|
|
السلاااااااااااااااااااام عليكم حبيباتي خواتي
الحمدلله تمم علي اول سنة من الزواج على خير. عندي مشكلة صغيرونة مو مخليتني احتفل بهاليوم. لأني بسافر باذن الله امريكا وياه عشان دراسته بنفس الويك ند الي فيه يوم ميلاده. و فوق هذا بكون حامل بالسابع اذا الله سهل و تمم علي.
شنو اقدر اسوي؟
هل احتفل قبلها باسبوع بفندق و اسوي جو رومانسي و اعطيه هديته؟
انا حاسة هالفكرة حلوة بس عيبها انا احنا اصلا ناويين نبات بمطار هيثرو بالترانزيت و بنبات بمطار نيويورك مراعاتا لظروفي و انا حامل يبيني ارتاح. على ما نوصل ولايتنا اوهايو الي طبعا مو مجهز لنا و لا شي مسافرين انا وياه على وجهنا
او اني بس اشتري هدية و اهديه الساعة 12 سواءا كنت بمطار او طيارة او فندق المطار ؟
الحل الامثل و المريح للي بحالتي
او اني احتفل بفندق المطار بدون لا يدري اييب معاي ااجو الرومانسي من الكويت؟
الصراحة احس بنكون تعبانين او واحد منا علالاقل هلكان و ماله خلق ( انا ويا كرشتي ) ففي احتمال يفشل الحل
او اني ازهب ليموزين تاخذنا كم فرة بالكويت قبل رحلتنا و نستانس بعدين اتوصلنا لي المطار؟
انا عاجبني هالحل بس الخوف من الي بودعونا بالمطار اهلي و اهله يرتزون معانا 
و الخوف من (عمي) ابوه اخاف يتحلطم و يسمعنا كلام لأن انسان حمقي و مزاجي.
و بليييز بنات من احصل المصحف الي ينباع معاه مسباح و دهن عود و يكون خام من بره عشان يقدر الواحد يمسكه حتى بدون وضوء؟
ابي رايكم رجاءا!
وانا من رايي :
او اني بس اشتري هدية و اهديه الساعة 12 سواءا كنت بمطار او طيارة او فندق المطار ؟
الحل الامثل و المريح للي بحالتي
على قولتج انتي وكرشتج وتعب السفر ..
…………
وعلى سالفة الكيكه بأي محل كيك يسوونهااا لج 
وبالتوفيق ياااعمري وعقباااال 100 سنه ان شاء الله
وان شاء الله تعووضووونها السنه الجاااايه ومعاااكم البيبي
وترووحوون وتردوون بسلااااامه ياااااارب
أنا سويت بلون ابيض شكله كان حلو
تقبلي مروري
بالمسبة للمصحف ينباع بالسوق الشعبي اي سوق شعبي تلقين انواع ( مجمع بيروت – مجمع المنيرة … الخ )
بالنسبة للهدية ممكن تتفقين مع الطيارة او المضيفات ممكن يكون عندهم كيكة او يشترولج قبل لا تطير وتعطونه اياه مع الهدية ويجوبونها لي الكرسيمفاجأة
او ممكن لما توصلون خل يدش الحمام ودقي عالفندق وطلي كيكة وقوليلهم ان عيد ميلاده يمكن يكون عندهم مفاجأةاو افكار ثانية
تروحون وتردون بالسلامه
انج تعطينه الهديه الساعه 12
اوو انج تحتفلين فيه قبلها باااسبووع يوم تكونوون بالكوويت وبدون ما يدري
وتقولين له لان نفس اليووم ما بتقدوورون تحتفلوون
وكل عام وهو بخير وعقبال العمر كله تقضونه مع بعض
والله يسهل عليج ويتمم لج ع خير
وتتروحون وترجعون بالسلامه
|
المشاركة الأصلية كتبت بواسطة مسالمه
 أنا عندي اللي يريحج أللي تقدرين عليه سويه بس لاتنسين تلبسين تنوره صغيره طريقت لف وعليها حطي صورته وأهو معرس وهم لبسي تيشيرت عليه صورته ثانيه
أنا سويت بلون ابيض شكله كان حلو تقبلي مروري |
حلوة الفكرة. ووين يسونها؟؟
|
المشاركة الأصلية كتبت بواسطة بنت حمايل
حبيبتي الله يتمم عليج
بالمسبة للمصحف ينباع بالسوق الشعبي اي سوق شعبي تلقين انواع ( مجمع بيروت – مجمع المنيرة … الخ ) بالنسبة للهدية ممكن تتفقين مع الطيارة او المضيفات ممكن يكون عندهم كيكة او يشترولج قبل لا تطير وتعطونه اياه مع الهدية ويجوبونها لي الكرسيمفاجأة او ممكن لما توصلون خل يدش الحمام ودقي عالفندق وطلي كيكة وقوليلهم ان عيد ميلاده يمكن يكون عندهم مفاجأةاو افكار ثانية |
حبيبتي امس حبطتني وحدة من اهلي. قالت فكرتج مالت المضيفات يسوونها الدرجة الاولى و البزنس كلاس. قتلهها انا بسافر درجة سياحية. ويه ويه كلووووني! " شلوووووون يسفرك سياحية و انتي حامل خليه يدلعك!!" ارد عليهم انه التذكرة بس بالبزنس و الفيرست كلاس 1500-2700 للشخص! " خلييه يدفع متى بتركبين الفيرست عيل اذا ما ركبتيها و منتي حامل و عيد زواجك؟؟"
الصراحة خز بقلبي هالكلام انا مستحرمة ادفع 3000-5000 لنا انا وياه الصراحة سعر التذكرة اقدر اسافر وياه سفره كاملة. بس الله يهديهم علما اني ماشتغل يعني المصروف عليه بروحه.
بحاول اشوف فكرتك يمكن اقدر اسويها بالسياحية.gif "Eh S(1)")
واهو على جتفي
خل اشتري الكيكه وحطيها بالهاند باق كبير وعطيها حق المظيفات معاها الهديه وبعد الوجبه اذا تقدر المظيفه تقول بالمكرفون انه في عيد ميلاد واحد معانا بالطياره وبعده ايبون الكيكه اذا ريلج من النوع الي عادي ترا بتصير وايد حلوه واهي مره ولم تتكرر وبتصير ذكري حلوه
وطمنينا