|
|
هاي بنات شلونكم
موضوع وايد محيرني ولدي الله يحفظه عمره سنه
واذا قررنا نسافر شرايكم اخذه معانا ولا لا..؟؟
يعني راح يأذي
المشكله موقادره اخليه قلبي ما يطاوعني ساعدوووني
قطيهم على اهلج ولاتحاتين
|
المشاركة الأصلية كتبت بواسطة فلفل اسود
 انا ما افكر اخذ اعيالي انا رايحه استانس ولا رايحه احتاي واغسل ملابس واغير حفاظته
قطيهم على اهلج ولاتحاتين |
أنا معاها بس ادا اكثر من اثنين لا تخلينهم عند اهلج الاهالي ماعاد يتحملون في هاازمن
صج قلبج بيعورج عليه وتحاتينه بس اذا اخذتيه لوول راح تكرهين السفر
خصوصا هالعمر لانه بسم الله بيحوس ومايبي احد يشيله يبي يفرض نفسه
فالاحسن انج تتركينه عند امج او خالته او اي احد انتي مآمنه عليه
هذا اختي ماشاء الله سافرت اسبوعين وولدها الله يحفظه بأيدي امينه
ومستانس وكله يلعب .. "
انا مااقدر اتركهم ومآجله سالفه السفر لين تكبر بنوتي
يعني حسب نفسيتج بالسفر 
بس لاطولتي بالطيارة وبدوا يملون الله يكون بعونج
انتي رايحة وناسة مو تعب
لكن مع هاذا خذيته وطلع الامور حدها سهالات خذيناه دبي وكان عمره حزتها 4 شهور وهم بسفرتي
الصيفيه لالمانيا خذته وكان عمره 9 شهور وحزتها توه مكتشف الحباي فعادي يعني كنت اخليه يحبي بالغرفه وانتبه عليه
واجهزه للطلعه قبلنا بشوي وجنطه الطلعه مالته اجيك عليها قبل كل طلعه تبديل البامبرز كلش سهل خو كل مكان
يكون فيه حمام تقدرين تبدلين لودج سفرتج معا الياهل تعتمد عليج انتي بالدرجه الاولى ونصيحه اخذي له هدوم
كافيه تغنيج عن الغسيل او حتا لو حبيتي تقدرين تودينهم الاندري بالفندق مالج
بعيدة ولا قريبة .. والسفرة بوجم يوم ولابتطوولين
بس بشكل عام ماأؤيد الوحدة تاخذ طفل بهالعمر معاها لأنه بتلووووع جبدج
انا جربت بنتي مرتين وديتها معاي حق دبي
مرة مع الشغالة .. ومرة بدون الشغالة
صج أذية ومااستانست وايد … لأن بس تحن متغير عليها المكان وبس تبي تنفلت اذا طلعنا ماتقعد بالمطعم
واااي ذكرتيني 
انا اخر مرة خذيت عيالى معاى لندن اصغرهم كان عمرة 4سنوات صج وونااسة بس مااكو حريه دايما مقيدة بعيالى يعنى فررررق لما تسافرين مع زوجج برووحج بتحسين بحريه اكثر وبتعيشين الرومانسيه جنها ايام شهر العسل
امبيه اشسوى كان وايد صغير عمره شهرين كل الطياره تحلطمو على
بس من قبل شهرين وديته دبي وعمره كان 9شهور حجزت درجه اولى
وخليته دايخ كلش مانام
واول ماركبنا الطياره نام ماقعد الا وصلنا
واهناك كله بالعربانه واذا دخلنا مطعم وكلته قبل لااييه طلبنا
واذا نام بالعربانه
وايد استانست وياه
وطبعا ماستانست كلششششش كنت رايحه مع امي واخواني وريلي وكل واحد بغرفه كل شوي مبطل الباب ومنحاش بيروح عندهم
.gif "Eh S(16)")
غير طبعا تغير النومه وتنحكرين بليل ماتقدرين تسهرين ولا شي عقبها هونت اخذه سافرت وماخذيته بس اشتقت له جدمت سفرتي ورديت عشانه .gif "Eh S(1)")
اذا بتسافرين اكثر من 10 ايام اخذيه لان بتشتاقين له بس اقل لا خليه اريح لج واونس