حبوب رفع الدورة

يعطييييييكم العافيه بنااااات

مبارك عليكم الشهر وكل عام وتصومونه انشالله

ابي نصيحتكم انا بنت توني ماتزوجت… مغص قووووووووووي يوم الدوره اتييني لازم اروح الطبيب وادرب وابره وكل دوره هذي حالتي وغيييييير الترجيع ولوعه الي احسها وانتو بكرامه

ملييت ولا اتقولن الاعشاب لان بيومها ما حط اي شي بحلجي كله ارجعه وصاارت فيني نفسيه كل ما يقرب وقتها اخاف .. ورحت امراض نساء قالو طبيعي ما في شيي

وحتى الابره راح مفعولها من كثر ما اخذها والله اتلوى حيييل واصير ليمونه

ومشكوورين

امبيه ما تشوفين شر
انا اقول خدعي عقلج
لا تفكرين فيها او تحاتين
دام رحتي الطبيب و قال عادي يعني النفسيه تلعب دور
عطني لنسج رسائل ايجابيه و تصبيريه

في حبوب لونهم احمر يرخون العضلات مفيده
حاولي تشربين دارسين و دوافي
وخري عن الحامض

دارسن ومسمار روعه اشربيه كوبين . والحبوب الحمر يهبلون وكذلك بونستان يهبلون والله يشفيج يارب.

وعووووووووووه الحاااااااااااال من بعضه خيتووو ,,

انا الكل يدري اذا جاتني <<فضيييحه

اول ماتقومين شربي حليب مع فلفل و رزنه ترى متاهت طعم لا تقولين وكثري دارسين واذا حسيتي بعوار ماتحملين اكلي حبة بندول او اي مسكن غيره ,,

وترى انا ساله دكتورة بنفسي تقول ماتأثر والله اعلم ,,

وااي الله يعينج نفسييييييي

بس انا متزوجه لما تييلي تنعفس نفسيتي واحس اني بمووت من الالم اصير ربياانه
واخر مره طحت غشيانه على ريلي

بس انا ما اروح اخذ ابره!!!

الله يستر بتييني اول رمضااااان
الله يعينااا

شلونكم شخباركم بنات

بنات قبل رمضان باسبوع حسيت بتيني الدوره فرحت الصيدلية وشريت علبتين حبوب رفع دورة تكفي شهر رمضان كله عشان مابي افطر والحين صارلي اسبوع اخذها

بنات لها اضرار شي ؟؟ انا سمعت ان بس تقطعينها جم يوم وراح تنزل مع ألم قتااااال .. ماهتميت قلت ميخالف اتحمل بس مابي افطر وطوفني ليالي القدر

بس رفيجاتي قاعدين يقولون موزين وقطعيهم وامي تقول العكس قالت موزينين بس مدامج بلشتي فيهم استمري شهر لان اذا قطعتيهم الحين صج راح تتلخبط الهرمونات

طبعا انا مو عارفه ولا شي ومادري شسوي ومنو اصدق

المهم سؤالي اهيا صج لها اضرار؟؟؟؟ واستمر عليها ولا اقطعها قبل لا تتلخبط هرموناتي اكثر

علما اني مو متزوجه والله يخليكم الي عندها فكره عالموضووع تساعدني ولها الاجر ان شاء الله

up up up

هلا حبوبه
انا اكلهم ولمن اقطعهم يومين وتنزل الدوره والالم عادي مو قتال على قولتج
وانا ماتخربط عندي شي كلش قامت تنزل كل شهر عادي بس اتوقع جسم عن جسم يختلف

شقرديه فيج الخير والله .. قاعده انطر رد من اول ماكتبت الموضوع .. مشكوره عالرد طمنتيني

شوفي حبيبتي سمعي كلام امج ولا تقطعينهم لانج بلشتي فيهم لان اذا قطعتيهم راح تتلخبط الهرمونات اكثر بس ما انصحج تاخذينهم مره ثانيه

شوفي حبيبتي انا كنت اخذهم

وبس اقطعهم اتييني الدورة عادي

اهي ماتلخبط الدوره عادي بس اتعب النفسيه قطيعه انا من اكلهم اكره البيت كله انا خذيتهم 3 مرات بحياتي مره بالحج و مرتين حق العمره بس لما تنزل الدوره عليج صج الالم راح يكون قوي مابي اخوفج بس انا اخر مره خذيتهم طحت عليهم لما يتني الدوره نصيحه لاتاخذينهم مره ثانيه

السـلام عليكـم

بدخل سيييـدا في الموضـوع ..

بنـات أنـا جتنـي فتـره لعبـت في دورتـي لعـب .. كنـت أأخرهـا إذا صـار عندي إمتحـان ولا سفره

ولا شـي لأنهـا كانـت تتعبنـي حيـل ..

المهـم الفتـره الأخيـره صـارت إذا جتنـي تنزل شوي أول يوم وما أحـس بـ ألم .. وتوقـف وبعدي يوميـن

تنزل مقطعـه وآلآآم مو طبيعيـه ..

الشهـر اللي طـاف جتنـي بـ تـاريخ 15 وهالشهـر مفروض نفـس الشـي ! بس نزل علي دم تكرمون

بـ أول أيـام رمضـان .. بس ما أدري شنو اهـي ما أتوقـع الدوره .. وحدددي مكتـأبـه أبي أصـوم

بس مو قـادره ولأ عـارفـه شنو أهـو اللي ينـزل .. !

المهم بنـات اللي مـرت بنفـس الموقـف وتعـرف شـ السـالفـه تقولي لأنـي مـا أدري وين اللـه قـاطنـي ..

أمـي قـالـت لي أوديـج طبيبـه أمراض نسـا .. بس حددي خايفـه من طريقـه الكشف ما أدري شلون ..

اللي عندهـا أي معلوومـااات يآ ريـت تفيدنـي ..

ويعطيييكم العـافيـه مقدمـاً ..

هلا آختي .. الله يعينــج عليهاا ..

آنا اقوول رووحي للدكتورة احسن لج مثل ما قالت امج .. لان اهي الوحيدة اللي تعرف تنظم دورتج وتعرف شنو حالتج بالضبط ..

عشاان تقدرين تصومين وانتي مرتااحــة ..

وان شاءالله تنحل مشكلتج ..

وبالتوفيــق ..

.

صح لازم تراجعين الطبيب احسن.

.

.

الثريا