دار الشفا او رويال حياة

السلام بنات شلونكم ؟؟؟
اتمنى انكم تساعدوني
ان شالله انا ابي اولاد على يد الدكتوره معصومه مخصيد… اذا كملت فترة حملي باذن الله

ابي تقولون لي اسعار دار الشفا و رويال حياة..
طبعا دار الشفا الغرفه الملكيه + سعر الدكتوره
ورويال حياه غرفة ليلي + سعر الدكتوره

بلييييييز اللي تعرف اسعارهم تقولي ضروري

بنات رجاءا ردوا علي

ماعندي فكره انا اللحين حامل وان شاء الله ناوية على الشهر الثامن اروووح اسوي سيرج على المستشفيات واشوف الغرف والاسعار لان دكتورتي راح تكون من بره

ننطر البنات يردون عليج ونستفيد

والله ماعندي فكره

بس الملكي بدار الشفا 750 من غير الدكتوره

ان شاء الله البنات يفيدونج

والله ما عندي فكره انشالله البنات يفيدونج

والله ما عندي فكره بس احسن مريهم و اخذ البروشور

رويال حياه الليلي ب 350 بدون الدكتوره

شوفي ليلي برويال 350 + الدكتورة جم تاخذ انا دكتورتي 250 ناهده

الملكي بالشفا 500 وشي + الدكتورة

السلام عليكم انا شفت مستشفى رويال حياة على حسب اذا طبيعي ولا قيصيريه ولا ولاده مستعصيه بس غرقه ليلي حجمها صغير مساحتها اربع في لربعه والولاده الطبيعيه فيها 300 وشي من غير اتعاب الدكتوره مالتج والقيصيريه 700وشي من غير اتعاب الدكتوره بس انا شفت غرفه كامليا وااايد حلوااا واتعاب الدكتوره ما تعدى 500 يعني 500 وتحت وانشالله يكون افدج بشي وانشالله تولدين بسلامه

رويال الليلي جنه 350 والدكتوره 250 ومع الادويه وهالسوالف تطلعين بمبلغ بس ما تتعدين الالف

مانصحج بدار الشفا زحمه ولويه وازعاج

مستشفى رويال حياة:

غرفة لليلي 350 الليله من غير الدكتوره وغرفة الكاميليا 700 من غير الدكتوره هذا اذا الولاده طبيعيه واهم عندهم عرض لي اخر السنه وقالتلي اللي تشتغل هناك ان راح يمددون العرض لي شهر 3

مشكورين بنات ما قصرتوا الكل باسمه

الله يهون عليج حبيبتي
انا ما انصحج بدار الشفاء رحت لهم والرحم مفتوح 3 سم وفيني طلق بآخر الثامن وقعدت أكثر من ساعة على ما فحصتني الدكتورة يعني تبهذلت وماديين بشكل فضيع.

وطلعت ولدت برويال حياة ودكتورتي من برا وكلفتني والله أقل من 600 وخدمتهم تهبل وما قصروا والله حلال فيهم.

الله يهون عليج حبيبتي روحي دار الشفا