|
|
السلام عليكم
بنات شلوونكم ؟؟؟
ديوان المحاسبه بطلو باب التقديم بس عندي جم استفسار
هالمكاان اللي سمعته عنه بس يمشوون الواسطات صج ولااا ؟؟؟
يعني اذا ماعندي واسطه بس معدلي قوي تنصحوني اقدم ولا لا ؟؟؟ 
وجم معاشاتهم ؟؟؟ وشلون المكاان ؟؟؟
واللي عندهاا اي معلومات تفيدناا
ويعطيكم العافيه
من ناحيه الواسطه شي اكييييييييييييييييييييييييييييييييييد
حتى لو معدلج قوي الشغله الثانيه اهم يبون تخصصات محدد يبون قانون ويبون محاسبه ونظم معلومات المكان زين بس التوظيف فيه صعب حيل بمعنى اصح حق ربعهم
المعاشات قويه وفي كادر
دشي على هاللنكات وان شاء الله تحصلين اجوبتج
انا عن نفسي ما احب احط نفسي او اي احد من اهلي علشان يطر واسطة من احد
توكلي على الله وقدمي ترى مكان زين ومعاشة حلو وادعي ربج يوفق[
goood luck
انا عن نفسي ما احب احط نفسي او اي احد من اهلي علشان يطر واسطة من احد
توكلي على الله وقدمي ترى مكان زين ومعاشة حلو وادعي ربج يوفق[
goood luck
بس الواسطة شي مو بس اكييد الا ضروري عندهم
واذا انتي بدوية بعد غسلي ايدج خير شر لوووووول
والله حرام ديوان المحاسبة الي قاعدين يسونه بالعالم
هالاماكن الي تمشي بالواسطة راح تخرب الديرة والله !!!!!
الله يستر علينا بس
حبيبتي ديوان المحاسبة اول شي بعد التقديم امتحان بالكمبيوتر ويقولولج الي اييب فوق كذا يدش المقابلة
يعني اذا ٣٠ سؤال يقولون الي اييب ٢٥ مثلاً او ٢٢
يدش المقابلة جذي يعني
وبعد لما يدقون عليج على المقابلة وانتي مقدمة تعيين جديد يعني مو خبرة يذلونج ذل
وقعي هني وهناك على انج مو متوظفة من قبل ترى اذا متوظفة راح نردج ومادري شنو بس يخرعون بهالعالم
واااااااخر شي تكتشفين ان انتي يايبة زين ومقابلتج الي مصخرينج فيها هم زين ومع هذا ماقبلوج لييييش
الواسطة ؛)
حرام والله انا رفيجتي عبقرية قانون تربطلج المناهج كلها اب بعض من ذكاءها
واهيا امتياز مع مرتبة الشرف
واخر شي ماقبلوها ليش انها بدوية
انا اقول حسبي الله على كل ظالم
وبس حق ربووعهم خااف ديوان ابوهم !!! والله حرام عليهم ياويلهم من الله شالظلم !! شلون ينامون الليل ؟؟!!!
بقدم باذن الله والارزاق بيد الله واذا ماقبلووني الله يكتبلي المكان اللي احسن منه ان شاء الله ادعوولي بناات
ومشكوورين كلكم :*
يعني اغلب الدرجات عالامتحانات
المقابله اقل من قبل
من فترة كانوا متكلمين عن الواسطات بديوان المحاسبه فحطوا هالسيستم
اكيد بيكون في واسطه بالمقابلات
بس مثلا واحد مزفت بالامتحان ويبون يرفعونه بالمقابله
هم بيكون توتال درجاته مع المقابله شويه فما ينقبل
جربوا وان شاء الله اللي له نصيب بياخذه
وهمن لازم تحطون في بالكم شغله مهمه النسبة مو كل شي ياما بنات نسبهم عااااااليه بس كلمتين على بعض مايعرفون يقولون او خجولين .. اعرف بنات نسبهم عاااليه بس يستحووون لدرجه كبيره هالشي مأثر على مقابلاتهم الوظيفية
هالاماكن مايبيلها جذي يبيلها ناس تعرف توظف كلامها عدل وعندها شخصيه قويه ومو متررده ولا متوتره
وبذلوا الاسباب وان شاء الله ما يصير إلا الخير
المشكله هالمكاان ماعندي له واااسطه كلش كلش
ايي اهماا قالوو مغيرين النظام ماادري شكله عشان محد يحط العين عليهم لان هالمكان معروف مديرهم مايبي الا نااس محدده من ربوعهم وبس :///
الله كريييم اذا الله كاتبلناا نصيب بناخذه 
انزين بنات اللي قدمو لازم خريجات 2024 و 2024 ؟ مايصير قبل ؟
انا كله اسمع ان هالمكان لازم واسطه بس انتي قدمي مو خسرانه شي .gif "Eh S(7)")