خلاااص انا فقدت الامل يااااااا نااااااس

السلام عليكم
بنات الله يبعد عنكم هسالفه
مليييت كل ما اسوي تحليل المنزلي للحمل كل شهر و ماااكو شي و قلبي يعوورني من اشوووووفه و ساعااااات مالي خلق اشوف النتيجه لان ادري ماكو املل كللللش تعبت و كل شهر اونس نفسي و اقوول انا حاسه حااااااااامل و اجرب الف فحص و بنهايه تحبط قمت من اشوووف ياهل حلو اتنح فيه و مادري اشلوووون بس خلااااااااص مليييت ملييييت و ساعات استغفر الله افقد ايماااانييي بالله ان يساعدني استغفر الله يا بنات ساعدوني شسوييي كرهت نفسي و قمت اقول بطقاااق لان فقدت الامل

لا تفقدين الامل

والله ما يرضي بالكلام الي تقولينه

كل شي بيد رب العالمين

وشيلي فكره الحمال ابالج والله تحملين

حبيبتي فيه ناس وايد ما افقدوا الامل وظلوا اكثر من 10 سنين

واولهم امي تقول انا 9 سنين يالله يابت اختي بعدين يابتنا ورا بعض

لا تفقدين الامل

حاولي تراجعين الطبيب يمكن لا سمح الله فيج مشااكل او التهااابات

والله كريم ويرزقج قريب ياااااااااااااااارب

يااااااااااااااااااااااااااااااااااااااااااااااااا اااارب

الله يرزقج ويرزق كل محروم

حبيبتي لا تفقدين الامل وشيلي فكرة الحمل عن بالج وان اشاء الله تحملين

حبيبتي الامل بالله كبيير ولاتعبيين نفسيتج وتحلليين وايد راح تتعب نفسيتج ولا راح ترتاحيين انتي صارلج جم متزوجه وشلوون دورتج وانتي اذا متينه حاولي تضعفيين والله ربي انشالله قادر وستعييني بالله ولاتحاتيين وتعبيين نفسيتج ومنو تراجعيين عنده ياحياتي يامريومه الله يرزقج انشالله ونفرح بستقبالج ليظيق خلقج ياحبيبتي هذا الشيطان

الله يرزقج يارب

روحي حللي وخلي زوجج يحلل

لا تفقدين الامل وقولي يابر ترزقني وكثري من الاستغفار والادعية وقراءة القران وحبيبتي يمكن ربج بيختبر صبرج صبري

ولا تنسين ان ربج ما يبلي الا الناس اللي يحبهم عشان يبيهم يصيروون قريبين منه

الرسول صلى الله عليه وسلم يقول يستجاب لاحدكم مالم يعجل .. اي يقول دعوت ودعوت ودعوت ولم يستجب لي

مثل الزرع لما تزرعين الحبه وعلى ماتنمو وتطلع فوق الارض تكونين ياستي وماتسقينها ماي (توقفين دعاء) وتموت قبل لاتطلع ويروح كل الي دعيتيه

استغفري وايد ولاتيئسين من رحمة الله ماكو شي اسمه فقدت الامل كلشي سهل على الله حطيلج جدول استغفار استغفري 1000 او 2000
مره باليوم كثر ماتقدرين وحطي في بالج يقين ان الله بيستجيبلج يعني ليش مايستجيبلج ؟؟ الله استجاب حق ابليس مايستجيبلج ؟؟

عسى الله يرزقج الحمل هالشهر يارب وتبشرينا باقرب وقت

انا صبرت 7 سنوات وشبه فقدت الامل والحمدلله
الله ما قصر وياي
مع انه كان فيني وايد مشاكل تمنع الحمل
الله يرزقج ان شاء الله الذريه الصالحه
ولا تستعجلين على رزقج
انسي فكره الحمل وراح تحملين باءذن الله

تعوذي من ابليييييس ولا تقولييين هالحجي وانسي سالفة الحماال

والله يرزقج ويرزق كل محروووومه ان شاءالله بالذريييه الصااالحه

استغفري ربج حبيبتي

مايصير جذي

ولازم تراجعين دكتوره عشان تفحصج يمكن فيج شي

يمنع الحمل لا سمح الله

و حتى زوجج لازم يسوي تحليل

أعوذ بالله أستغفري الله حبيبتي ولاتطلبين من البنات المساعده أطلبيها من الخالق ولا أحنا ضعيفات نفسج ماسوينا حق أنفسنا شئ عليج بالآستغفار ياأختي والله يرزقج ويرزقني ويرزق بنات المنتدي اللهم أمين يارب العالمين.

لا يا عمري خلي ايمنانج بالله قوي و عليج بالدعء وانشاءالله ربي يرزقج الذريه الصالحه

تعوذي من ابليس وتوكلي على الله وروحي الطبيب وشوفي سبب المنع انتي وزوجج واحتمال ما يكو نفيه شي بس سبحان الله ترا النفسية تأثر على الانسان

في ناس المانع الوحيد للحمل اهو نفسيتهم استرخي وهدي بالج وعيشي حياتج حاليا وكل شي ايي بوقته ان شاء الله

تقبلي مروري

خلي ايمانج بالله قوي وانا اختج وان شاء الله يرزقج ويرزق كل محروم يااااااااارب

حبيبتي استغفري ربك لا تقولين فقدت الأمل الأمل بالله كبير ولا ينقطع إنشاء الله بس انت صبري وطلبي رب العباد ومحد يدري مصلحتة وين بهذه الدنيا يمكن خيرة لك وانت دائما استغفري ربك وصلي وطلبي بالصالح لك ولبيتك ولزوجك وبالذرية الصالحة

أعطيك مثال وحده من أهلنا احملت مرة والله رزقها ومن بعدها اقعدت 18 سنة من غير عيال سوت كل شيء وماكان فيها شيء بس ربك كان له حمكة لا يعلمها إلا هو ومن بعد 18 سنة الله رزقها ب 3 مرة واحدة ماشاء الله الأمل بالله كبير وهو أحسن الرازقين

والله يرزقك بالذرية الصالحة