|
|
*ملاحظه من مشرفة القسم *:
السلام عليكم
هذا ان شاء الله راح يكون موضوع شامل عن استفسارات الحضانات
الي عندها اي استفسار وحابه تسال العضوات ويفيدونها بهالموضوع
باذن الله بتلقاه
وياريت الكل الي حاب يسال يحط اسفساره اهني من غير مايفتح موضوع يديد
عشان يكون لنه الموضوع مرجع للجميع
مع تحياتي لكم
وشكرا : (( مشرفة القسم زاجل ))
:
:
:
السلاااام عليكم بنات سمعت عن حضانة جمعية احياء التراث , يقولون وااايد زينه اذا ممكن ابي معلومات عنها ما عليكم امر ؟؟
اليوم حبيت أكتب لكم عن الحضانة إلي إنشاء الله بنتي بداوم فيها على شهر 9
إهي حضانة بريطانية اسمها TWINKLE STAR في منطقة العقيلة
لها موقع وهو :
Twinkle Star English Nursery | A Loving Place To Grow
الصراحه أنا ماعرف وايد بالنت 
واجتهت بروحي وحطيت لكم اسم الموقع مالهم علشان تدخلون عليه وتشوفون صور الحضانه والأطفال إلي فيها .
الحضانة إلي أنا أبيها لها مواصفات خاصة ولقيت هالمواصفات بهالحضانة ، ومن هذي المواصفات:
1-الحضانه مفتوحه على بعض ،يعني إذا دخلت أشوف كل شيء ماأحتاج لإذن من أحد .gif "Eh S(6)")
2-المدرساة كلهم من بريطانيا والخادمات من الفلبين وهذا إلي أبي علشان اللغة 
3-الحضانه مو بس لعب ووناسه بعد في تعليم
4-الصف بس في 10 أطفال
5-مكانهم قمة النظافة ومكان تبديل البامبرز أنظف
وأنا أبي أركز على اللغة لسبب وهو إني أبي بنتي تتأسس صح بالإنجليزي علشان راح أدخلها في باجي المراحل مدارس حكومية باستثناء الروضه الصراحه عيالنا ضايعين بالإنجليزي
وأخيرا أتمنى تدخلون على موقعهم وتقولولي رايكم بالحضانه و هل اخترت الإختيار الصحيح وإلا لأ
وبالنسبه للأسباب الرئيسية لفكرة دخول بنتي للحضانة وهي الخدم أنا مدرسة ويبدأ دوامنا مثل ماهو معروف شهر9 فأنا لاغيه تماما إن بنتي تكون بروحها بالبيت مع الخدامه وماأدري شصير
وهذي طبعا يبيلها موضوع ثاني
وأتمنى إنكم تردون علي بموضوع الحضانه وتعطوني رايكم.
انا من سكان الاحمدي وصعب علي ادخل ولدي حضانه بالشاميه ولا بالعديله ولا بمشرف
بشوف هالحضانه وبالنسبه لاسعارها عندج فكره عنها؟
وانا سامعه عن حضانه بالمنقف ههم بريطانيه ومنهجها حلو دراسه وفي لعب عشان الياهل مايمل
والمدرسات من بريطانيا
ياريت اذا عندج فكره تفيديني
لحضانه اهي (برتش بلاي هاوس) بالمنقف
النظام بريطاني و المدرسات كلهم انجليز و المكان يشرح النفس
سعرهم 90 دينار بالشهر (تدفعين مقدم شهرين) وياخذون من عمر سنه و نص او اذا كان الطفل يمشي
حاولي تتصلين فيهم امبجر عشان تحجزين مكان (عندهم قائمه انتظار)
لان كل صف له عدد معين ما ياخذون اكثر
اتصلي عليهم
94411783
|
المشاركة الأصلية كتبت بواسطة om_soudy_q8
 اول شي يعطيج الف عافيه عالموضوع صارلي جم يوم ادور موضوع عن حضانات بالمنطقه العاشره
انا من سكان الاحمدي وصعب علي ادخل ولدي حضانه بالشاميه ولا بالعديله ولا بمشرف بشوف هالحضانه وبالنسبه لاسعارها عندج فكره عنها؟ وانا سامعه عن حضانه بالمنقف ههم بريطانيه ومنهجها حلو دراسه وفي لعب عشان الياهل مايمل والمدرسات من بريطانيا ياريت اذا عندج فكره تفيديني |
أول شيء حبيبتي مشكوره على التجاوب مع الموضوع 
ثاني شيء آسفه على التأخير بالرد عليج
وأخيرا بالنسبة للحضانه فهي تبع المدرسة البريطانية بالكويت الuk فيها بعد روضة بالدور الثاني و الدور الأرضي مع الحديقة كله للحضانه … ، وبالنسبة للسعر فالكورس ب 500 ولازم تحجزين مكان للطفل بمبلغ 100 دينار لإن مثل ماقلت الكراسي محدوده ومايقبلون أكثر من 10 طلبة بالصف مو مثل باجي الحضانات من 15 طالب وفوق .
