|
|
بسم الله الرحمن الرحيم
اللهم صل على محمد وآل محمد
فتحت الجزء الثاني للموضوع والهدف منه نسوي بداية يديدة مع السنة الدراسية اليديدة، وأشوف
إن الجزء الأول الي سويته بشهر (4) خذا حقه زيادة، وأرسلت رسالة حق المشرفة ضحاوي
علشان تسكره، ونكمل في هذا الحزب اليديد..
كل من تبي تشوف شنو قلنا في الجزء الاول من الموضوع تقدر تزوره على هاللنك:
https://www.q8yat.net/showthread.php?t=608588
____________________
كوني متألقة..
كوني واثقة… .gif "Eh S(18)")
أنتي الأفضل بالتأكيد .gif "Eh S(7)")
بهذي الشعارات الثلاث افتتح الحزب اللي اتمنى يكون حزب مثمر وفيه نشاط، وأوعدكم إني بكون نشيطة لأن التدريس ما يخلو من اليوميات والسوالف والفضفضات
بس ها، همتكم وياي بنات، نبي نتساعد ونتشارك مع بعض، وإذا في وحدة متضايقة تتكلم علشان نخفف عليها ونرتاح ونوسع سدورنا شوي
الموضوع موضوعكم والمكان مكانكم…
:::شروط الحزب:::
1- جميع المعلمات مدعوات للمشاركة سواء الي صارلها سنة أو 10 سنوات أو 5 شهور أو شهر واحد
2- يسمح بكل من تريد أن تصبح معلمة تشارك ويانا حتى تستفيد
3- يمنع مشاركة الطالبات سواء في المرحلة المتوسطة والثانوية لأنه خاص بالمعلمات فقط
وألحين نبدا مع بعض ونقص الشريط الاحمر واعلن عن الافتتاح
كل عام وانتوا بخير معلمات
= [ وابتدينا العــــــــــــــــام الدراسي 2024 – 2024 ]=
على بركة الله
انا معلمة جديده بعد ما باشرت العمل للحين امس كان اول يوم بدورة المعلمين الجدد
الدورة مالها داااااااااعي
يعني كان يتكلم فيها مدير المنطقه بس الكلام اعتقد كان موجهه للمعلمات الوافدات مو الكويتيات وخاصة التربويات
عالعموم حضور الدورة اجباري
بس ياجماعه مادري صكتني غلقه من دشيت المدرسة اللي فيها الدورة وااااااااي غير عن الجامعة عزااااه يا ذيك الايام
راح أبدا وأقولكم شصار وياي اليوم كأول يوم دوام
طبعا قعدت الصبح مبجر، ورحت المدرسة شوي أبجر، ولما وصلت ما كان فيه ولا مدرسة. الوكيلة كانت مداومة وشافتني وسلمت عليه وباركتلها باليوم اليديد
ورحت عند كشف الحضور وتفاجأت اني أول وحده هههههه ماشالله شنو هالنشاط علي. بعدها رحت قسمنا ولقيته مقفول، الله وكيلكم بنات تنقعت يم باب قسمنا والجو حار، واستحي اروح اقعد عند الوكيلة ماعندي سوالف اسولفها من الصبح
بعدها ب 10 دقايق وصلت وحدة من المدرسات وكان وياها مفتاح الغرفة وفتحتها واشوه منظفينها بس حر حر موووت والسبب ان عندنا 3 وحدات اثنين ما يشتغلون طبخنا عدل داخل القسم 
وكنت ميته عطش وماي المدرسة مو شي وصخ من كثر ما كنت عطشانه بعد ما طلعت من المدرسه رحت الفرع وخذيت 3 بطول ماي ههههههه
_____
باجر راح تبدا عندنا امتحانات الدور الثاني، بنات ما عطوكم خبر؟ احنا المدرسة الأولى قالتلنا ان فيه امتحانات الدور الثاني بتبدا…………… بعد مرور ساعات رحت عند المدرسة الاولى وقلتلها متى راح يتم توزيع الصفوف، لان تدرون انا يديده بالتدريس واستلمت الشغل من الكورس الثاني وماعرف شنو الطبخه
المهم قالتلي عندج صفين 8 أو 6 شنو تبين؟ قلتلها أبي سادس لان اقدر اضبطهم وقالت لي بس السادس راح يكون نصابج 18 حصة في الاسبوع وااااااااااااي بس هم ابيهم ميخالف ماعندي مانع يعني بيعطوني 3 صفوف
في مدرسة من عندنا انتقلت وراح تيي مدرسة ثانية بدالها ولحد الحين ما ندري متى بالضبط تيي، واااي بعد ما يحتاي اقولكم طاولتي مدمره من الغبار مع انهم منظفيها بس مو عدل، المدرسات عطسوا وايد ههههههه
_______
اليوم كان ضايع وحسيت النهار مو طويل ولا قصير، واغلب اليوم سلامات وتهاني من المدرسات والادارة مليت وانا اسلم وابوس في المدرسات ههههه بس تدرون بنات محتره ان في مدرسات مو مداومين احس ساحبين الثلاثا والاربعا والخميس
وصل دوركم….
حياج حبيبتي
الله يعطيج العافيه يا قلبي
انا مدرسه ابتديت التدريس من الكورس الثاني 2024
بس كلش ما قالولي عن الدوره، حتى اليوم لما دوامت ادارتي ما قالولي شي
وتبين الصج فككككككككه واااي منو له خلق دورات
ومن كلام البنات حسيت ان الدورة هذرة وحجي ممل مثل دورة المستجدين حق
الجامعة لا تسمن ولا تغني من جوع
انزين العتيبي باي مدرسة انتي ومنال باي مدرسة انتي
ريماس: انا بأحد مدارس العاصمة بس ما أقدر أقول وادرس متوسطه
الله يعين باجر ان شاءء الله اخلص اوراقي ادعولي انحط بمدرسة صغيره وزينه
واهم شي خلج واثقة عادية ولا ترتبكين ترا مافي شي يخوف وعادي جدا الوضع
منو قال انه الدورة عليها 250؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واااي تصدقون عاد لو صج فيها 250 بروح من باجر بس استحي اقول حق الادارة اذا فيها مكا فأة او لا لأ
واااي مو نايمه لحد الحين، صليت الفير وحاولت انا بس كلش ما غمضت اتقلب وايد
يارب يكون يومكم حلو
مادري شفيني متضايقه أحس ومقموته واحس اني ابي استقيل
واااااااي امبي اشكبرها ها؟ هههه انا كله جذي في بداية اعمل وبعد الاجازة كله اقول جذي
حتى لما كنت بالجامعة ويبتدي الكورس اليديد بعد العطلة اقول بطلع من الجامعه وبعدين من الوقت لما اتعود على الروتين اصير عادية
بس الحين حدي متحطمه مادري شسوي كله احس خايفه
الله يشيل علي
بانتظار يومياتكم ابلات، اليوم راح تبدى امتحانات الدور الثاني ومادري شلون بيكون نظامها
ورفع لعيونكم
انا تعيين جديد ومارحت امس للدورة واليوم مراجعتي بالمنطقه وماني عارفه اي وقت تبتدي من الساعه جم لي جم؟؟
بس احاول لاخلصت مبجر اروح..
بس يقولون كله قاعدين والكراااسي تعور الظهر عااااد الله يعيني انا حااااااااامل…
بس ابروح سواء عليها والا لا