حلوه من هالزوجه الذكيه

شخباركم بنات

انا قريت قصه حلوووووه وطيران

عليكم اتحفكم فيها

وهذي استكانة شاي عشان القعده تحلا

ابدا بالسالفه عشااااااان ماتنامون

يقولون فيه وحده متزوجه واحد ماعنده رومانسيه وكلام حلو يسليها ويونسها بدنيتها اللي كلها متاعب

الزوجه صابره خنت حيلي بعد شتسوي
صار يوم من الايام وريلها طالع الدوام جان تعطيه شريط وتقوله عفيه حبيبي سمعه وانته رايح طريجك والله يحفظك

فتح الريال الشريط وانتظر وانتظر ماكو شي

قدمه رجعه هم ماكو فايده الشريط مايتحجى

شنو هذا طلع الشريط ورده مره ثانيه نفس الشي

دق على مرته قال لها شنو معطيتني شريط خربان وصلت الدوام وماسمعت شي

جان تقول له لا حبيبي انطر شويه وراح تسمعه

طلع من الدوام وفتحه مره ثانيه هم ماكو

رجع البيت وحذف الشريط قال يبه شنو هالشريط اللي بط جبدي جابلته كل الطريق وماسمعت ولا كلمه

هنيه قالت الزوجه الحكيمه

ماصبرت عليه نص الساعه

وانا صابره عليك عشر سنين انطر منك كلمه حلوه

فكر الريال وعرف ان الله حق وان زوجته ماتنلام واكيد عدل اسلوبه معها

وان شاء الله يازت لكم يااغلى خوات

هههه
مسكينه فيها قحط كلام حب
زين سوت فيه ؛)

اعجبتني الفكرة بس صعب اطبقينها مع رجاجيل هالوقت
موفقة حبيبتي …….. يعطيج العافية

حلوه

ذكية بس الصمت وقلة الكلام ترا عادة عند البعض

ام الشوامس حي الله مرورج

ام شيوخه امبلا حلوه الحركه نفعت ويااها

الكتكوته وزينه مروركم اسعدني

رياييييل هالوووقت موكفوو حكممم ما يستوعبوون

يسلموووووووو

ماشاءالله عليها

حلو انه الانسان يكون سريع البديهه وبسرعه يتصرف

وما يستعجل على شي .. اشكرج على الفكره الحلوه

هذا زين حطه وسمعه

رجال هالوقت يقولك ايه سمعت وعجبني وهو لا حطه ولا درى عن هوى داره

ما اقول غير حسبي الله ونعم الوكيل

نايس عفية عليها

هذا طبع الريال ما يقول كلام حلو بس يعبر عن حبه بالافعال اغلبهم جذي
و حركتها حلوه ما عاتبته و اجرحته عفيه عليها

لوووووووووووووول اهي شغله حلوه بس ما صدق هل سوالف احس تأليف