حكم اللي ياخذون معاش دعم العماله واهم في بيوتهم

انا اشوف هالظاهره انتشرت

كلمن قاعد في بيته ويشتغل على معاش دعم العماله

ابي توضيح حلال ولا حرام

وحده من اهلي تقول الشيخ الطبطبائي افتى في برنامجه ان يجوز في حال على الاقل تبدي رايها في الشغل !!

وامي دقت على الشيخ عيسى زكي اللي يطلع في اذاعة القرآن قال ان حرام لان يعتبر خداع للناس ودعم العماله ينزل دعما للقطاع الخاص

حرااااااااااااااااام

انا مره رايحه للهيكله ولا حاطين فتوى كبيره انها مايجوز وحرام والفتوى صادره من لجنة الافتاء بالسعوديه

انا الي سمعته حراااام

.

السؤال:

السلام عليكم ورحمة الله تعالى وبركاته
اختي ترغب بالتسجيل بأحدى الشركات لتأخذ علاوة دعم العمالة الكويتية دون أن تشتغل فعليا بتلك الشركة.

الجواب:

بسم الله الرحمن الرحيم
الحمد لله رب العالمين، وأفضل الصلاة وأتم التسليم، على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا يجوز ذلك، لمخالفته لقوانين الدولة، ولأنه أخذ مال من الدولة بغير حق.
والله تعالى أعلم.

المصدر :البوابه الاسلاميه – الموقع الرسمي لوزارة الأوقاف والشئون الإسلامية – دولة الكويت

وحدة من صديقاتي تاخذ من دعم العمالة بس ما تداوم وهي بشركة ابوها بس عشان عن الحلال والحرام قاعدة تساعد ابوها بشغلة يعني تعد معاه الاوراق وتسوي كشوفاتها كانها تشتغل عندة يعني بس مرة بالشهر تسوي جذي؟؟؟ هل يجوووووووز او لاااااا

يزاج الله خير اختي
ما قصرتي

الحين ناخذ فتوى السعودية ولا الكويت اعتقد لكل بلد لة عالم علماء الكويت فيهم الخير والبركة ليش كلما جاء شي قلتو علماء السعودية قالو ليش ماعندنا علماء الحمد الله اتمنى من بنات الكويت ياخذون بعلماء اهل الكويت فقط

ياليت يحطون عقوبه لهم سجن 3شهور ويرجعون كل فلس خذوه لان تعدي على اموال الدوله
وأولهم ناس قريبين مني حيل أقولهم حرام يقولون وهم مو حرام عليهم مايمشون لنا معاشات
الله يهديهم ان شاء الله
اختي سرى اليل احنا لما نقول علماء سعوديه
افضل ليش؟ لانهم أكثر علم وكفاءه من علماء الكويت
وعلماء الكويت جزاهم الله خير يجتهدون بس الاكيد والصح علماءالسعوديه

الافضل تركها لانها فيها شبهة

ماعندي فكره

رفيجتي طالبه بالجامعه اقطعت اعانتها وسجلت بشركه واحد يصيرلها وينزلها دعم عماله بس 300 ديناروشي .. لان ظروفهم شوي صعبه ..

هل هذا يعتبر حرام بعد ..؟ ومدير الشركه راضي يعني …؟؟

وشلون يصير حلال..؟؟ لازم تشتغل بالشركه عدل …؟؟

انا سمعت الطبطبائي قال اذا صاحب العمل يدري يجوز لان كانت وحده داقه وتسال قالت زوجي يبي يوظفني بشركته بدون دوام قالها بعلمه واهو صاحب العمل وراضي يجووووز

كلامج كله 100%

من يتق الله يجعل له مخرجا …..

يعني اذا صاحب الشركه يدري حلال ..؟؟ هم انا سمعت ان الطبطبائي قال جذي

الحمدالله ..