|
|
السلام عليكم يابنات ومبارك عليكم الشهر …
حبيت اشاركم بهالموضوع اللي عافس الكل بالكويت واحب اطمنكم ان الانفلونزا مو خطره الا على فئة معينه من الناس
وانا بيت خالتي حاليا كلهم حايشتهم الانفلونزا والحمدلله نصهم الحين بخير والباجي قاعدين يتماثلون بالشفاء واهي اقوى من الانفلونزا العاديه ..
انا سألت بنت خالتي بشنو كانت اتحس لمن حاشتها وشنو كانت اعراضها؟؟
كانت تقول ان حرارتك لازم توصل 40 .
وتحسين بألم في قفصج الصدري وظهرج لدرجه اتحسين فيها انج ماتقدرين تتنفسين.
وقالتلي شفتي لما الانفلونزا العادية شلون تهد حيلج هذي اقوي منها وتكون مع الاحساس بالألم بالجسم كله.
وفي منهم من قام يرجع ويصاحبه وانتوا بكرامه اسهال مع ارتفاع درجة الحراره طبعا.
ويوم راحت المستشفى سوولها تحليل وبعد 3 ايام اطلعت النتيجه وانها مصابه بالفايروس ووصفلها الدكتور مضاد حيوي وقالها اي مدتها 5 ايام وتاخذين بعدها يومين نقاهه وبعدها تعيشين حياتج الطبيعيه ووصف حق كل البيت المصاب والغير مصاب مضاد حيوي وقال خلي الكل ياخذ الدوا اللي فيه المرض واللي مافيه…
والفئة المعينه من الناس اللي تكون خطره عليهم اهما:
الناس اللي فيهم امراض حاده مثل التهاب في الجهاز التنفسي .
مرضى القلب والسكر .
واللي فيهم الكلى والمراره او الكبد والاطفال اللي اقل من ال5 سنوات.
وعلى فكره ابوهم فيه الكلى بس طلع من البيت من حس ان عياله فيهم شي.
وعسى ربي يحفظ اهلنا وعيالنا والمسلمين وديرتنا من كل مكروه يارب.
وسلامتكم
بصراحة الاعراض تخرع وبالذات للناس اللي مناعتهم ضعيفة واليهال
عسى ربي يحفظنا ويحفظ اهلنا وديرتنا والمسلمين
كانو مسافرين ولاشنو اشلون انعدو عشان ننتبه يعنى من الجوبرا واحنى نمشى مثلا
ومشكوووره
|
المشاركة الأصلية كتبت بواسطة شمعة ليل
 مايشفون شر والله يشافيهم يارب ابى اعرف من وين ياهم
كانو مسافرين ولاشنو اشلون انعدو عشان ننتبه يعنى من الجوبرا واحنى نمشى مثلا |
نفس السئوال ؟؟؟
والله يشافيهم ان شاءالله
ويكافينا شر هالمرض
واشلون بداية الاعراض ؟؟
كانت خفيفه وبعدين صارت قويه ؟؟
الله يحفظنا