخذ احد من البيت الا بعد مآيدق عليه ويقوله فلانه او فلان يبي يروح المكآن الفلاني اروح ولا لأ..!؟
ويطنش الكل اذا الشغل كآن له ابوه حي واخوآنه 2 اكبر منه ومآلهم شغل يوقفون اذا صآر الموضوع عنده ومتحجر يآويل اللي تطلع وهي لابسه عبآيه كتف او حآطه مكيآج حتى خوآته المتزوجآت اذا يبي يجون البيت مآيلبسون شي يضآيقه يقولون ينقدهم يخليهآ تكره نفسهآ ولبس البيت بعد اذا وحده لبسهآ شوي كآن ضيق شوي
طردهآ وخلاهآ تبدل واذا دخل وحده منهم قآعده قعده غلط على طوول تعدل واخوآنه اذا سمعو صوته على طول رتبوا الديوآنيه واللي لابس بدله يرووح يلبس دشدآشه وهو بدوووي بدوووي حييييل ( رآعي نيآق , وخيل , وصقر بعد كملت وقصآيده بعد منتشره بلوتوث وسمعت صوته يخررررررررررع بس شعره حلو
وربي وربي خآيفه منه حييييل أخآآف اعيش ويآه برعب
للعلم على كثر تسلطه بالبيت حتى برى البيت بين حمولتهم رآيه يهمهم ودآيم يشآورونه وهو حاليا عمره 27
الشي اللي مطمني انه كلهم يقولون فلان هو قبلة بيت ابوه وهو اللي يكفي عنهم كلهم ورآعي موآجيب وهو اللي دمه خفيف ويعرف يضحك اللي بالبيت كلهم بس وقت الجد جد ..!
ومعتمدين عليه بكل كل شي يعني رجآل والمشكله كلهم يحبوونه حييييييييييل حييييييييييييييييل ويخآآفون منه حييييييييل حتى حريم اخوآنه يقولون لآصآر موجود نحس بأمآآن
امآنه شرآيكم ..
حبيتي بعد العرس يتغير والله انا خالي جذي ملبس خواته نقابات وعبي ومايرضى على المكياج
ويوم تزوج مرته مالبست نقاب ومكياج وخالي الثاني بعد نفسه وشوفي بناته مكياج وبدل ويسوقون
عادي ياقلبي والله يتغير ولا تخافين ولاشي بيكون عندج فوق غير وعند اهله غير
وعسى الله يوفقج ويهنيج ياقلبي ولا تحاتين
يمكن يكون معاج انتي غير انتي زوجته وحاولي انج تكونين له مثل ما يبي والافضل ان من البدايه تعرفين اللي لج واللي عليج عشان تتقربين منه اكثر
والله يهدي لج اياه ويسخره حقج ويرزقج خيره يارب
حبيبتي إذا إنتي متردده بقرارج قولي لأهلج مابيه وغيرت رايي
الرجال بعد الزواج يتغير 180 درجه
وعموما دايم الرجال يكون مع زوجته غير غير عن خواته
شكثر اعرف ناسس جذي
بسس بعدين نلاقيه مع زوجته فري حيل
الله يوفقج يارب
دام الحين انتي عرفتي بعض صفاته
عودي نفسج تتاقلمين مع هالصفات
والله يوفقكم
الزوجه غير
من صجج أنتي
كل شاب عصبي ويزف من يتزوج راح يتغير راح يصير شي ثاني
يصير خرطي صدقني أسالي مجرب
و موووفقة حبيبتي
هههههههههه
توكلي على الله ولا تخافين حبيبتي
هالنوعيه من الرياييل بالذات
معاملتهم مع خواتهم غييييييييييييييييير عن زوجاتهم
لا تخافين صدقيني باذن الله راح تشوفين منه ما يسرج
ويكتب شعر حبيبتي هذا رومانسي وحنون
وتحت هالقناع راح تلاقين واحد حساس جدا
الله يوفقج وتكتبين لنا باجر
قصايد الحب اللي ألفها لج
الله يسعدج يارب
|
المشاركة الأصلية كتبت بواسطة k&rya
 بالعكس كل تصرفاته صحيحه يعني ليش الخوف دامج ماشيه سيده ليش راح تخافين منه هذا الرجل الصح ما يرضى بالغلط ابوي الله يرحمه كان نفس تصرفاته يعني ما عندنا البنت تطلع من البيت متمكيجه اصلا انا ما حفيت ولا قصيت شعري ولا صبغته الا بعد ما تزوجت يعني ابوي كان وايد يعصب على الشغلات الغلط حتى بالبيت ما البس نص جم وهالشغلات عاديه وصحيحه يعني المفروض البنت حتى بين اخوانها ما تتعرى او تلبس شي ضيج او قصير اللبس المحترم مافي احلى منه وانا اقولج توكلي على الله لان بهالزمن الوصخ نادر ما تلاقين رجل وفيه غيره على اهل بيته طلعي بره وراح اتعرفين شقصد ..
|
معاها
سبحان الله وبحمده
سبحان الله العظيم