رحمه الله واسعه الحمدلله يارب اللهم لك الحمد

قوه بنات شلونكم انشالله بخير

انا من زمان عنكم يمكن نسيتوني بعد بس بذكركم بنفسي
انا صار لي متزوجه الحين 3سنوات وسبع شهور حملت 3 مرات والله ماكتب يتمون واخر حمل لي قبل سنه وشوي اذا تذكرون حملت بتوأم بس ماتو بالشهر الثالث والحمدلله ربي عوضني خير الحمدلله يارب ياكريم الحين انا حامل صار لي 5 اسابيع بعلاج طبعاً عند الدكتوره حفصه في قسم الفي اي بي بمستشفى رويال حياه الله يتمم علي حملي ويرزقني الطفل المعافا يارب ويرزقني شوفته وبره وشوفه عياله وعيال عياله ياااارب الحمدلله يارب مشالله تبارك الرحمن
والفضل بعد الله سبحانه اني اخذت بالاسباب غيرت السكن مالي وبديت اقراء سوره مريم والبقره مع الدعاء طبعا والاستغفار وراجعت عند دكتور هيومن بس استحيت لانه ريال وماحبيت اني اراجع عنده فحولت على دكتوره حفصه بنفس القسم ونفس التخصص والحمدلله ربي رزقني بالحمال بفضله سبحانه جل علاه

الحين يابنات ابي دعواتكم ان الله يثبته لي انشالله وتقر عيني بشوفته معافا كامل الخلقه واحضنه بين ايديني واااااااي شكثر متلهفه على ان هلشهور تعدي واشيله واشم ريحته واضمه مستااااانسه حدي الله لايضيع لي تعب انشالله ياااارب ويرزق كل محرومه وخاطرها بياهل ولا يخليها شهوه لاحد ياااارب عسى ربي يرزق كل من في خاااطرها الحمال ويتمم حملي وحمل كل وحده تنطر مولودها يارب ياكريم …

حبيبتي الف مبروووك وانشالله ياااارب يتمم عليج حملج وتولدين بالسلامة
وتفرحين بالبيبي المعافي يااااارب
حطي بالج على نفسج ودايما اقري القرأن واطلبي ربج يتمم الحمل بخير

الله يثبته لج ويفرحج بشوفته بصحة وعافية ياااااااااااااااااااارب

أهم شي ديري بالج على حالج وتغذي زيييييييييييييييييييين

الف مبروك ,,
والحمدالله الذي لايُحمد على مكروه سواه ,,
الله يثبته لك ويرزقك بالحمل السليم المعافى كاامل الخلقه والخلق من غير زياده ولا نقصان
ويكون من عباد الله الصالحين
ويسهل عليك حمله وولادته
ياااااااارب

الله يبارك فيج ياقلبي مشكوره على الدعوه الحلوه يالغاليه ولج بالمثل انشالله

والحمدلله انا حاليا مستمره على نظام كل يوم اقرى سوره البقره كامله وسوره مريم قبل لا انام

بالاول كنت احسها طويله واتعب بس الحين الحمدلله اقراها عااادي جنها 3 صفحات مو 3 اجزاء اللهم لك الحمد

الله يجزاج خير ياقلبي ولج بالمثل انشالله

ومشكوره على النصيحه عاد انا حيل مقصره بحق تغذيتي بس انشالله اعدل نظامي

آآآآمين يارب مشكوره حبيبتي على الدعوه الحلوه ولج بالمثل انشالله يارب ..
الله يجزاكم خير كلكم فديتكم عسى ربي مايحرمني وقفتكم يارب

الله يثبته لك ويرزقك بالحمل السليم المعافى كاامل الخلقه والخلق من غير زياده ولا نقصان
وانتبهي لنفسج وحصني نفسج دايم حبيبتي

الف مبروووووووووك

الله يثبته يارب وتفرحين بشوفته سليم معافى

بس لازم تعالجين سبب الاجهاضات المتكرره

يارب يتمم عليج على هير وتولدين بالسلامه

الله يجزاج خير ولج بالمثل يالغلا وانشالله باذن الله نصيحتج على البال
الحمدلله انا مستمره بالرقيه الشرعيه عسى ربي يتمه لي يارب

تسلمين حبيبتي على نصيحتج الله يكتب اجرج يارب ياكريم ..

الله يبارك فيج ياقلبي

انا ولله الحمد حملاتي الاوليه ولا وحده منهم اجهاض بس اول واحد كان خارج الرحم وانفجر ووصلت للموت بس الحمدلله ربي كتب لي عمر ثاني بكرمه سبحانه وثاني حمل كيميائي وثالث حمل كانو توأم وماتو وقالولي شبه عنقودي بس لمن وريت فحوصاتي للدكتوره حفصه قالت لي ماكان عنقودي كان طفل مو مكتمل ومات واثر على الثاني ومات بعد ورحت عند حرمه تعالج بالاعشاب وقالت لي كل شيء فيج اوكي بس معاج نفس قويه و يمكن معاج التابعه وهذي علاجها القران باذن الله والحين انا مستمره على القران والرقيه الشرعيه والله كريم انشالله

الله يجزاج خير ياقلبي ولج دعوه بالمثل انشالله

مبروك الحمل حبيبتي

نصيحتي لج … تكتمي عن علومج و حصني نفسج بالرقيه يوميا

ولا تنشرين اخبارج الا للمقربيه جدا عشان الله يحفظج من عيوون الناس

ربي يثبته لج ويفرح قلبج وعينج بشوفته كامل معافى اللهم امين ويرزق كل المحرومين ياااااارب