رجـعــــــت ومـع خـســارة وزن جـديــدة ؟؟؟ أدخلوااا يابناات لايفوتكم الموضوع

كيفكم ؟ انشاءالله الجميع بخير وحشتوني صارلي فترة

مادخلت المنتدى وأنشاءالله فاكريني

أنا سويت موضوع بهذا القسم عن تجربتي بخسارة 15 كيلو

تـجـربـتـي كـيـف نـحـفـت 15 كـيـلـوا ؟؟؟ البنات اللي عندهم سمنة مفرطة يدخلوا لايفوتكم

اللي ماشافت موضوعي تقرأه بالأول

وطبعاا قلت نااوية وكملت والحين رجعت لكم بوزن جديد

وخسرت 10 كيلو زياادة ^_^ المفروض أخسر أكثر بس

جاا رمضان والعيد عااد ماأحتااج أشرح كيف أكلت بس الحمدلله

ماأخذت رااحتي وزدت برمضان 2 أو 3 كيلو تقريبا وخسرتهم الحمدلله

أنا الحين وزني 83 بعد ماكنت 93 من الوزن 109

يعني خسرت تقريبا للحين 25 كيلو ومكملة لهاذا الوقت

وأشتركت بشهر شعبان بناادي ريااضي وأغلب الأياام رياضة

وقبل أسبوعين رحت لدكتور علشان أكشف اللي قاعدة أسوية

تمام ولا لا قالي أستمري حتى لو بالشهر تنزلي كيلو عاادي

وخذي رااحتك ولاتنزلي كثير بسرعة وانا بتبع أكيد نصيحته

والحمدلله ماطلع فيا شي بس عندي الكريسترول زياادة

عن المعدل الطبيعي وقالي خففي عن المقلياات واللحم الأحمر

وصفاار البيض .

وأكلي لازال نفسه بس صرت الحين أطبخ ^_^

أكلات زي مكرونة بصوص الطماطم والجمبري

ولزانيا بالسباانخ وكبدة مشوية مع سلطة خفيفة

المهم أكلة وااحدة باليوم وإذا جعت عندي تفااح أو كروسون

مع قهوة أو بسكوت مع قهوة أو بطاطس

وكلة أكيد داااايت × داااااايت

أستغل وقتي علشان أنسى الجوع أروح ناادي أو أخرج أتسوق

وأشوف الملااابس وأحتى أشتريت كم قطعة s ساايز

علشاان ألبسة لمن أوصل لوزن اللي أبغااة وأحمس نفسي

إنشاءالله ياارب أقدر أشجع البناات اللي يبغوا ينحفواااا

أي سؤال وأستفسار أنا حااظرة وإذا تبغوا طريقة الأكلات

اللي بطبخهم برضة أناا حااظرة ^_^

Miss-L o L o