زواج الاقارب

السلام عليكم
بنات انتوا تأيدون زواج الاقارب ..
ابي كل وحده تعطيني ملحوظتها حول هالموضوع ..
وان على قولتهم اخذ ولد عمي ابرك من الغريب ولالا ..

ناطرتكم

انا ماخذه ولد خالتي والحمدالله مو شايفه فيها شي صعب
وبالعكس حلو انج تكونين بين اهلج معززه مكرمه
والاهم انه يكون المتقدم لج ريال كفو والنعم فيه يعرف شلون يصونج

وانا قلتها من الاول
من خرج من داره قل مقداره

لا ما أأيد

انا ما اايد زواج الاقارب

طبعا فيه سلبيات و ايجابيات

الايجابيات انه تكونين عارفتهم اهلج ما يتغير عليج الوضع يعني غالبا الطبع متشابه ماتكونين داشه عالم يديد 100%

هذي الايجابيه الوحيده اللي اشوفها

السلبيات:

اول شي الامراض الوراثيه

لو صارت مشاكل بين الزوجين ممكن العايلتين يصير بينهم خلاف

لو صار طلاق لا سمح الله ممكن تصير قطيعه بين العايلتين

ما ايد ولا اعارض

يعتمد على الرجال اذا زين او مو زين

مو موافقه ولا أعارض

—> شتبين عيل ههههههههههههههههههه

لا يعني عادي عندي .. بس الرسول صلى الله عليه وسلم قال : (تغربوا) …… !

انا ماخذه ولد عمتي

والحمدالله يارب مرتاحين
بس مثل ما قالت الاخت اذا صار طلاق راح يتعاادون الاهل 70%

نورتوا حبيباتي
ناطره ردود وواراء الباقي

صراحة اايد انا ماخذة ولد عمي وحاسة اني بين اهلي ومحس اني غريبة

انا بصراحه ماايد واذا البنت وافقت لازم تسوي تحليل الامراض الوراثيه وايد ناس اعرفهم خذو من الاهل وعيالهم كلهم فيهم امراض وراثيه خطيره

روح بعيد تعال سالم

مثل شنو الامراض الوراثيه؟

أكييييد ولد الأهل بيشيلونج بعيونه وبيصونج
وما أيد لمقولة الي اتقول ان الاقارب عقارب وإن بنت العم تنداس وبنت الناس فوق الرااااس

كافي انج اتعرفينه عدل واتعرفين اطباعة واتعرفين اهله

الله يعين

لا ما اييد

لان ولد خالتي وولد عمي حسبة خواني ماحس وناسه

بعدين صار شي بينا امه تتدخل على بو انها خالتي وتمون لا يبا

روح بعيد وتعال سالم وبعدين اذا خذتي غيرب احلى تحسين انه شي يديد وحياه يديده مع ناس يداد

والله يقدم اللي فيه الخير وهذي في النهايه توافيج