|
المشاركة الأصلية كتبت بواسطة shaiouma
——————————————————————————–
لحضانه اهي (برتش بلاي هاوس) بالمنقف النظام بريطاني و المدرسات كلهم انجليز و المكان يشرح النفس سعرهم 90 دينار بالشهر (تدفعين مقدم شهرين) وياخذون من عمر سنه و نص او اذا كان الطفل يمشي حاولي تتصلين فيهم امبجر عشان تحجزين مكان (عندهم قائمه انتظار) لان كل صف له عدد معين ما ياخذون اكثر اتصلي عليهم |
الصراحه يعطيج العافية على التجاوب اعجبتني الحضانه بس للأسف الحضانه إلي بالمنقف بعيده عن بيتي أنا في مبارك الكبير والعقيلة أقربلي
ثاني شي جنة اذكر لما سألتهم عن العطلات والا وقتهم غير عن وقتنا مدارس الحكومة انا بعد مدرسة عرفتي …ففكري وين تحطين بنتج وقت دوامج واجازتها بالحضانة
سأليهم يمكن تغير هالشي
واذكر ان حارس الحضانة فلبيني وانا مارتحت لهالشي ناس كلهم مو مسلمين
احسنلج حضانة ثنائية اللغة اذا حصلتي
والله يوفقج
انا ماقولج دخليها مدارس خاصة لكن قصدي لاتحطين فكرة الانجليزي انها كل شي المهم تكون صداقات وتلعب وتتعلم بدل ماتقعد مع الخدامة
|
المشاركة الأصلية كتبت بواسطة ورد وردي
انا اذكر رحت شفت الحضانة بس لما رحت كانت يديدة سألت جم طالب عندكم قالوا 2 ؟؟؟؟؟ استغربت بلله غابوا ولدي يقعد بروحة
ثاني شي جنة اذكر لما سألتهم عن العطلات والا وقتهم غير عن وقتنا مدارس الحكومة انا بعد مدرسة عرفتي …ففكري وين تحطين بنتج وقت دوامج واجازتها بالحضانة سأليهم يمكن تغير هالشي واذكر ان حارس الحضانة فلبيني وانا مارتحت لهالشي ناس كلهم مو مسلمين احسنلج حضانة ثنائية اللغة اذا حصلتي والله يوفقج |
يعطيج العافية على النصايح الحلوى يس بالنسبة للطلبة أنا يوم رحت شفت أكثر من أثنين هذا بالنسبة للنادي الصيفي عندهم أما بالنسبة للكورس الأول فإلي امسجلين بصف بنتي 8 طلاب وبنتي التاسعه
يمكن إنتي خبرج فيها من زمان
وبالنسبه للغه فالعربي و الإسلامية وباجي المواد مقدور عليهم الطامه الكبرى الإنجليزي إلي أغلب اعيالنا متوهقين في فأنا أفول من شب على شيء شاب عليه وما أبيها بنفس الوقت تدخل الإبتدائي وكون الإنجليزي شيء غريب عليها وتتقبله بصعوبه على الأقل تاخذ فكره
أما عن العطل فمو وايد فرق والحلو في دوامهم 1-9 إن أنا مو مداومه علشان أقدر آخذها أول اسبوع مبجر على ما تتأقلم على الحضانه وأسأل الله التوفيق
وأرد وأقول مشكوره على مشاركتج
انا بس حبيت اذكرج بشغلات يمكن تفيدج وصح قتلج انا خبري فيها من زمان
والله يوفق بنتج وكل عيالنا يارب
انشالله السنه اليايه ولدي بيدخل الروضه وابي ادخله مدرسه خاصه اي مدرسه تنصحوني وبجم الكورس واذا بدخل اخوانه يسوون عروض حق الاخوان والا لا؟ويعطيكم العافيه
بس الروضه ادخلهم خاصه والمدرسه حكومه