|
|
مرحبا بنات شلونكم
حبيت اسوي موضوعين في موضوع واحد واتكلم عن أشياء معينة وحابة تشاركوني آراءكم فيها
( زحمة الطريج )
كل يوم من أيام العمل أعاني من زحمة الطريج لان مدرستي بمنطقة العاصمة وانا ساكنة بمنطقة مبارك الكبير، وكلكم عارفين طلعة الدوام من الزحمة الصبح شلون صايرة. يعني من الصبح لازم 6:20 أكون طالعة من البيت. وان تأخرت 10 دقايق أوصل متأخرة. نفس الشي لما يخلص الدوام على ما اوصل البيت صارت 2:55 يعني قريب الـ 3
طبعا فكرت وفكرت وفكرت وسويت استخارة اني اروح مدرسة قريبة يم بيتنا، لان في مدارس وايد بس الاستخارة طلعت مو زينة وفوق هذا مابي أروح مدرسة وانا مو عارفة مايتها شنو. صح مدرستي فيها اشياء تطلع للوحدة قرون بس هم تضل أحسن من غيرها. شدراني الادارة اليديدة شلون بتكون أو شلون بيكون قسمي اليديد؟ وخاصة ان قسمي هذا الي انا فيه كافية خيري شري وكل وحدة مالها شغل بالثانية علشان جذي سالفة اني اروح مدرسة ثانية شايلتها من بالي مع ان قبل كنت ناطرة بس متى تنزل كشوفات النقل. شسوي بعد امري لله اجابل هالزحمة لحد ما الله يفرجها وعلى قولة ابوي بنسكن بالدسمة قريب من مدرستج بس مو الحين بعد 4 او 5 سنوات لووول
( مادتج هل انتي متمكنة منها؟ )
هل مرات تنحرجين من سؤال ما تعرفين تردين عليه لما طالبة تسألج وشنو تسوين لي ماعرفتي الجواب؟ انا الصراحة ما عرف حق منهج ثامن و تاسع خاصة النحو مالهم احسه صعب. واحس منهج سادس وسابع اقدر اتحكم فيه. وانتي شلون مادتج معاج؟ واي لا تييي بنت من 8 او 9 وتسألني سؤال بالنحو والله ويهي ينقلب الوان ولا اعرفه احل اي سؤال. اما سادس و 7 عكس جذي تماما
بس من ناحية التمكن من المادة انا اول سنه ادرس و درست ثانوي و عطوني عاشر و 11
و النحووووووو صعب و الله و ماشاء الله عندي بنت ممتاااااااازة و دايما تحرجني بالاسئلة بس عاااادي اقولها بتاكد من الاجابه و ارد لج ما ابي اقولج شي مو متاكده منه
بس صرت اتفادى هالمشكله بالتحضير الجيد تكونين واثقه من نفسج و انا احضررر اي سؤال اتوقع بيسالونه ابحث عن اجابته
ان شاء الله السنه الجايه ما اواجه هالمشكله لان بتكون تكونت عندي خلفيه عن القواعد كلها
و موفقة عسولة
من ناحية التمكن من الناحية العلميه اقدر اقول اني متمكنه بس حصص يوم الاحد احس ان شرحهم يكون غيير عن باجي ايام الاسبوع
الاحد اكون اول مره شارحه الدرس بس بعدين خلاااص اتفنن بالشرح
أنا مدرستي يم بيتي أطلع من بيتي 7:15 أوصل مدرستي 7:30
لا تتوقعين أن المدرسة إلى أنت فيها أحسن مدرسة بالكويت
أنا أول تعييني كان بالجهراء…… قلت خلاص ما ابي أنتقل علشان مدرستي زينه ومرتاحة فيها
قعدت 3 سنوات بالجهرا كل يوم هذا الطريج الطويل
المهم بعد ثلاث سنوات من التعيين … الحمد لله الحمد لله الحمد لله انتقلت مدرسة قريبة
و أحسن من مدرسة الجهرا….. و القسم أهبل ….. و الادارة روعة
تحسفت على الأيام إلى قعدتها بعيد عن بيتي
والسؤال الثاني : أنا قديمة بالتربية فما أعاني من مشاكل في شرح الدرس
يعني تطلعين 7:25 توصلين 7:30
وترا لو كانت الادارة مكرم السامع زباله يعتمد عليج انتي وقوة شخصيتج
انا ادارتي مقرفه ملسن والكل يذمهم مامرت علي ابله تمدحهم لكن انا ولله الحمد مرتاحه معاهم لان رئيسة القسم مريحتني ومو كويتيه تقعدلي على الوحده لا مصريه وطيبه ومالها شغل
اما الادارة مااحتك فيهم والناظرة من توظفت ماكلمتها كلش ولاتعرف شكلي هههههه
اما سالفه انج ماتعرفين المنهج شكو معطينج 9 و8 وانتي اول سنه ادرسين؟
انا عن نفسي اسأل الابلات قبل كل درس
لازم اقعد ساعه اسأل عساس مااغلط وانحرج جدام البنات
استعيني بدليل المعلم
هم حطي مدرسين يدرسونج منهج المتوسط ترا المصريين شطار وراح يعطيج طريقة الاعراب والنحو والصرف بطريقه مباشرة ولي رحتي شرحتيها البنات راح ينبهرون بطريقتج هههههه
والله يوفقج
كوكي: انا ادرس 6 بس قلت اني مومتمكنة حق 8 و 9
آب
القرب غنيمه
انا جربت البعد سنه
وجربت القربب بصراحه القرب احسن لج بوايد
والادارة عليج انتي تقدرين تحطينهم بجيبج
على سالفه المنهج انتي وشطارتك اقراي وابحثي وراح تصير الدروس احلى واسهل
وسلامتك
القرب زين
وبالنسبة للمناهج حاولي تقوين نفسج
والمفروض المعلمة تكون ملمة بكل المناهج مو بس اللي تدرسها