خلص الكورس؟؟ تعالي فيدينا بالمواد والدكاتره عطينا مذكراتج خنستفيد منها

السلام عليكم بنااااات شلونكم؟؟

بما ان مابقى شي والكورس يخلص حبيت احط هالموضوع عشان نستفيد ..

* تقولين المواد اللي خذيتيها ,, رايج فيها خصوصا اذا كانت اختياريه..

* اسم الدكتور ورايج فيه ,, تنصحين او تحذرين..

* عندج مذكره او تلخيص تعطينه للبنات اللي بياخذون الماده بدال ماتقطينه خلي غيرج يستفيد..

انا بعد ساعه عندي امتحاان بس ارد انشالله راح اكتب كل شي واتمنى القى تفاعل عشان كلنا نستفيد …… وانا قلبي مترووووووووسه اذا رديت اقولكم

انا توني راده من الامتحان

لي باك انشالله

خوش فكرة

خووووش فكره …
انا بالتربيه الأساسيه ..
عندي كتابين .. ثقافه اسلاميه + تلخيصي … دكتور عبدالغني الحماد .. عجيييب قبل كنت اذمه بس الحين عجيييب لكن خلاص راح ..

عدي كتاب .. طرق تدريس عام … دكتور وليد الكندري … + تلخيصي و اسألته …

و لي رجعه ان شاء الله ………

الله يوفقكم بامتحانكم اليوم

لي رجعة ان شالله بس ارتب افكاري :$

باااااااااااااااك..

انا ببدى عيل دامكم مالكم خلق..

انا خذيت هالكورس 4 مواد:

مقدمه الادب العالمي مترجما – الدكتور ديفيد ميري

بالنسبه للماده الله وكيلكم انا والكرسي واااااحد ومااحضر طبعا امتحاناته اوبن بووك او بالاحرى نقل ,, يعطيج 4 اسئله قبل الامتحان تحلين واحد essayصفحه ونص طبعا انا كنت اودي الاسئله حق الديوان اللي بالنزهه يكتبولي واقدم الامتحان وطلعت بالماده B

الماده الثانيه : الاسلام وقضايا العلم والتكنولوجيا عند عبدالرحمن المطيري وهي اختياري لطلبه الاداب ..

اول الكورس قلت لا بالله هالماده بسقط فيها لما شفت النوت بس صج صج الدكتووور عسسسسسسسسل ونصيحه بناات تاخذونها ,, تضمنين درجات فيها الدكتور واااايد يسهل ويحذف ويعطي بونص وانا اليوم خلصت امتحانه واتوقع اطلع فيها A لانه يرفع قريد ,, اللي تبي تاخذ الماده عندي تلاخيص للماده وعندي النوت طرشيلي عالخااص..

الثقافه والادب في الكويت – عند اسماء السرحان .. الدكتوره طيبه وحبووبه بس امتحاناتها شوي صعبه.. مذكرتها عندي اللي تبيها

مقدمه الحاسوب .. الماده قثيثه ونصيحه لاتاخذونها عند حسام ابوالفتوح امتحاناته صعبه ومايدري شيقوول

ثانكس بنات على هذا الموضوع الحلو صج كان يدور براسي من زمان بس انت سبكتيني المهم انا ماخذه اربع مواد عندي مادة الكويت والتنمية لمهدي العجمي انصحكم فيه وطبعا مايحتاج تلخيص وعندي مادة الثقافه الموسيقية عند سلمان البلوشي طبعا يطلب منكم كتاب نصيحه لاتشترونه بس راح يصير حاله حال الطوفه لايمكن الطوف افيد المهم عندي له تلاخيص وثالث ماده تربية اسريه كتاب + تلخيص ورابعه مدخل الى علم النفس كتاب +تلاخيص

شراااااااااااااااااايكم بالدكتور خالد ناصر الوسمي يدرس تاريخ الكويت المعاصر ؟؟؟؟؟؟؟؟ زين ولا مو زين ؟!!!

