|
|
سلام بنات وحريم اشلونكم؟
راح ادخل في الموضوع على طول انا كنت امر في مشاكل واااايد مع زوجي وكل مره اسامحه ويتحسف ويحلف انه يحبني ويبيني ولو مايبيني جان مو عايش معاي وجان طلقني، هذا لاكلام كان يريحني بس المشكله اني عايشه معاه وللحين اتذكر كل شي صار،، حاولت اوثق فيه وحاولت ماكنت اقدر سويت استخاره واطلعت موزينه اني اثق فيه، بنات كنت اشوفه يتكلم في تليفون ثاني ولما اقوله يقول لا هذا شي عاكس على السياره ويحلفلي انه ماكان يتكلم في التليفون ،، المشكله الحين اني دريت انه في الفيس بوك ومصخره صوره وبنات وتعليقات وتعرفون سوالف البنات الوصخات ضفته وخذيت معاه في السوالف وكلمته وضافني على الايميل وسولفت معاه وعطاني رقمه وبطلي الكام وللاسف ويا القهر طلع زوجي ابو اعيالي قاعد ويقولي يالله بشوفج ويواعدني طبعا مايدري اني زوجته، وانا اكلمه يقولي انا افضل البنت الكبيره عشان اذا صار شي لا يطيح في مشاكل واهوا مو كبير وايد بالعشرينات، شنو قصده من هالكلام/ اله ناوي على شي الله اعلم فيه، لما رجع البيت فاتحته في هالموضوع جان يسكت ويقولي انتي مو واثقه فيني قتله اي من الي شفته منك مو واثقه فيك،وبعدين يقولي والله مو انا هذي وحده كانت تلاحقني واعرفها من قبل لا نتزوج وامهدده حياتي وانه بتهدم زواجي وانا حاط ربعي انه يحطون صوري ويقولون اني امطلق عشان لا تقرب صوبج وصوب ولدنا لان تعرفج وتعرفهم ويايه صوب بيتنا وشايفتج وهذي البنت خطيره ، وفعلا انا صارت معاها مواقف قبل الزواج وكانت ماتستحي حيل،، الحين بنات انا ماصدقته لاني شفت الفيديو بس يقولي يمكن احد امسجل وحاطني!!!! شنو هالمصخره… اليوم الثاني طلعني ولما رجعنا فتحت الموضوع عصب ويقول والله مو انا،، قتله انزين طرش مسج حق رفيجك قوله يشيلك من الفيس بوك جان يقولي قتله بس ماطلعني، عاد سويتها سالفه قتله راح اقول حق الكل انك متزوج وسويتها قلت حق الكل وقالي اذا سويتي راح اطلقج ،، الحين بنات انا محتاره امس طلع من البيت ونمت بروحي ولا يه صار اليوم قلت بنام بيت اهلي بس توني استخرت اطلعت مو زينه كلش وسويت استخاره ارجع اطلعت زينه ، فا راح ارجع بس ابي حل شنو اسوي اذا ماتغير، امس سوه برايفت اني ماقدر اشوف التعليقات ولا شي في بروفايله،، كان يبي يطلقني ويقولي انا مابي اطلقج بس انتي تجبريني على هالشي ،،، مادري الحين اذا خذا موعد مع المحكمه ولا لا ، بس في الفيس بوك حاط اسم مو اسمه وربعه تعليقات ويتطنزون ويدرون انه اهوا اسمه،، مادري والله تعبت والخيانه تذبح الواحد والله لا اكل ولا شرب ولا نوم اقوم من النوم احس اني في حلم وانه كل الي صار ماصار،، والله اتمنى يدق يقولي كلمه تريح قلبي ويتحسف على الي سواه ويتاسف ،، الحين بنات انا برجع بس شنو اسوي؟ قتله يا انا يا البنات وهالسوالف يقولي والله مو انا اشفيج.gif "Eh S(11)")
ادعي ربي يهديه وردي بيتج
دام للحين مساله شكوك لين تصيدين شي اكبر وذاك الوقت تحجي معااه
انتي تقولين شفته كاام >>فاكيد اهو شلون يقول احد مسجلني >>حمدالله والشكر
مالج الاااا الصبر والله دام بتووصل ليي الطلاااق
مرده يكبر وينسى نص الرجال جذي الحين استغفر الله يمعوده على الاقل ماطلقج ويبييج لاتجيبين الطلااق حق نفسج
عورتي قلوبنا والله تكفين لا تذبحين نفسج اشفيج ؟؟؟؟؟؟؟؟؟؟؟؟؟؟؟؟؟؟؟؟؟؟
هذي اللي تبيني اطلع لها من الشاشه
حبيبتي ما شالله عليج استخاره وهدايه من احلا مايمكن اشفيج مستسلمه لابليس ووسواسه …
مو يمكن الريال صاج ؟؟؟؟؟؟؟؟؟؟؟
يااختي حتى لو مو صاج ملزومه تصدقينه الريال اللي مايحب مرته يهرب من بيته ولا حتى يقابلها …..
فتحي مع نفسج صفحه يديده وحاسبيها …. ترسي وقته يوم جذي ويوم جذي ويوم جذي ….
شغليه باي شغله خليه ما يحك راسه ….
وااااااااااااي وانت عندج ولد منه ماتخافين يعصب ويطلق شتسوين ساعتها …
تهقين هو لو انه راعي بنات ومغازل وتلحق ييلج ويراضيج ؟؟؟؟؟؟
حبيبتي الرياييل صايرين اذهن من الحريم بالتخشش والله كان خش عنج ولا خلاج تطيحين عليه
انا باسئلج سؤال يوم واجهتيه بالتلفون الثاني بسرعه رد عليج والا استشار صديق والا فكر والا حذف اجابتين ….
