دزيتي مسج ووصل بالغلط لزوجج ؟؟؟؟ تعالو خل نفرفش شوي

قـــــــــــوة

يمكن طرا في بالي هالسؤال لأن الموقف صار فيني ..

باختصار بقولكم اللي صـار

مرة ام زوجي طلبت مني طلب غريب .. واهو ان اييب ورد لحد من اهلهم لأن كان عرسهم بنفس اليوم .. والاغرب مافي ذلك انها تدري ماكنت بروح العرس لأن عندنا حالة وفاة !!!!!!!!!!!!!

وبما ان خالتي طلباتها غريبة .. ولازم تكون (كُـن فيكـون) صراحة طفح فيني الكيل

انا شكوووووووو تقوليلي ..

قلت لزوجي قاللي لاتروحين انا اروح محل الورد واييب .. بس شرايج تيين معاي تقعدين بالسيارة نسلي بعض.. قتله اوكي

المهم عقب ماوصلنا المحل .. نزل زوجي وانا من ذكااائي الزايد ماصدقت زوجي ينزل من السيارة جان ادز مسج حق امي اتحلطم واول مرة اتحلطم واول مرة ادز مسج ..

جان اقولها ياربي اهي تدري ان عندنا حالة وفاة وتدري ان مالي شغل لا بالعرس ولااهله ليش تطلب مني انا .. ولاحسبالها سايق عندها ..

اللي صار اني بالغلط حطيت رقم زوجي ..

واصابعي بروحها حطت send لووووووووووووول ..

لحظتها كان شعوري مادري شلون صاير علطول يالي الهام ابطل باب السيارة وانحاش لووووووووووووووول

دقيقة ولا اشوف ريلي راد ووبطل الباب وصكه حيل . وطالعني بنظرة غريبة !!!!!!!!!!!!

قلت خلاااص اللي بييلي اتحمله لأني استاهل ..

من الخرعة جان ابجي بروحي (دموع تماسيح) . .جان اقوله والله قبل لاتتكلم وتاخذ فكرة عني افهمني واسمعني ..

وقتله عن التفاصيل والطلبات اللي تطلبها مني خالتي واهو مايدري عن شي ..

بس كنت حزتها ناطرة طراق منه خخخخخخخخخ بس اشوا قال ماعليه ادري نفسيتج تعبانة بس انا انصدمت قلت مو انتي اللي تسوين جذي .. بس بنفس الوقت انصدمت من امي ليش تطلب منج !!احنا عيالها شكثرنا ليش ماتقولنا؟

يعني اللي هون الموقف انه كان مصدوم من سوالف امه .. بس اضطريت اقوول عشان يعذرني

************

الموووهم

وانتو شنو مواقفكم ؟؟

و
ديرو بااااااااااااااااااااااالكم بنات لاتصير فيكم جذي مواقف ..
من يومها حررررررررمت ادز مسج حق احد فيه سوالف .. لووول

ههههههههههههههههههه وايد صارت معاى هالمواقف كنت مختانقه معاه وزعلانه حدي جان اكتب مسج لاختي اقولها هالجـ … وانتو فهمو ما يخليني اتريق بدوام يقول عيب تاكلين والناس رايحه جايه يمكن يشوفون ويهج لانى منقبه امبيييييييييييه والله برد جسمي من الخرعه لانه عمري ما شتمته عااد توهقــــــــــت المصيبه لي هاليوم ما بطل سالفة هالمسج ولا انا إلي تحجيييت ويا ليت على هالمسج وايد مسجات دزيتهم له بالغلط ما أقول إلا الله يسسسسسسسسسستر

يمكن عذر ني وقال المدام افصلت من اليوع ههههههههههههه <<<< عذر اقبح من ذنب

ابيه لاااااااا ذكرتي بموقف حده بايخ مرة كنت متناجرة ويا ريلي ومانتحاجى بس رفيجتي تدري عاد دزتلي مسج انها بدقلي نسولف

جان ارد عليها نطري خل يذلف الحين بيطلع ودقلج

جان اقوووووول سند ولا على رقم زوجي لاااااااااا وكان قاعد يلبس بيطلع

طبعا لاتشوفون النظرات اخذ موبايلة جان ايقطه بحضني ويقولي شنو هاذا؟؟؟؟

تكفون كنت ابيكم تشوفون ويهي بدووون تعليق

طبعا ماترقع السالفة قلت اعترف واللي فيها فيها قلته ايه دازته حق رفيجتي ويالك بالغلط خير ياطير خو حارني شناطر

