ذكرى الزواج تحتفلين بالبيت أو بره ؟

مراحب حبيباتي كويتيات …
طرى ببالي هالسؤال اللي أهو ..
يوم ذكرى الزواج هل المفروض اطلعون لمكان معين وإلا تحبون تحتفلون بالبيت ؟

ولو افترضنا مكان وين ودكم ؟؟

ذكرى زواجي بعد كم يوم …

انا احتفل بالبيت بس اهو يعزمني على مطعم ,,, يعني انا قبل جم يوم كان عيد زواجي الثاني طلعنا تعشينا وبعدين هم ردينا بالبيت واحتفلنا ,,,, بس هم تقدرين انتي تعزمينه مطعم حلو وكشخه يعني عندج ( لينوتر حلو وايد وحجزي كبينة المناسبات روووعه وعالبحر ويفرشونها بورد طبيعي منتف وكلها شمووع يعني روعه … وهم عندج تراس غريل بجي دبليو ماريوت بس هم قوليلهم مناسبه عشان يسوون ديكوريشن … ) وهم تقرين تسوين حركات بالبيت وتغيرين بدل ماتطلعين واذا تبين افكار حق البيت قولي عشان اعطيج افكار

والله على حسب سنه بالبيت وسنه بره لازم تنويع

انا احتفل فيه بالبيت او نطلع نتعشى بمطعم

بغيت أسألج اختي لنوتر شنو أكلهم لبناني ولا لأ؟؟ وقعدتهم وااايد حلوه؟؟

أحنا نطلع نتعشي ونحتفل بره بس نرجع البيت نكمل الحفله صبااااااحي وحركااات

انا بالنسبه لي ما احتفل بس اييبله واييبلي هديه ونطلع مطعم

بنات وين فيه مطعم لينوتر ؟؟

وبجم الكباين اللي عندهم ؟؟

مشكوررررررررررررررين حبيباتي على الردود
بالنسبه لغرفتي ولبسي كلو تمام ومغيره بغرفتي النوم صايره جنها غرفة فندق 6 نجوم بعد
لكن حبيت أعرف سعر الكبينه بلونوتر على جم ؟؟

انا مرة بس رحت فندق والحين مع اليهال صعب نحجز فندق
بس معودتة بعيد زواجى نروح سوق واشترى كل شى نفسى فية ومن نخلص نتعشى بمطعم ونرجع البيت يروح اهو على مااسويلا ليلة رومنسية

ريما … تعجبيني على رووحة السوق بس عسى تروحين الصالحيه وإلا مكان سنع مو مثلي السنه اللي طافت

دق علي الساعه 8ونص وقالي بدلي بنطلع قلت يااااااااااااااااي وناسه وخذيت عيالي معاي كسروا خاطري جان يقول امشوا نطلب خدامه ورحت دوار الكرك ولمن وصلنا وإلا المكتب اللي ابيه مصكوك جان نرووح المحاميد شريت صراويل وفنايل وراحوا عيالي سوق ب100 الداثر وشرينا عشى من البطريق ورجعنا البيت

انا ذكرى زواجي 17 من هالشهر بس ما يوديني الا اذا انا فتحت الموضووووووووع

مشتهيه يا ناس هالريال يتذكر مرة وحدة عيد زواجي

ولا مرة تذكر لازم انا اذكره ولا يصير فعل ماااااااااااااااااضي

حبيبتي مطعم فرنسي ,,, بس قعدته روووعه شويه عليه .,,, روحي شوفيه بروحج قبل عيد زواجكم وطلبي كبينة مناسبة واهم يضبطونكم …. انا رحتها مره مع زوجي ( الكبينه + عشا يتضمن مقبلات وطبق رئيسي وحلو + كيكه على قلب) كله طلع 80 بس سعره يستااااااااااهل يعني القعده رووعه

بنات نبيي افكار اكثر ذكرى زواجي بعد جم يوم وما سويت شي

الحال من بعضه ياعرموطه حلوه لازم افتح الموضوع واحتمال نطلع واحتمال لأ على حسب ويكون عشى بره وبس وانا اشتري له هديه واهوه كله ناسيي..
مو بخل بس اهوه ماله خلق هالسوالف..