|
|
السلام عليكم بنات
يعطيكم العافيه
انا عندي بكالريوس رياض اطفال
اشتغلت سنتين وقعدت,, الحين وودي اكمل دراستي ابي اخلص الماجستير كل الشروط مستوفيتها الا شرط الخبره يبون 3 سنوات يعني باجي لي سنه بس مابي اشتغلها ودي اكمل ماجستير ماتدرون اذا ممكن يستثنوني من هالسنه ولا لأ ؟؟ ..
لمن دشيت على السايت مال الجامعه شفت اعلان عن هذا الدبلوم … اسمه دبلوم حياة الطفل –
قسم الطب عشان اقدم على هذا الدبلوم طالبين نفس الطلبات مالت الماجستير ما عدا الخبره بس ما ادري شنو اهوا انا يازلي الاسم في وحده ماخذته !! او سامعه عنه ؟؟؟
وبعد السؤال الثاني منو ماخذه التوفل ؟؟ شلون أسئلته صعب ولا سهل ؟؟ يعني الي عندها اي معلومه تقول لنا
عفيا فيدوني وجزاكم الله خير 
بس ماحبيت اقرا موضوعج وما ارد عليج
موفقه
المهم مالنا غير ماجستير ادارة اعمال او مكتبات
رحت سجلت حق التوفل والله كريم
انتي سجلتي شنو ؟ local ولا International ؟
أنا خذيته نسخة كمبيوتر انترناشونال ..
هو ينقسم إلى أربع أقسام كلها عن طريق الكمبيوتر محد يمرج حتى المشرفين ما يتدخلون بشي
الأقسام : listening + reading + writing + speaking
تقريبًا مدة الإمتحان 3 سااعات
تسمعين محاضرات علمية ويسألونج عنها أسأله .. في منها Multiple choices وفي منها كتابة وفيه كلام تسجلين صوتج باستخدام المايك
بس اللوكل غير سمعت انه ما فيه سبيكنج كنه مدري مو متأكدة ..
بشكل عام التوفل يبيله شوي يعني مستوى متقدم يعتمد على المزاوله .. عشان جذي الإمتحان ما فيه قسم قرامر أو فوكابلري مثل الامتحانات اللي دايم نمتحها لا هذا يخليج كأنج بين ناس انجليش نيتف سبيكرز شنو تسوين ؟
أهم شي بالفترة هذي اقري كل شي تطيح عينج عليه .. واقرأي جهري يعني بصوت عالي عشان يتعود لسانج على مخارج الحروف تصير عندج طلاقة أكثر
يجيبون لج أسأله مركبه مرات يبيلها ذكاء مثل يسمعونج محاضرة عن الكيمياء مثلاً بعدين يخلونج تقرين قطعة تتكلم عن نفس الموضوع اللي تكلم عنه المحاضر .. بعدين يسألونج سؤال إستنتاجي أو يسألونج عن رايج شنو تأيدين مثل وليش وأذكري حجج تأيد كلامج 
شغلات جذي
وطبعًا الاستماع يكون مرة وحدة ما تقدرين تعيدين مرة ثانية بس القراءة عاد على كيفج بس تحطين ببلاج الوقت خاصة أنه القطع طويلة
وموفقه ان شالله .. ترى يونس امتحانهم تدشين جو