راتب المطلقة!!! تعالوا بفيدكم

السلام عليكم ورحمة الله وبركاتة

اليوم تاريخ 2024/6/19

بقولكم راتب المطلقة جم وشنو الإجراءات الي لازم تسويها عشان ينزل الراتب

واسأل الله ان يوفقني ويسهل علي اموري واعتبر هذا توضيح مني لكم ومابي الا اللاجئ والثواب

استغفر الله

الحمدلله

راتب المطلقة الي ما توظفت 447 متغير طفل
واذا عندج اطفال ترفعين قضية طلب حضانة وتطلبون ال50 مالت الولد تنقص من راتب الابو
وكذلك يحق لج راتب للخدامة
وتقدرين بعد سايق وسيارة وشقة بس راح تطول الاجراءات
وحرام تكسرين ظهرة من ناحيتي المدامة وال50 كافي
ادري بتوليه يستأهل كسر ظهر
بس بقولج أهوا خرب حياتج صح سبب تعاستج انتي لاتصيرين مثلة واتقي الله فية عشان
الله يوفقج ويفتحها بويهج وخليه يكمل حياتة وانتي بعد كملي حياتج وجوري من نفسج
كملي دراستج توظفي ربي عيالج او دوري شريك حياتج موعيب تلوحين لخطابة حتى لو بالسر
ترى حلال وحطي المواصفات الي تبينها وصلي ودعي ربج
واذا قدرتي تروجي العمرة روحي واطلبي ربج ترى رحمتة توسع السما والارض وقادر أنة يعوظج
بشي احسن وتذكري كل الي صارلج خيرة
واحمدوا ربكم دايم على النعمة
الحمدلله والشكر الف مرة
ولان شكرتم لازيدنكم

واتمنى أني فدتكم تدعواتكم ان الله يفرحني ويبرد على قلبي ويحسن خاتمتي

مشكوره اكيد موضوعج بفيد وايد بنات
الله يسخرلي زوجي و يسخرني له ياااااارب

مشكورة
الله يرزق المطلقات بالازواج الصالحه يارب

جزاج الله خير

الله يرزقهم يا رب

يزاج الله خير
بس اعتقد هالموضوع مو مكانه اهنيه
والله يجمع بين كل متزوجين ويسخرهم حق بعض
ومانسمع طاري الطلاق كلش

موضوعج بيفيد وايد بنات

الله يهون عليج ويرزقج على قد نيتج

حييييييييييل فدتيني عسي ربي ينور طريقج ويسهل امورج هالموضوع جاني بوقته صارلي شهر احوس وعرف بالضبط جم المعاش وصج الوحده لازم تشوف مستقبلها وما يوقفها الطلاق عن شي وانا الحمدالله قاعده ادرس ادعولي ان ربي يوفقني بدراستي

ماعندي فكرة

مشكوره

الله يبعده عنا

ويعوض على كل مطلقه مظلومه

السلام عليكم
بنات معاش المطلقه زاد ولا نفس ما هو؟؟؟
((( فيدوني الله يعافيكم

اه خليها على الله……….والله الشوون قطعوا معاشي ..انا كنت استلم 447 وطلقيي ماكان يصرف علا عيالي قمت رفعت قضيه عليه ابي حضانه وال50..وحكمت لي المحكمه الحضانه +120 لبنتي وولدي يعني المجموع 240 ويوم سالتني الباحثه عن عيالي قلت اني حاضنتهم ويمشي لهم نفقه قالت ضيفيهم في الملف وضفتهم وياي بالملف تخيلوووووووووووا قصوا مني 136 دينار قبل سنه واللحين بعد الزياده اللي مدري كم ؟؟ داقين علي يقولون تعالي لج حسبه جديده اه اه ياقهري قصقصوا معاشي تقصقص والله انا على وجهه جامعه وعيالي التزامتهم كثرت علي..انا ماطلبت من القاضي انه يعطيني من طليقي 120 القاضي اهو اللي حدد لي النفقه…
بناااات انا انغثيت من الشوون ابي احد يفيديني هل الششون على حق انهم يخصمون مني ولا لا……….وبعد ذليني على 40 دينار اللي يعطونهل لبنتي بالسنه مره انا مابيها ………..ابي بس يطلعون عيالي من ملفي ويصفا لي راتبي اللي الدوله تعطيني اياه مو من جيب احد………..

اختي غزلان المعاش زاد بس مادري كم؟؟؟
انا المفروض يجيني باثر رجعي بس مجمدينه لين يعدلون الحسبه الجديده بعد الزياده الجديده ياترى كم بيخصمون مني اللحين؟؟

بنااااااااااااااااات فيدونا كم الزياده اللي جت للمساعدات؟؟؟