رحت الطوارئ او قالولي عندي تكلس المشيمه او دكتورتي ماقالتلي شسوي .؟؟؟

مرحبا خواتي
ما ادري حدي محتاره

حركه البيبي حدها قلت عندي او ناده العلي قالتلي اذا حسيتي بشي روحي الطوارئ
المهم رحت الطوارئ او كانت قبل مراجعتي حق ناهده العلي تقريبا ب 3 ايام ولا دكتوره الطوارئ تقولي عندج تكلس بالمشيمه او هذا ما يخلي الدم يوصل لها ولا للجنين او علشان جذي اتقل الحركه

المهم انا الحين بالتاسع صارلي 11 يوم او عقب مارحت الطوارئ رحت عند ناهده مراجعتي العاديه ما يابتلي طاري التكلس !!! قلت يمكن الطوارئ تشخيصهم غلط
المهم بييوم عرفه رحت الطوارئ مرة ثانيه كنت مسويه تحليل بول او انتوا بكرامه او على اساس ان ناهده معطتني موعد عقب اسبوعين او بالتاسع لازم كل اسبوع فقلت بروح اجيك على البيبي
رحت ولا طبيبه ثانيه تقولي لازم تخطيط
او عندج تكلس بالمشيمه واضح وايد او هذا ياثر على البيبي او على حركته او لازم كل 3 ايام اسوي تخطيط
مع ان انا الحمدالله حملي ماشي تمام من البدايه بس الحين طلعلي تكلس على المشيمه

ما ادري شيوي اروح المستشفى اقولهم ولدوني او اخليهم يتصلون على ناهده العلي لان موعدي عندها 26/12 يعني مكول

او قريت بالنت ان الي يصير عندها تكلس بالمشيمه امبجر يولدونها اقصى شي في الاسبوع ال38 او انا ماباقي شي علي او ادش الاسبوع ال38 بليييييييييييييييز نصحوني
لان ناهده نوعها ما اتخاف عادي تخليني لي اخر الشهر
مثل الي كان فيها ماي وايد او ماولدتها لين مات البيبي انا وايد وايد خايفه او صج حركه البيبي خفيفه جنها حركته بالخامس تقريبا

نصحوووووووووووووووووووووووووني
او اتعرفون احد صارله نفسي يعني المشيمه عيزت امبجر

ياختي انا اعرف وحده قريبتي مثل حالتج

لما عرفو انه فيها تكلس ولدوها على طول لان البيبي كان يضعف

ولما ولدت ولدها ضعيف حيل جنه معصور

لاتنطرين الموعد روحيلها وسألي اكثر من دكتوره

والله يسهل عليج

حبوبه لاتسكتين عن نفسج روحي راجعي اذا مو دكتورج اي دكتور لا تنطرين وبعدين اتحسفين لا سمح الله
ان شاء الله مافيج الا العافيه بس الاحتياط واجب

شرايج تروحين مراجعه وحدة لدكتورة خالدة ؟؟
اهي تخصصها
انا صارمعاي نفسج بس كانت الحركة قليله مو عشان التكلس لا
عشا انا دشيت التاسع والحلو اسم الله عليه كببببببر
فولدتني على الاسبوع 37 والحمدلله
اووو روحي لدكتورتج وقوليلها باووولد ولديني … الطب تطور واذا حالتج
تسمح بولدونج..
الله يقومج انتي والبيبي بالسلامة

انا اقصد صار معاي نفسج والمشيمة بدت تتكلس
وهذا ترا عادي لازم المشيمة تكبر وتتكلس

السلام عليكم
اختي لا تسكتين عن عمرج.. من صجج ناطره الله يهديج .. المفروض اول ما قالوا لج الطوارئ تقولين لهم بلغو الدكتوره ناهده..
و انا مع كيت كات .. خذي راي استشارية ثانية منتي خسرانه ..ترا كل دقيقه محسوبه عليج خصوصا مشاكل التاسع ترا توقعي غير المتوقع باي لحظه !!.. الله يحفظ الي ببطنج و بطونا كلنا:

انا صار فيني جذي ودكتوري كل ماروح المراجعه يسويلى سونار يطمن على البيبي والمشيمه بس لما ولدت ولدي دخل االمستشفي علشان كان الماي اخضر مابي اخرعج بس هذا الى صار معاي,وطبعا سوله غسيل معده وتم اسبوع لانه ماكان يرضع والحين الحمدالله عمره 9 شهور ومافي اي شي وعلى فكره التكلس معناته ان الغذاء مايوصل عدل حق البيبي بس ولاتخافين خليها على ربج

حبيبتي احسن لج روحي عند دكتوره ثانيه اتكون استشاريه روحي حق نجمه بالسلام ترا شاطره شوفيها شتقولج او روحي حق خالده المهم لا تسكتين على عمرج يعني يستحسن اتروحين باجر لا تنطرين اكثر حبيبتي و انشالله ماكو الا الخير و الله يسهل عليج و يقر عينج بشوفة ضناج بصحه و عافيه يارب ……

انا اقووووووووووووووول روحي طبيب وبما انج بنص التسع طلبي يولدوونج

ولا هالعباله والله يكمن قلبج يارب

ماتشوفين شر ان شاءالله

شوفي رأي أهل الاختصاص

والله انا اعرف ان حالتج اذا صح شيخوخه المشيمه والدكتوره ساكته اكرمج الله هذي حماره ونصيحتي لج تطلبن منهم يولدوونج اذا فعلا التشخيص صح ولاتخافين من الولاده انا كل ولداتي طلق صناعي وبطلب مني انا فلاتحاتين وماعليج شر

حبيبتي ام ركان
اختى صار فيها نفسج لازم ماتسكتين على نفسج ودامج بشهرج قولي الحمدلله و و كلمي دكتورتج قولي لها اتولدج عشان البيبي لا يتعب لاسمح الله
كلش و لا المشيمة

الحمدالله اليوم رحت سويت تخطيط او سونار قالولي ان التكلس على اطراف المشيمه ماوصل لي داخلها او تقريبا نسبته 40% او وزن البيبي زايد او حركته زينه او الماي زين
بس هم خايفه

او مشكوره حبيبتي على الدعاء

مشكوره حبيبتي او الله يعافيج او اي انشاءالله هذا الي بسويه انشاءالله

هلا اختي كيت كات يليت تعطيني رقمها بليييييز لاني امس فكرت اروح لها

او اذا خذيت موعد عقب شكثر اييني الدور لاني حدييييييييي خايفه او قالولي دكتوره خالده مختصه بعلم الاجنه

او اليوم رحت راجعت بعد بالطوارئ قالولي ان التكلس على اطراف المشيمه ليما الحين ماوصل لي المشيمه او وزن البيبي زين او حتى حركته مع نبضات قلبه الحمدالله بس انا خايفه ان فجأة التكلس يوصل لي داخلها او بصراحه خايفه انطر ليما تتدهو حالتها
او قالتلي اذا ولاده لازم قيصريه او انا بجر حدي خايفه