خاااااااااايفة من الولادة

مرحبا

يابنات انا خااااااااااااااااايفة حدي من الولادة الطبيعية أول مرة بكرية ..

هل صحيح أن المرة تخرب بعد الولادة وتصير واسعة من تحت؟؟؟؟

ودي أولد قيصري شرايكم؟

حبيبتي الله يسهل عليج لكن الولاده الطبيعيه افضل من القيصريه للضروره اذا كان الجنين او الام بخطر يطرون يولدونج قيصريه بس تذكري اخياطها والجرح ما يبرى بسرعه وحتى الضحك والكحه محسوبين عليج والطبيعي اهون ومايبين انج مفتوحه وايد اذا تخيطتي عدل وما تحسين بفرق الا بعد الولاده الثانيه او الثالثه توكلي على الله وخلي كل شي بوقته حلوو لاتدخلين افكار براسج وتوسوسين

طبيعي الوحدة تخاف و خصوصا البجر
بس من اللي لاحظته من معرفتي للبنات ان الكل يخاف حتى اللي مجرب الولادة من قبل .. يعني عادي شعور طبيعي لا تخاتين

و الطبيعي طبعا احسن من اسمه طبيعي و اذا الوحدة اهتمت بنفسها بالنفاس ما تخرب و لا شي لا تحاتين

يحليلي من المنتدى و البنات صرت اتكلم جني خبره و والدة 5 مرات من قبل لوووووول

الولاده الطبيعيه احسن من القيصريه
واذا على قولتج انه الوحده تخترب وتتوسع .. الحين في عمليات تجميل ويردج بنت
وتعوذي من ابليس .. وسمي بالرحمن وان شاء الله ما عليج إلا العافيه

حبيبتي لا تخافين ولاشي والله معاج أن شاءالله ترى كل اللي كانو بجر يخافون وهاي عادي وطبيعي وكلهله ساعات وتنسين الألم وأما عن التوسع ماشاءالله الحين في عمليات تسويج بنت وأعشاب بعد تضيق النفس وأدويه مثل الباتدين.
وماانصحج بالقيصريه كلللللللللللللللللللللللللللللللللللللللش.

تقومين بالسلامه أن شاءالله

مربيه انا نفسج بالضبط بجر وخاايفه حدي من الولاده بي اتوقع الطبيعيه احس بوااايد من القيصريه انا اللي اعرفه من خالتي ام ريلي انه القيصريه يطلع بطن مادري كرش لووول اما الطبيعيه احسن لج والله معني مومجربه وامبيييين حدي خاايفه

اقولج شي انتي خاايفه من الولاده انا خايفه من الولاده من شي ثاني يضحك لووول والله

اخاف لمن بطني قاعد يكبر يمه لووول شلون البيبي داخل يتحرك احس شي يخرع وانا الحين بالخامس وبطني شويه كبير كل مايكبر اخاف يمه لا بعد البيبي مااحس فيه كلش لووول

الله يسهل عليج وعليو على الكل يارب ويقومنا بالسلامه مع بيبيااتنا يارب

لا حبيبتي ما توسعين ولا شي

الا اذا ما تنفستي عدل

وشربتي ماي وايد وبيبسي

انا ولدت طبيعي والحمدلله ماتغير شي

بس هالله هالله بادوية النفاس

راح تبجين من الملل اللي تقعدين فيه

والاكل مو متعوده عليه

بس تستفيدين بعد النفاس
احسن من تتحسفين وتقولين ليتني كليت وليتني سويت

حدي خايفه من الولاده
امس مادري شفيني قمت ابجي احس اني تصرقعت
لاني من الابره اخاف منها فشلون الولاده
الله يساعدني

الطبيعي والله افضل انا مجربه القيصري تعب

الله يسهل عليج ياارب
لا تخافين ولا شي اقري سوره يس وسوره مريم وان شالله سهالات

لو البنات يخربون جان ما حملوا مره ثانيه

مشكوووووووووووووووووووورين ياحبايبي

والله يقومنا كلنا بالسلامة.