من وين له السبب بسرعه ويابه عندج ؟؟؟؟
تكفين لاتخلين ابليس يهدم بيتج تكفيين وشغلي وقته وتفرفري فيه …..
يوم طبيب يوم سوق يوم مطعم يوم جمعيه ويوم ويوم ….
حبيبتي مسحي دمعتي وطردي ابليس واستعيني بالصلاه والصبر …… الدعاء المستمر حتى اذا سحبتي النفس قولي ربي سخر لي زوجي وملكني قلبه ………………………….
وانا والبنات بندعيلج ربي يسخره لج ولا يشوف الحريم حريم الا انت الانثى بنظره ان شالله حتى لو كلنا ام عليوي عادي …
ضحكي وعسى ربي يزيدج جمال وثقه لاتاثرين عليه ترا الريال يزهق ويهرب من البيت وكاه امس سواها مثل ما قلتي تهقين ارتاح ياويلج ان ارتاح بيكررها مرات ومرات …….وبعدين لاتقومين تتزعلين عند اهلج على شي يجرحه ديري بالج لاتهينينه بالعكس تعمدي تسمعينه انج ترفعين من شانه عندهم …..
ياحبيبتي حذفي وحذفي عشان اليهال وعشان الحب الكبير اللي له بقلبج شنو نسوي هذي سنه الحياة وهذا الاختبار اللي اختاره ربنا لج عشان يشوفج ويختبر صبرج
الله يوفقج وطمنينا عليج
فديت هالطله انا لا يهمج وقولي الله يعين قلبي ويارب يامستعان اعني
وطالع نفسج بالمنظره وعيشي احلا ايامج
والله ماني عارفه شقولج
بس الطلاق بعدي عنه
وحاولي تكسبين زوجج لاتنتظرين انه يدق عليج لان الريجيل مايتنازلون انتي حاولي تدقين عليه وتقولين له كلام يحسسه انه ظلمج وانج ماتستاهلين هالشي منه وانج ماتوقعتي انج رخيصه عنده وراح يفرط فيج وفي ولدج على موضوع سخيف وحسسيه انج هقيتيه اعقل واكبر من جذي
لاتحسسينه انج مو مهتمه ولاتطيحين في فخ الكرامه وتفكرين كرامتي وكرامتي لان هذا اللي يهد البيت الريجيل مراهقين طول عمرهم مراهقين
لازم تحكمين عقلج وادخلي لزوجج من الجوانب اللي انتي تعرفينها نقطة ضعف عنده يعني ذكريه بولده او بلحظات حلوة بينكم او موقف وقفتي انتي معاه فيه
لاتهدين حياتج اللي تعبتي عليها على اشياء باجر بتعدي وتتغير
وموضوع الفيس بوك هذا صار وباء انا اللي قاعده اكلمج لقيت زوجي حاط له صفحه على الفيس بوك وصورته واللي ضايفهم كله بنات ويقول مو انا اللي مسوي الموقع ومادري عنه رفيجي مسويه
انتي حاولي تسحبينه من هالاجواء واحرصي ان علاقاته ما توصل وتكون جسديه او زنا والعياذ بالله
ودايما خلج مستعده وخلي العلاقه الزوجيه بينج وبين زوجج مستمره ومتكرره لان اذا كان شبعان من البيت ماراح يكون فيه حيل يدور سوالف برا وحتى لو دور ما راح تتعدي خبال وسوالف شوفي حبيبتي انا يمكن كلمتج بجراه شوي بس والله قلبي عليج وابي لج التوفيق
وصدقيني اكلمج عن تجربه راح تعدي هالامور وراح ماقولج تنسين الخيانه بي تسامحين وتمشين الامور لان المراه العاقله هي اللي تخلي المركب تمشي
وعسى الله يوفقج ياقلبي وييسر امورج يارب
الله يوفقج يارب
|
المشاركة الأصلية كتبت بواسطة قطووه حلووه
 وهالاشكاال والله تقزييييييره بالنسبه له ومضيعت وقت لو يحب وحده فيهم جان تزووجها بس مبين يحبج ويبييج
|
هالكلام صحيح 100% …. لوما انه يحبج وبيبج … ماحاول انه يرقع الموضوع ولا قع يألف ويلف ويدور ..
لو انتي ما تهمينه وما يحبج … جان قال لج بكيفي … واذا مو عاجبج روحي بيت اهلج …
انا شفت اكثر من وحده جذي … والله قال لها هالكلام .. ويكلم بنات جدامها اشكره … واذا تحجت يقول لها بكيفي … واذا موعاجبج …. روحي بيت اهلج …
انتي ريلج يحبج وما يبيج تزعلين …..
ومثل ما قالت الاخت … انه هالاشكال تقزيره …. ومضيعت وقت …
ومصيره يمل من هالسالفه ويتركها …ترى اغلب الرياييل جذي …تجيهم هبّه غريبه على هالامور .. وتالي يطخون ويردون طبيعيين ….
الله يهدي بالج حبيبتي … ويهديه ويسخره لج ويبعد عنه بنات الحرام ….
والله يهديه ويهدي كل الشباب لان كلهم سولفهم جذي لتضيع الوقت
ادري بنات بس والله غيره ماحب اشوف ريلي جذي البنات والمصخره
ادري بنات بس والله غيره ماحب اشوف ريلي جذي البنات والمصخره
اشلون تقدرين تثقين فيه
الله يعينج ويهديه لج