|
|
شلونكم بنات
بنات انا عندي سؤال والله يجزاها خير اللي بترد علي
انا بالشهر التاسع ولي اسبوعين فيه وحسيت بعوار مثل عوار الدوره يجي ويروح
ولما رحت امس
للدكتوره فحصتني وقالت ان الرحم مفتوح 2 سم بس بعد الفحص قام ينزل علي دم وانا بصراحه متخوفه من هالدم مادري من شنو وزاد علي العوار بعد الفحص
المهم الحين قاعد ينزل علي مخاط لونه بني شنو هذا وشلون اتصرف؟؟؟؟؟؟؟
آنا جذي و الدم كان أحمر مو بني و مثل ما قتلج بقعة وحدة بس مو متواصل
أنا أقول لاتخلين نفسج روحي لها بسرعة أو دقي عليها
و انشالله سلامات و الله يهون عليج
توني أنتبه أن مخاط حبيبتي روحي بسرعة لا تنطرين
يعني برايج اروح للمستشفى اليوم؟؟
أذكر رفيجتي نزل عليها مخاط بس كان على خضار دقت على الدكتورة و قالت لها تروح لها بسرعة
بس هم أرد و أقولج دقي على دكتورتج أحسن ما تتعنين و يطلع ما كو الا العافية
الله يسهل عليج ,,,
طمنينا عنج
ياربي مادري ليش خايفه اروح
بنات ادعولي
يا الله مع السلامه روحي و ناطرين البشاره….
ضروري تروحين الحين بس ترى عادي ممكن ما تولدين لين العشر الصبح….
خاصة اذا بجر.
بس ضرووووووووووووووري ما تتباطين بالروحه….
يا الله قومي حافظج الله و لا تحاتين سهالات من الرحمن ان شاء الله
شعليج باذن واحد احد باجر ضناج بحظنج و تضمينه لصدرج
يا الله يا الله خلج من قرقتنا و قومي
بس أوصيج الحين انشالله بدربج أي قطو عامل اي شي له كبد حطي بحلجه صدقة عشان ربي يسهل لج….
و لا يطيح الاستغفار و الدعاء من حلجج…
و ذكري ان الدعاء وقت الولاده من أقرب الادعيه للاجابه باذن واحد أحد….
حرصي فيه عالدعاء…
و بس تولدين بالسهاله انشالله قولي عالولد(أعيذك بالله الواحد من شر كل حاسد)3 مرات أو اي دعاء ثاني بس يصير أول نزلته للدنيا بدعاء من أكثر القلوب اللي تحبه
دونات رحت للدكتوره قالت لي عادي الافرازات البنيه وروحي البيت وتعالي عقب اسبوع والمشكلة ان العوار زاد ووالمخاط البني همن زاد والله مادري شسوي؟؟