والله ماجربته انشالله يفيدونج

انا عندي اربع مواد هالكورس اللي تبي الكتب تقولي

اول شي جماليات ادب عربي لمرسل العجمي عندي الكتابين كتاب اللي تسوين منه الواجب والتقرير وكتاب الازرق تدرسين منه والمادة عنده سهلة وروعة ولاتطوفج وامتحاناته عجيبه لا بالفاينل ولا بالميتيرم

هارولد وولكر انجليزي 114 عندي الكتاب والوورك بوك وكله محلول يعني اللي تبي تقولي وروعة هالدكتور شوي

اصول تربية فرح المطوع عندي الكتابين اللي هو المخطط + الكتاب وروعة هالدكتورة وتعطيج حقج

تاريخ حضارة عند عبد الهادي العجمي عندي المذكرة بس الملخص ضاع حسافة وروعة الدكتور كمان

انا هالكورس خذيت مهارات اتصال عند دكتور زكريا زين ويشرح بضمير وان شاء الله اطلع منها a

بنات منو ماخذة عند جمال الزنكي تاريخ حضارة ؟
بليز ابي معلومات عنه و اذا تعرفون احد ماخذ عنه سألولي وقوليلي بليز

اناا ماخذه هالكورس مادة (( تاريخ حضاره )) عند الدكتور (( عادل عبدالجادر )) عندي السلايداات مع الشرح >> اللي

تبيهم حااضرين

وماخذه مادة (( بيولوجيا 2 نبات )) عند الدكتوره (( غنيمه مال الله )) هم عندي تلاخيص لكل الجباتر مع نسخ من الكتاب + نوت اللاب

وكل تقارير اللابات >> هم حااضرين

يااااابختج انا كورسين اروح باي فورس عشان اسجل عند الزنكي وماصار..

الدكتووووووور عسسسسسسل

مريوووومة.. تدرين انا امس سجلت بالصدفه وحده سحبت وعلى طول خذيتها.. جربي دشي كل يوم وشوفي يمكن تحصلين !
شدراج انه الدكتور زين ؟ انا ابي اعرف شلون نظامه بس الاكيد لان تخيلي من 8 لي 9 ماتسوى علي اتعب واخر شي ما اييب قريد زين

مريوووم فديتج يا الغاليه على هالموضوع

العاشقه ياحظج على الدكتور جمال
لان كلمة روعه شووووي عليه انا طلعت من عنده a
نظامه يعطي على كل درس سؤال واحد مقالي
تقريبا لي نهايه الكورس تصير 11 سؤال بس سهلين وكلهم فهم

الحين اقولكم عن جدولي
هالكورس خذيت تمهيدي >>> عند دكتور مراد مندني
اينن الدكتووور ويفهم

خذيت امبراطورية رومانية>>> عند الدكتور محمد عبدالفتاح
الدكتور وايد طيب وحبووووووووب ويفهم
وشرحه حلو على قصص وتشوووق تخليج تنطرين المحاضره اليايه

تاريخ المغرب الاسلامي >>>>> عند الدكتورة عايشه اسماعيل
روووووووووووووووووووووووعه هالدكتووووووورة
اتييييييييييييييننننن احس اني قاعده مع امي العوده
طريقة شرحها حلوووه ومتسلسله وامتحاناتها سهللللله كل فراغات او مقالي انتي تختارين

جغرافية انسان وبيئة>>>> الدكتور احمد الحصم
هالدكتور شرحه زين وعموما اهو يحط الدروس على الباوربوينت بس حفظيها وروحي
بس المشكله يددقق بالغيااب

سوري اذا طولت عليكم

انا ماخذه اربع مواد هالكورس..باجر اعطل

مدخل رعايه عند حمود القشعان<<زين بالشرح والتعامل بس درجات لااااااااااااااااااااااااااا يظلم حييييييييييييييييييييييييييييييييييل!!!!

علم نفس فسيولوجي عند كامل فراج<<يهبــــــــــل الدكتور طبعا معروف من غير لااقول..

علم نفس اجتماعي عند حسين طاهر<<الماده قثثثثثثثثثثثثثثثثثثثه والكتاب نفس طقه كتب الحقوق شكبره والامتحانات الله يهدااه صععععععععععبه يقول موضوعي ويجيب مقالي!!

انقلش 141 عند بدر الكندري؛<؛يهبل الدكتور حداا عجيب والمقرر بعد سهل بس ناسيه طريقه درساه الانقلش !!وبثثث

<<وبثثثثثث