|
|
شلونكم خواتي كويتيات
بغيت أسألكم أنا توني متخرجة من الجامعة هالكورس كلية التربية
وين أروح علشان أتوظف ؟ ومتى ؟ يا ريت بالتفصيل
لأن حدي ضايعه وما أعرف بهالسوالف
يعني مو انتي اللي تروحين تسجلين
لا تغلطين غلطتي
أتوقع راح يبطل هاليومين سجلي بالتلفون
و هم يستدعونج
احسن لج
بس يا ريت إجابة أكيدة من المدرسات
بسألج حبيبتي
طالع لج وقت لتسجيل الصيفي
انا استغربت ان حطو لي وقت لتسجيل الصيفي ..
أخاف ما راح اتخرج
انا خلصت فاينلاتي بس ما نزلت الدرجات الى الحين
و موفقة حبيبتي
و انا بكون على تواصل معاج علشان نعرف الي لنا و الي علينا
أنا متخرجة الكورس الثاني السنة اللي طافت و كانوا حاطين لي موعد للصيفي بس طاف ما سجلت شيء
شوفي حبيبتي الديوان راح يبطل هالشهر بس تأكدي متى بالضبط
سجلي عادي حتى لو قال لج انت طالب مقيد بجامعة الكويت
و إذا طلع إسمج بيقولون روحي وزارة التربية و هناك بيقولون لج روحي لمنطقتج التعليمية
إنتي من الأول وفري المشوار وروحي المنطقة التعليمية اللي انتي تابعة لها
روحي قسم التعيينات و راح يفتحوان لج ملف توظيف لازم يكون معاج :
صورة من البطاقة المدنية
صورة من شهادة الميلاد
الشهادة أو صورة طبق الأصل ( أنا عطيتهم صورة عادية وماقالوا لي شيء
5 صور شخصية ( كثري الصور للمجلس الطبي و التحاليل
كشف حساب من البنك
وراح تعطيج أوراق الفحص والله يعينج عليهم بالمجلس الطبي لأنهم زززززززززززززززززحمة مو طبيعية
و سحب الدم عللللللللة ممرضة وحدة و سبعين ألف ينطرون الدور و إيدها ثقيلة فتحملي شوي
و تقولج الموظفة نتيجة التحليل تطلع بعد أسبوع و هو بعد 4 أيام طالع
جني طولتها
المهم تستلمين النتيجة و تردين للمنطقة قسم التعيينات لنفس الموظفة و هي تكمل بياناتج و تعطيج ورقة للمراقب
و يحطونج في المدرسة اللي تختارينها إذا فيها نقص أو جيبي واسطة و ريحي عمرج
و سلامتج أي سؤال أنا حاضرة
اي عادي حتى أنا ورفيجاتي نفس الشي حاطين لنا مواعيد تسجيل للصيفي لأنهم لي الحين ما طلعوا نتايج هالكورس فاحتمال نحتاج نسجل صيفي
بس طالما انتي مخلصة موادج لا تحاتين
آخر يوم لإدخال الدرجات هالخميس
وحياج الله ويشرفني التواصل معاج
يا زميلة المهنة
مشكوووووووووووورة واااااااااااااااااايد
ما قصرتي على هالمعلومات والتفصيل
فدتينا وايد 
مدرسة المستقبل عسى هالموضوع فال خير عليناااااااا و انا متواصلة معاج ان شاء الله خطوة بخطوة
سويتي اخلاء الطرف ؟؟؟؟؟؟؟
و اذا توظفت ابيه بالوطني
شنو يعني افتح حساب من الحين ؟؟
اسمحيلي حبيبتي كثرت الاسئلة بموضوعج
بس حدي حايسة
وتطلعين نسخه من شهادتج الجامعيه ودرجاتج فيها ….. حلوو ؟؟ 
بعدين عندج موقع جنه ديوان الخدمه خل اتاكد منه واعطيج
تسجلين بياناتج فيه يعطونج رقم واهم راح يدقون عليج يقولون وين اقبلووج ويحددون موعد للمقابله الشخصيه
وماراح تتاخرين بالتوظيف لان التربيه توظيفهم فوري ..
موفقه ان شاءالله خل اشوفلج الموقع وارد
بالاول اختاري القوى العامله الوطنيه
https://www.csc.net.kw/maincsc9.htm
وهذا يبته لج من الموقع:
فترات التسجيل لعام 2024
1- الفترة (30) من الجمعة 5/مارس/2010 حتى الجمعة 19/مارس/2010 لاستيعاب خريجي الهيئة العامة للتعليم التطبيقى والتدريب وجامعة الكويت(الفصل الدراسي الأول).
2- الفترة (31) من الجمعة 16/يوليو/2010 حتى الجمعة 30/يوليو/2010 لاستيعاب خريجي الهيئة العامة للتعليم التطبيقى والتدريب وجامعة الكويت(الفصل الدراسي الثاني).
3- الفترة (32) من الجمعة 17/سبتمبر/2010 حتى الجمعة 1/أكتوبر/2010 لاستيعاب خريجي الهيئة العامة للتعليم التطبيقى والتدريب وجامعة الكويت (الفصل الصيفي).
4- الفترة (33) من الجمعة 26/نوفمبر /2010 حتى الجمعة 10/ديسمبر/2010