مرحبا بنات
بنات بليز أنا خايفه والله العظيم اني ميته خوف ومو عارفه شلون أتصرف
من جم يوم نزلت الدوره حلو
جان أقوم وأسويلي حسو بس هالمره الحسو أمي مسويته وايد حاااااااااااااااااااااار
يعني مكثره الفلفل الاسود فيه
وشربت أول يوم وثاني يوم
ثاني يوم بالليل تفاجأت
ينزل دم من فتحة الشرج بعد الخروج
بنات شسوي خايفه حيل
أهم شي باجاباتكم لاتقولون
طبيب
طبيب لأ
مابي أروح الطبيب خايفه موت
منو صارلها جذي وهل وقف الدم ولا لأ وفي شي خذته ووقف الدم
بنات لاتطنشون الله يوفقكم حدي خايفه
حبيتى هذا الموضوع ما ينسكت عنه نهائى انا ما اخوفج لا بس لازم تطمأنين على روحج من البدايه بدل ماتتفاقم المشكله واظن وغالبا انه ممكن اكون بواسير او قولون التقرحى وا جروح ما اعتقد شى خطير بس ضرورى اتروحين اتراجعين على الاقل عند دكتوره وانشالله مافيج الا العافيه حبيبتى وطمنينه عنج وما اتشوفين شر
كثري ماي وروحي طبيب الفلفل معروف يحرق الامعاء ويسبب حرارة في فتحة الشرج اذا كثر روحي المستوصف حق الطبيبة خل تعطيج شي
قعدي بمغاطس ماي وملح وخلي اكلج هالفتره بدون فلفل ولا بهارات واكلي روب لانه يبطن الامعاء
يمكن بواسير ويمكن شرح بفتحة الشرج
ماتشوفين شر
يمكن عندج تقرحات بالاثنى عشر لان اختى مثلج
وان شاء الله مافيج الا العافيه بس انتى روحى للطبيب وماتشوفين شر
يمكن حاشج شطب
انا اقولج اذا مرة عادي بس اذا استمر روحي طبيب
روحي الطبيب لا تسكتين على روووووووحج
هلا بنات مشكورين عالردود
بنات والله من صار جذي وانا قطعت عن الفلفل
بس للحين ينزل دم.gif "Eh S(11)")
بس بنطر شوي اذا لاسمح الله زاد أمري لله بروح المستوصف بشوف الدكتوره شتقول
وااااااي من أشوف الدم الدنيا تفتر فيني الله يستر
حبيبتى اكلى روب واااااايد
رأيي من راي البنات
كثري روب وماي وابتعدي عن الفلفل خلال هالفتره
وانشالله ما تشوفين شر
انشاء الله بقعد آكل روب لين يطلع من خشمي علشان أتأدب وما آكل شي حار
يارب يوقف الدم صج نفسيتي صارت صفر عالشمال
الطبيب احسن شي عشان تعرفين شفيج بالضبط وبالتالي تدورين العلاج الصح
هذا من اعراض البواسير لما ينزل دم من فتحة الشرج خففي اكل البهارات والاكل الحار واشربي مية كثر ماتقدرين
روحي الطبيب لان في اكثر من سبب
ماتشوفين شر