|
|
بسم الله الرحمن الرحيم
السلام عليكم ورحمة الله وبركاته
اليوم وبعد سماع خبر المنحه
كنا قاعدين نسولف عنها ببيت يدتي
بس صار موقف جدامي وبغيت ابجي يوم شفته
بنت خالتي امها كويتيه ابا عن جد ( اللي هي خالتي ) والله ان خالتي من حبها للكويت عمرها ما طلعت منها ولا سافرت
الشاهد من الكلام ان خالتي هذي ايام اول بالثمانينات خذت واحد كويتي وهي صغيره وعذبها مسكينه لين تطلقت منه وعقبه ما ياها الا واحد مو كويتي المهم تزوجته وعاشت معاه عيشه هنيه
ويابت منه 3 بنات
الكبيره تزوجت واحد هم مو كويتي من جنسيه ابوها وللعلم لا هي ولا ابوها عندهم احد بديرتهم اهلهم كلهم هني بتقولون لي ليش ما خذت كويتي بقول لكم نصيب لان البنيه مو ناقصها شي بس نصيبها جذي
حاولت انها تروح ديرتها الام وتعيش هناك ما قدرت كانت تتصل بامها وتقول لها انا بديره غربه
للاسف هذا حال كل ابناء الكويتيات لاهم ينتمون لبلدهم لان عمرهم ما شافوها ولا هم كويتين مع انهم ولائهم ووطنيتهم للكويت
المهم البنيه الي عاشت وتربت ويانا وبمدارسنا وعمرنا ما حسينا انها مو كويتيه مو عشان انها بنت خالتها لا بس لان الام اللي تربي وتغرس بقلب عيالها الولاء والانتماء كانت كويتيه
وبنت خالتي كانت كويتيه بكلللللللللل ما تحمل الكلمه من معنى لا لهجتها ولا ولائها وما زالت تعتبر الكويت ديرتها
المهم يا بنات خالي بعد ما طلق زوجته خذا وحده مو كويتيه من جنسيه فقيره ويايه مو شايفه خير ودايما تنتقد الكويت واهلها واحنا في صراغ معاها دايم
وحتى كلامها ما زالت تتكلم بلهجتها
المهم بمقارنه بسيطه بين بنت خالتي ومرت خالي
بنت خالتي الي تربت وعاشت وما عرفت ديره ثانيه غير الكويت تصير وافده !!!!!!
واللي يايه من تحت الهايشه ( البقره بلهجتهم ) صارت كويتيه وتاخذ المنحه وتقعد معانا اليوم
وتقول حق بنت خالتي بالفم المليان
انتي ما تستحقينها لانج مو كويتيه
ااااااااااااااااااااااااااااااااخ احسها غصه بقلبي الحين الكويتي يروح يتزوج من جناسي الدنيا كلها واللي اصلا ماخذته الا عشان جنسيته تصير كويتيه وعيال الديره الي يعتبرون بلدهم الام بلد الغربه يصيرون وافدين
اللي يابهم بطن كويتي والام الي ربت فيهم ان الكويت ديرتهم وصارو يحزنون لحزنها ويفرحون لفرحها هم الوافدين
واللي توها يايه من ديرتها ولمجرد انها تزوجت كويتي صارت كويتيه وتقعد تحط ريل على ريل وتقول انا مواطنه
انا شخصيا اعتبر فئه ابناء الكويتيات الفئه الضاله اللي لا طالو بلح الشام ولا عنب اليمن
:'(
انزين من زمان الاخت اللي قالت حق بنت اختج معاها الجنسيه تو الحين العبره اخنقتج
يوم قالت ماتستحقين المنحه.؟
غريبه!
البنيه صار جدامها هالموقف و حبت اتقوله
لا تخافين حبيبتي مستحيل يعطون ابناء الكويتيات هالالف ارتاااحي
|
المشاركة الأصلية كتبت بواسطة كوكـي
 سبحان الله العبره ماطلعت الا وقت المكرمه الاميريه
انزين من زمان الاخت اللي قالت حق بنت اختج معاها الجنسيه تو الحين العبره اخنقتج يوم قالت ماتستحقين المنحه.؟ غريبه! |
؟؟؟؟؟؟؟؟؟؟؟؟؟
شكو المكرمه بالموضوع ؟؟؟؟
انا اتكلم عن موضوع ان ليش زوجة الكويتي تحصل عالجنسيه وابناء الكويتيات للأ
فقط لا غير واما موضوع المكرمه من باب الشيء بالشيء يذكر
وللعلم بنت خالتي مو انسانه محتاجه الف لان الحمدالله عندنا الخير وااااايد اللهم لك الحمد
وانا لعلمج كويتيه ابا عن جد ووايد لي صديقات بالمنتدى ويعرفوني ويعرفون عايلتي
واعتبري اني ماكتبت الرد
والله يديم النعمه على بنت خالتج
وعلى الكل
المشكله ان في قانون ينص ان عيال الكويتيه الارمله والمطلقه يستحقون الجنسيه وفق الماده الخامسه –
هذا قانون وموجود والكل يعرفه ,,,, بس للاسف مو قاعد يمشي الا بالواسطه للاسف في اغلب الاحيان
والله انج فتحتي عيونااا عن شغله غافلينهااا يعني معقوله جذي ؟؟؟؟ بنت الكويتيه اللي ولدت وتربت وعاااشت ايامهاا كلهاا بهالديره تصيرررر وافده @@
الله يحنن قلب حكومتنااا عليهمم ويرزقهم الله ع قد نيتهم الطيبه لهالديره
الله يعينهم ويحنن قلب احكومه عليهم يارب
خاطري اكتب واقوول بس ادري كلامي بيطوول
امها كويتيه ومالها حق باي شي
ومرت خالج تاخذ كل شي حقها حق الكويتيه قهههههههر
ياا عسى ربي يهدي الحكوومه ويجنسوون اللي يستحقها بسس ولا الكواوله برااا برااا
والله الواحد شقول بس غير الله كريم