|
|
مرحبا معلمات
أمس وأنا محدرة الديرة كنت رايحة بيت يدتي بالقادسية. المهم طحت لكم على مكان يقدم دورة
IcdL سعرها 69 دينار وتشمل كل شي..
واحنا عارفين ان هالدورة أقلها 100 دينار ف هالمبلغ وااايد حلو بالنسبة حق هالدورة..
بتسألوني وتقولون وين عدل؟
انا الصراحة بالتوصيف فاشلة بس الي بقدر علي بقوله ويارب تفهمون 
شفتوا معهد الاصلاح الصحي مال الروضة الي صاير على الشارع؟ الكبير الي لون طابوقه
بني حيل معروف… في قبال المعهد الصحي منطقة حولي وفيه عمارات يم بعض فيها عيادات صح؟
حتى انتي لما تمرين عليهم بسيارتج وما تدخلين حولي يتشوفين عمارات العيادات على يمينج وعلى يسارج المعهد الصحي
الدورة موجودة بهالعماير، يم عمارات الأطباء في عمارة يديدة وفيها معهد كمبيوتر نسيت اسمه
لأني مريت عنده بسرعة عاد مكتوب اعلان كبير ان سعر دورة icdl راح تكون 69 دينار
واذا تبون وصف زيادة صاير المعهد يم الحساوي كلينك..
——
قلت أبلغكم يمكن يعجبكم دام رخيص أحسن من انكم تقطون 100 و 200 ف هذا سعر حلو الظاهر المعهد مسوي عرض دام انه فاتح يديد..
بالنسبة لي مو ياي على بالي آخذ كلش. فقلت يمكن معلمات حاطين ببالهم ياخذونها..
وان شالله ان مداني راح أصور واحط المعلومات لكم..
بس احب افيد الخوات
انا توني من اقل من سنة خذيت كامبردج
cid-it
وهي تعادل ال icdl
بس كامبردج اسهل وباللغة العربية لان ال icdl يقولن غيروا نظام الامتحان وصار اصعب
بس لللافادة
وأنا وحدة ماني ماخذة دورات الا اذا طلبوا مني التربية ودام ماطلبوا مني مريحة راسي لول
وموفقه
بس بغيت اسالكم عن دورة الاي سي ديل جم مدتها
اسم المعهد – شال
ومكانه بحولي
وهذا موقعهم وفيه رقم تلفونهم اتصلي واستفسري::
يعطيج العافية يالغلا ..
إللي مفكرة تقدم الامتحانات ..
تكلمني، وأساعدها ..
وأجهز لها المواد، وكل ما يلزمها .. لو كانت خلفيتها لا بأس فيها ..
وبجذيه بس يصير عليها تكلفة 35 دينار .. بواقع 5 دنانير لكل امتحان ..
و 10 .. ياخذونها عشان حجز رمز لج ..
وأمر على الإعلان آنا بعد
بس ألحين شالوه 
..
شكراً على الموضوع .. وشكراً ذكرتي "كويتيات" فيه .. .gif "Eh S(7)")