خمول الغدة الدرقية

بنات انا صار فيني قبل فترة بسيطة خمول في الغدة الدرقية
و الطبيب قال اني لازم اكل حبة يوما رقم 50
عندي سؤال ماهو احسن وقت لتناول الحبة ؟

هل عادي آكلها في اي وقت والا يفضل في وقت معين

الحمد لله عسى هذا ولا شي ثاني
وما تشوفين شر

هلا المملوحه على قولة المثل اسال مجرب ولا تسال طبيب انا الله يسلمج صارلى 8 سنين وانا فينى غده درقيه بدايتها كنت اخذ 50 الحين زادو الجرعه صارت 200 المهم لازم طبعا تاخذين الجرعه كل يوم ولاتتهاونين فيها طبعا احسن وقت تاخذينها عقب صلاة الفجر او اذا قعدتى الصبح لازم تاخذينها قبل لاتاكلين اى شيى الصبح على الاقل قبل الريوق بنص ساعه انا عن نفسى اخذها عقب صلاة الفجر اخذ حبتى ورد اكل نومتى واللى نصحنى فيها الدكتور احمد الانصارى والدكتور عبدالناصر العثمان اهم اللى قالو احسن وقت عقب صلاة الفجر او اذا نسيتى قبل الريوق بنص ساعه وحطى بالج اذا حملتى لازم اتراجعين الدكتور على اساس يزيد الجرعه لانه اذا ما اخذتى الحبوب بالحمال يسبب اجهاظ او موت البيبى وسلامتج من كل شر ان شاءالله

سلامتج وما تشوفين شر

smaaa

ما قصرتي على هالمعلومه

والله يشافي جميع مرضى المسلمين

شنو اعراض خمول الغده الدرقيه لاني شاكه بنفسي ؟

انا فيني خول في الغده الدرقيه كنت اخذ الحبه قبل الريوق بس من ولدت بنتي انا تركتها والحد الىن ما حملت تهقون بنات ما حملت بسسب الغده لاني احس اني تعبت بالمره .

عمري الكويت ..اكيد الغذه الدرقيه ما تخليج اتحملين …

شوفوا يا بنات اسالوا مجرب ..انا قعدت و لا اكثر من 10 سنين اعاني من اورام في الغده الدرقيه هذا بالاضافه الى خمول بسيط ….

اذا كانت لها سنه او سنتين مريضه ما اتحسين اما اذا فوق ال 10 سنوات تبتدي اعراضها بقوه …
مرات كنت اقوم بالليل و ما اقدر اتنفس ..ما اقدر اكل نفس الناس …على طول متوتره و طايحه بالفراش …
كنت اراجع عند لطيفه الدويسان و في اخر مره رحت عندها قالت لازم عمليه جراحيه ………..
رديت البيت و انا افكر اشلون العمليه و يفتحون رقبتي …المهم ما اطول عليكم اخر شي و اروح اطق نحل على مكان الغذه ………..

بعد اسبوع فقط رديت راجعت في موعدي عند الدكتورة …قالت لي سوي لي اشعه مرة ثانيه ..
المهم كافي علي اني اسوي اشعه في مكي جمعه يعني داشه مكان اورام و سرطانات ..يعني دمي يوقف ..
المهم سويت الاشعه و رديت يمها …
قالت غريبه كان عندج اول 4 اورام الحين مبين بس 2 وواحد منهم حيييل صغير ….

قلت الحمد لله ….سبحان الله يجعل سره في اضعف خلقه …

و رديت الحين على النحل و العسل و الحمد لله ما قمت احس باي شي ابدااااااا

هاذي تجربتي و اتمنى انكم تستفيدون منهااا

و سلامتكم

كلامي نفس كلام سما اوافقها الراي بالضبط
و احسن وقت للحبه قبل الريوق بساعه او نص ساعه .. و في رمضان قبل الامساك .. و اعراضها زيادة الوزن و الكسل و الخمول و الاكتئاب وبرودة الاطراف و جفاف الجلد و كثرة النوم .
و ما تشوفين شر .

اول شئ الله يعينكم ويشافيكم كلكم قولوا آمين

بس بنات يعني شلون عرفتوا انه فيكم ؟

امبيه عاد انا وسواسيه

سوله 12 يعني اكلت عسل معين ولا عسل من جمعيه عشان تعالجين منه

عن نفسى اناعرفت انه فينى خمول بالغده كنت حامل بالشهر الخامس ومات البيبى فى بطنى وسولى تحاليل وكتشفو انه الغده كسلانه ومن يومها وانا اخذ حبوب الغده اعتقد انها وراثه لانه امى فيها

بنات عفيه شنو اعراضها يني تحسون بخمول بالجسم انا الحين جذي احس بخمول مو طبيعي ومن غير سبب ومادري ليش ماني قادره اسوي شي كه ابي انام وارتاح امبييييييييييييييييه هذي الغدة ؟؟؟؟؟؟؟

بنات عفيه قولولي اعراضها

جامعية انا ما ابي اخوفج بس فعلاً هذي اعراضها دايمن نايمه ومالج خلق وعصبيه

seule12
مشكورة بعد قلبي على هذي النصايح
آنا قلبي ناقزني ياربي
اسمع كل اللي فيهم غذة ياخذون الحبة قبل الاكل على الريج
وآنا صار لي 4 سنين آكلها بالليل قبل النوم و بعد العشا !!!
وصار لي فترة النوم بالليل حسرة علي
أعاني من الأرق بشكل فضيع
مع اني ما اشرب شاي و لا قهوة و لا بيبسي ما كو فايدة
اتقلب و اتقلب واتقلب لحد ما جسمي يعورني
بعدين شكّيت بحبة الغدة قلت في نفسي يمكن يكون توقيتها غلط
مشكوووووووووووووووورة
من باكر ان شاء الله آكلها بعد صلاة الفجر ان شاء الله

smaa
مشكورة على التنبيه والله ماقصرتي على هذي المعلومة كنت شاكة فيها

بالنسبة لأعراضها
انا اساسا عرفت ان فيني غدة من اضطراب الدورة
ومن اعراضها الجفاف في البشرة الشعر رغم ان بشرتي دهنية وشعري دهني
والخمول و الكسل والرقعة بالقلب

وسلامتكم و ما تشوفون شر
ومشكوووووورين على تفاعلكم