خايفه ومحتاره عمليات التجميل

هاي بنات ..

شلونكم شخباركم

بنات عفيه … انا اعاني من خشمي شويه كبير

وودي اسوي عملية تجميل

بس خايفه .. منو جربت وشنو كانت تجربتها .. وهل فيها تنويم بالمستشفىى ولا لا

وياليت لو تعرفون افضل دكتور هني ….

يعطيكم العافيه

والله ماعندي فكره يا اختي بس تاكدي من الدكتور قبل لا تسوين العمليه .

حبوبه اذا كنتي تعانين مشاكل صحيه روحي طبيب انف وحنجره واهوا راح يساعدج ان شاء الله
واذا كان مجرد تغيير شكل لا أكثر ولا أقل فنصيحه لا تعصين ربج وتغيرين من خلقته عشان عيون هالدنيا لانه ما يجوز

انا نصيحتى لج لاتغيرين خلقة الله وحاولي تبرزين عيونك بالمكياج راح يضيع الخشم محد يلاحظ وحطي عليه شدو بني من الصوبين في حلول وايد ولا تعصين ربج ..وترى عمليات التجميل مومضمونه وممكن يرجع الشكل القديم باي لحظه..

والله حبيبتي انا شايفه الحين العمليات منتشره خصوصا الخشم

البنات مايخافون عسى ما ضايقها شي بوجهها ركضه سوت عمليه مافي قناعه

والله وين ماتروحين العالم حاطه لزقات على خشمهم والا خدودهم والا حلجهم

فا عادي الدعوه بس اذا انتي متزوجه انصحج تكونين عند اهلج يعني نفاس او زوجج مسافر

موحلوه قاعده بلزقتج عنده

والله انا عاد يبيلي تجمييل بجسمي شفط ههههههههههههههه

جزاكم الله خير .. بس اذا لزوجي مو جنه حلال اسوي العمليه

عملية الحشم تعووووووووووووور ويكون تحت العيوووووووون كدماااااات بنفسجية
كانه احد معطيج بوكس والله شفتها على وحدة
الله لايبلانا ليش تسوون جذيه بتصرين حلوة وبعدين؟؟ بتاكلج الارض

لاتغيرين خلقة الله

انا سويته بمستشفى الراشد عند دكتور لبناني روجيه الخوري اهوا بس مونفس اللي انا ابيه وبسويه مره ثانيه هم ابي احد يقولي عن دكتور شاااطرررر

عن العمليه ماتعور ولاشي
انا اصلا من دخلت العمليه كنت خايفه بس كانو يسولفون معاي وماسكين ايدي وقالتلي مادري سستر مادري شنو اهيا اول ماتقومين لاتخافين ماراح تقدرين اتنفسين فتنفسي من حلجج قلت اوكي ونمت ولمن خلصو قعدوني ودوني الغرفه
هم رديت نمت يه الدكتور شافه قالي تقدرين تطلعين اذا تبين

بنفس اليوم طلعت دشيت الصبح طلعت العصر عوار خفيف حيل

انا مسويه خشمي لانه كان حييييييل عوي سواء من ناحية الشكل الخارجي وحتى من الحاجز الانفي عوي وسويته عند د.جمال الحربي وكل اللي اعرفهم وعندهم مشاكل بشكل خشومهم لما شافوني سويتها راحو سووو خشومهم عنده من كثر ما اهو عدلي خشمي وصار كلمة ايهبل شويه عليه لكن للاسف انه حاليا ماخذ اجازه مفتوحه وطلع من عيادته

انا ماعرف بهالسوالف بس كل اللي اعرفه ان حراااااام تغيرين بخلقة ربج عشان عبادة

و سالي مشايخة يكونون ثقة مو اي احد يعني اذا تقدرين توصلين حق المفتي العام للمملكه يكون احسن او عندج ناظم المسباح >> جنه اسمه جذي اذا ماني غلطانه

و صلي استخارة ترا هذي عملية و بنج لا تنسين هالشغله

تسلمون ……… الكل

والله والله نصيحه لاتسوينها

دكتور له سمعه بس بالمنتدى شي موطبيعي

لكن شقول شحجي؟؟؟

ثنتين من رفيجاتي امسوين عنده وحده طايحه على ويها وانكسر الخشم

والثانيه الله يهديها عبط لانه خشمها مافيه شي وايد متناسق مع ويهها

راحوو للدكتور اياه على حسب حجي اللي اتقول روووووعه

الله لا يواريكم تشويه بمعنى الكلمه

والله حراااااااااام وحرااااااااااااام على اللي ايسووون دعايه حق هالدكتور بالذات

واشوه ماقام ايسوي الحين

لانه مفكرين يرفعون عليه قضيه خاصة لمن ردوله ايعدل الاجرام اللي امسويه مارضا

معنه قايلهم وشارط على نفسه قبل العمليه ..اذا ما اعجبتهم النتيجه الثانيه ببلاش>>جنه يدري؟

صارو مطنزه بالجامعه للي يسوا واللي مايسوا.وحده معفوس مادري اشلون صاير والثانيه الله لايراويج

وهالحجي بذمتي والله شاهد وانا ناصحه لج

بنات القسم مو للفتاوي ياريت ترجعين حق مفتي اختي افضل اجراكم على اللة اجرئكم على الفتوى

وصج ترا في صج وايد اشوف مشوهين خشومهم وفتحة خشم غير عن الثانية تركدي اختي واخذي قرارج

لا هونتــ

اسويه بالمكياج افضل … ولا يصير بكره خشمي معاق الحمدلله يارب

تسلمونـ ..