|
|
بسم الله الرحمن الرحيم
السلام عليكم… يعطيكم العافيه بنات انا وايد متعقده من خشمي و ودي اسوي و اهوا ما يبيلا شي يعني بس ابي اصغر البوز و ارفعه و اصغر الجوانب شوي..يعني بس من تحت الحمدالله مافي مشكله بالعظم..انا دايم اسوي بالابر عند ماجد تقي شغله وااايد حلو..ويظبطلي مثل ما ابي بس المشكله انه قام بسرعه يروح المفعول و كل جم شهر اروحله و كل ما يروح المفعول اكره نفسي احس ما اتقبل ويهي لما يرد خشمي مثل ما كان..عقدتني سالفت الابر جنها ادمان صارات..اخس اذا ما غزيت تتعب نفسيتي..بس شسوي مابي عمليه كلششش ما افكر ببنج عام ابدا! ف ابي شي بنج موظعي بس انه يكون عمليه و نتيجه دايمه، ف بروح حق دكتور مساعد ندا لانه اهوا الوحيد هني بالكويت سمعت انه يسوي عمليه بس بينج موظعي..بس محتارا اذا زين ولا لا! ابي اذا احد يعرف احد مسوي عندا وشايف بعيونا يقولي شلونا..وانشالله الي تقولي عنه و تقول الصج بدعيلها من كل قلبي انه الله يوفقها و يحقق امنياتها دنيا و اخره يارب
حبيبتي انا اكتبلج والاذان يأذن الحين وربي شاهد على كل كلمة اقولها لج .
دكتور اسماعيل ندا هو احسن دكتور لعمليات التجميل بالكويت .
أنا من النوع اللي يحب التجميل . وربي دخلت عليه مرة وصرت اروحله كل مرة !
ترتاحين حيل على ايده . خشمي حيل مستانسه منه . اصلا دايم اقوله انا ممنونه لك لأنك سويت شي كنت اتمناه ()
والحلو فيه انه ما يبين فيج اثر الخيوط وتقومين على طول
اذكر وحده من الخوات حاطة تجربتها صبر اوريج
تجربتي مع عملية تجميل خشمي بالتفصيل الحلو :$ / للي يخافون مثلي بس !
لا تغرج اسامي بعض الدكاترة . عندج مثال اشهر دكتور تجميل جايبينه للكويت اسمه طوني نصار عمى بعينه هذا يسوي لهيفا ونانسي واليسا وميسا مغربي .
بس شوفي شسوا فيني قبل يومين والله لعب بوجهي حيل !
تمنيت اني تامه على دكتور اسماعيل ندا .
انا حسبت انه مال نجوم وسمعته زينه خلاص هو شي وااو !
بس طلع خرطي شوه وجهي
بالعمليه راح يكونون الدكاترة عليج 3 تحسين باهتمام كبير وهالثلاث دكاترة كلهم شهاداتهم من لندن وبالتجميل
و اسماعيل رئيسهم .
وبي اهتمام بالغ تحسين انهم اهلج .
حتى بعد العملية يجونج كل شوي ويمسحون ع راسج : ( تحسين انج طفله من كثر الاهتمام
بس بيني وبينج السسترات جلبات . يبيلج تنبهين الاداره عليهم
ودكتور التخدير قالي لو تبين نشغل لج اي موسيقى او اي شي بعد عادي
بس انا نوعي اخاف ماحب اسمع اصوات عشان جذي سويتها ببنج عام
مفكرة اسوي خشمي بس مارح اروح حق اي احد الا لما اشوف نتايج على بنات واذا شفت نتايج عملياته وعجبتني للدكتور اسماعيل ذيك الساعه بغير رايي واروحله
محد ودى البنات بداهية الا اراء البنات اللي ماجربوا بس يتكلمون ع اللي سمعوه مو شافوه !
المهم .. اثار الخيوط راحت . لكن اعتقد مو على شطارة الدكتور الاثار ! على نوع بشرتج وصحتج
انا انسانه رياضيه و بشرتي بيضا والحمدلله مافي اثار .
اذكر شفت وحده عنده مسوية خشمها بلبنان وجايه له عشان تعدله . قالت ان مر ع عملية خشمها بلبنان سنة بس للحين الاثار مبينه عليها , هي بشرتها سمرة شوي .
عموما انت روحي مرة واثنين وثلاثه له وشوفي المراجعات هناك و ان شاء الله تلقين لج وحده تعترف لأن انا لما اكون هناك مصيبه ولا وحده تقول شنو مسويه !! مادري ليش مايبون الناس تستفيد !! تحسين هم اللي بيدفعون فلوس عمليتج !
وأفواج بصراحه اهو يسوي الخشم عادي يعني يعدل خشمج
انا كان خشمي فيه عظمه ونازل ليه تحت والارنبه نازله شوي
اهو شال العظمه وصغر لي الفتحات و قصر خشمي والي يشوف خشمي مستحيل يقول أني مسويه عملية تجميل
لكن اول ما شلت الجبس خشمي كان كبر البيديانه وصرت اخرع بعد شهر وشي فش خشمي لان. جلدي سميك
عانيت والله
بس الحمد لله التنفس عندي زين والخياط مو مبين
مادري الحمدلله على كل شي ولكن عندي قناعه . دام انه فنان وهي دكتوره معاه ليش ماضبطت روحها ؟
لا بشره ولا خشم : ) مادري سوري ع كلامي بس هذي قناعتي .