مني اكيد بحش فيك شوية عادي طوف خو ماقلت شي

طبعا حقرني وطلع وللحين ايعايرني فيها

موقف عجيب

الحمدالله ولا مرة صارت معاي

لووووووووووووول

انا مرة كنت دازة لإختي الصغيرة ودزيتها له بالغلط بس الحمدلله كانت عادية مافيها شي

قام ودز (ان شالله) علي علبوان اختي اللي رادة وانا الله لايراويكم ويهي ههههههههه

قمت برقع سالفتي واقلبها رومنسية جان ادزله

"ارسل لغيرك والرسايل تجي فيك.. كن الرسايل حالفة ماتخونك"

عاد هو يعرف عيارتي جان يدق ويبطها ضحكة

هههههههههههه مشكورة ام مريوم ونستينا

الحمدلله انج ماااطبيتي بامه
ومره ثاانيه عن العيله
ههههههههههه

ذكرتيني بموقف بايخ يفشل يفشل كنت بدز لزوجي مسج من العيار الثقيل ومن زود الحظ

تعمقت بالسوالف يعني بسوي جو مالت على وعلى جوي

وصل لاختي الصغير تخيلي موقفي واااي بموت من الفشله والله الحين احرم ارسل شي

دقيت عليها احلفها ماتقرا شي ايه هين ماظن يطوفها شي

انا وصاحبتي كنا مره بنخرج نروح مطعم .. وانا برسل لصاحبتي مسج عشان اقولها على الطلعه

اليوم بنروح مطعم كذا الساعه الفلانيه انا وفلانه وفلانه وفلانه ..

والمسج من حظي الجميل ارسلته لوحده بالغلط ماحد يبغاها ولا يحب جلستها
وهي ماصدقت علطول ارسلت لي ok
ولما كلمت صاحباتي قلت لهم قالو والله مانروح معاها روحي انتي
طبعا انا انسانه مره مااجامل .. قمت كلمتها وقلت لها الطلعه اتكنسلت لاني تعبت فجاه ..
وطبعا اصريت على البنات نغير المطعم لاتطب علينا فجأه

ديروا بالكم يا جماعة ترى مرة وحدة اطلقت من هالسالفة

آنا اختي نفس الشي مرة تبي ادزلي مسج عن ريلها و انها جذبت عليه
جان ادزه حق ريلها بالغلط و الله ستر يومها

ههههههه الموضوع حده يونس
وسوالف البنات تضحك

انا الحمدلله ما دزيتله بالغلط مسج قوي

لا اشوه دزيتله بالغلط بس كان المسج عادي

كنت بدز حق اختي(شوفي حصة اللوغاني مع صور عيالها توني دزيتلج ايميل)

فا وصل حق زوجي بالغلط ورد علي (انشالله) كان يستعبط لان يدري بالغلط

اشوه اني ما كنت مادحه جمالها او جسمها او اي شي فيه اطراء 000وييييي جان مت خو انا وايد اغار

بس مرات اتعمد ادزله مسج بالغلط ابيه يحتر ويغار00 اني يعني قاعده اسولف مع رفيجاتي بالمسج فا وصلك بالغلط هههه

مرات اتعمد لما اكون طالعه مع زوجي اوصي رفيجتي تدزلي مسج تمدح جمالي امس بالحفله او لبسي

واقرا بصوت عالي عشان يسمع
صح انه الحريم كيدهن عظيم

امبيييييييييييييييييييييييييه بنات عليكم افكار مو سج لوووووووووووووول والله مو صج صج

لا يوقف

لا يوقف

لا يوقف

اشكركم كووووووووووووولكم على تفاعلكم ومشاركاتكم ..

وصج صج ديرو بالكم .. امبي الا الزوووج عاد لوول

خخخخخخخخخخخخخخخخخخخخخخخخخخخخخخخخخخخخ
تذكرت مرة كنت قايلتله أبي أروح السوق مع خواتي وعيالنا نتسوق ونتعشى مرة وحدة ! وقال لا ! وهو بالأساس كان بيسافر الخفجي !!
ويوم طلع ، قلت مروني سافر دربه خضر وحاطه (^_^) !
رد علي : قال لو فيك خير تعدي باب البيت !!
قلتله : لو فيك خير تعال ردني ههههههههههههههههههههاي !
شنو عصب واحتر ! يقول طول السفرة اقول خل ارجع وأوريها ! يوم جا الا خلاص السالفة باردة وانا اضحك !

امبييه بنات ديروا بالكم
لوووووول

اب
اب
اب