خروج السائل المنوي والحمل

السلام عليكم

بغيت خبرتكم في كم تساؤل عندي
انا صار لي 6 شهور متزوجة وللحين ما صار حمل
ولو جينا للواقع مو كل شهر يصادف يوم التبويض يصير فيه شي
خاصة في بداية الفترة الدورة تلخبطت عندي

بس امس بعد ….. لأول مرة ينتبه زوجي انه يطلع معظم السائل المنوي مني – سوري على الجرأة بس ابيكم تفهمون السالفة بالضبط –
المهم انا كل مرة يصير كذا ومعظم الاحيان يصير كذا ما عدا اذا صار يومين ورا بعض ما يصير كذا .. يعني اليوم الاول يطلع والثاني على طول ما يطلع ولو طلع شوية مرة ,, وانا من الي فاهمته انه طبيعي يقل مع الايام اذا ورا بعض
بس معظم الاحيان يكون اللقاء يوم ورا يوم فيطلع معظمه
المهم مو هذي سالفتنا
يقول لي كيف بنجيب اولاد اذا كان معظمه يطلع وما استفيد منه ؟؟
يعني صحيح اذا طلع معظمه تقل فرص الحمل ؟؟
وقريت قبل كذا انو المفروض انام على ظهري ساعتين على الاقل عشان يمدي السائل يدخل لداخل مرررة بس زوجي ما يخليني انام وانا مجنبة على طول يصر علي اقوم اغتسل بعده يعني ما يمديني اقعد حتى نص ساعة ولما قلت له هالكلام امس يقول هذا ما له دخل لأنه الاسلام ما خلى هالشي مكروه اذا كان فيه مضرة للمسلم ,, يعني هالشي في مصلحتي !
ولا ادري الحين وش اسوي
وانا الصراحة صار لي فترة نسيت الموضوع بس اليوم شفت وحدة اليوم استأجرت فستان عرسي وحامل صار لها 3 شهور وتأزمت مررررة لأنه نفسي في بيبي مررررة
وبنات واجد تزوجو بعدي وحملو وادعي ربي انه يرزقني زي ما رزقهم
بس بعد الواحد لازم ياخذ بالاسباب

يعني من الاخير ابي اعرف وش الطريقة الي تخلي السائل ما يطلع ؟؟ فيه وضعية معينة ؟؟ – 90% من المرات وقت القذف نكون بالوضعية التقليدية انا تحت وهو فوق –
وهل صحيح لما يطلع تقل فرص الحمل ؟؟ او الغسل على طول يأثر على هالشي ؟؟
ونصايحكم للحمل السريع

دعواتكم

المفروض اتنامين على ظهرج وترفعين ريلج فوق على الاقل عشر دقايق ؟

وساعات يمون القذف مال الريال قوي يوصل داخل مايطلع انا اتسغربت ليش يطلع ؟

حياتي ماله دخل يطلع كل السائل ولا بعضه في كل الحالات يصير حمل لان مدام حصل قذف داخل يحصل حمل ولا تظنين ان فيه وحده يقعد كل السائل فيها مستحيل لازم ينزل السائل لو تنامين فيه 6ساعات لازم ينزل ولاتحاتين انشاالله لاحقه على الحمل انا عني قعدت ست شهور وحملت من غير اي سبب والحمد لله الحين عندي اثنين بس سالفة انج تغسلين بسرعه فاعتقد انه يمكن يكون سبب انج تاخرتي بالحمل وانشاالله خير بيرزقج ربج بالضنا الي يترس لج حياتج

حبيبتي خروج السائل مو اهو السبب لان اصلا مستحيل يتم كله داخل لازم في جزء يطلع

ومرات يصير حمل واصلا القذف ما يكون داخلي

بس حاولي ان ما تغتسلين بسرعه نطري شوي على الاقل ساعه ورفعي ريلج

وان شاء الله الله يكتبلج الحمل

يعني تتوقعي عشر دقايق وقت كافي ؟؟
لأنه عشر دقايق تكفي اني اريح شوي واماطل واخليه يقوم قبل

وعلى سالفة القذف – اسمحو لي شوية بس –
الصراحة زوجي قذفه مرررة قوي لأنو كم مرة وقت الدورة مادري شنو واشوفه كيف قوي يعني متأكدة انه يمديه يدخل داخل بس وش الي يطلعه بعدين ما ادري

الله يعطيج العافية طمنتيني شوي وان شاء الله اكون مثلك و6 شهور واحمل – يعني هالشهر يا رب –
وعلى اني اغسل بسرعة هذا اكثر شي مخوفني

وفيه شي ثاني بعد
اليوم رايحة مع عمتي المسجد ومصلين جماعة ووقت السجود ضاق صدري مررررة واحس مو قادرة اتنفس زي الي احد خانقني ومتجمع الدم في راسي ووجهي لدرجة انو عمتي اول ما خلصت صلاة انتبهت لوجهي كيف محمر
وقلت لها الي صار وقلت يمكن لأني لابسة ثوب ضيق ورجعت البيت بسرعة وبدلت لبست اوسع ما عندي ووقت صلاة العشا عند السجود صار لي نفس الشي بس اخف مع اني فتحت البرا والجينز
والحين عمتي كم مرة قالت لي لا يكون حامل وما قلتون لي !
بس استحيت اسألها وش الرابط بين هالشغلتين !!

ربي يعطيج على قد نيتج ويريحج زي ما ريحتيني وطمنتي بالي

الله يرزق الجميع
مولازم كل السائل يدخل لا تحاتين اذا طلع
بس سالفه القعده لازم تاخذين وقت لو ساعه
واذا انتي تحاتين واااجد روحي افحصي انتي وزوجج وتطمني
والله يكتب الي فيه الخير

والله على المحاتاة زوجي هو الي بدا يحاتي
خاصة انه ولد عمته قبل كم يوم عامل عملية لأنه عنده ضعف في الحيوانات المنوية وزوجي من درا وهو يحاتي ويفكر يفحص بس الصراحة ما شجعته قلت له بدري اصلا احنا ما مرة حاولنا بشكل جدي مخلين الامور على طبيعتها

حبيبتي لاتغتسلين علطول دقايق كافية وع فكره يصير تحملين لو بنقطه من السائل المنوي فماله شغل بس انتي خليج دقايق والله يرزقج انشاءالله وكل شي بيد رب العالمون

ربي يسمع منج
وان شاء الله ما يصير الا كل خير

شجعي زوجك وروحي انتي ويااه
بس احب اقووول شي اتمنى يكون سر بينج وبين زوجك
لاتعلمون احد انكم تراجعون.
والله يرزقنااا يارب الذريه الصالحه

ربي يرزقج بس انتي شيكي على نفسج انا ما حملت اول ماتزوجت سته اشهور وحملت بس انا من صار لي خمس شهور رحت الطبيب اشيك عشان اتطمن ولا احاتي لانه النفسيه لها دور كبير وقالت لي انه هرمون الحليب شوي مرتفع وعطتني اربع حبات كل اسبوع اكل نص حبه يوم السبت والنص الثاني الاثنين وبعدها ما شفت دوره على طول حملت

جيكي الخاص

حبيبتي انا يصير معي يطلع السائل
بس قالت الدكتوره عندك مايلا في الرحم
قالت لي بعد الاجماع نامي ع بطنك لمدة ساعة
الله يرزقك بالذريه الصالحة ويرزقني معك وجميع المسلمات
في هذاالشهر اللهم أمـــــــــــيــــــــــن

عسى الله يرزقك بالذرية الصالحية و يرزقنا وياج.. حبيبتي كثري من الدعاء ةالإستغفار ..