حبوب primolut N

صباح الخير
بنات انا تأخرت علي الدوره من يوم 28/7
على اساس انها تنزل في 29/8

ولي يوم 8-9 مانزلت علي رحت الصيدليه
وعطاني الدكتور حبوب primolut N
على اساس استخدمها لمدة 4 ايام
وبعدين تنزل علي الدوره

في احد منكم مستخدم الحبوب من قبل ؟
و بالغالب متى تنزل الدوره؟

ما جربتها ان شاءالله البنات يفيدونج

أتمنى

المفروض تنزل بعد ماتوقفينهم

هالحبوب ماتضر اذا كنتي حامل تثبت الحمل

واذا مافيه حمل تنزل الدورة

تسلمين حبوبه …
ألف شكر على ردج
الحمدلله نزلت الدوره يوم الخميس …
واو ارتحت والله
كانت حالتي النفسيه الله يعلم فيها

بس لاحظت ان الدم وايد وبغزاره بعكس كل مره
لما تنزل علي طبيعي

الحبوب تأثر بغزارة الدم؟

الله يسلمج حبيبتي

لا مالها شغل بس يمكن لانها متأخره عليج

الظاهر جذي
لأن نزلت علي بقوه …
مدة ثلاث ايام والحين ماكو شي
يمكن نشف دمي

يعطيكم العافيه وشكرا للمؤازره

السلام عليكم عندي استفسار عن الحبوب
انا عندي نفس المشكله ومتأخرة الدورة عليا اكثر من شهر واخذت الحبوب صارلى 4 ايام سؤالى هل استمر عليهم لحين ما تييجنى الدورة ولا اوقفهم ارجو الافاده لان نفسيتي واييد تعبانه واعاني من عصبية زائده

أنا جربت هالحبوب، طرقة أخذهم إنج تاخذين 3 حبات يوميا لمدة 5 أيام. بعدين انشاء الله تييج الدورة بعد ايقاف الحبوب من3-5 أيام حسب كل وحدة. إنشاء الله أكون فدتج (:

مشكورة اختي الحبيبه على الرد واتمني بعد ما اوقفهم انها تييني لان صارلى الحين اربع ايام اخذهم 3 مرات باليوم يعني اوقفهم من باكر ؟ ولا استمر لحين ما توصل بس اذا وقفتهم من باكر هل بتيني الدورة ام انتظر بعد 5 ايام بصراحه لاني بسافر واخاف انها ما تييجى الا وانا بالسفرة ارجو الافاده ومشكورة وايد حبيبتي

لا تستمرين
لا
وقفيهم باجر عادي

و اهي راح تنزل عليج عقب جم يوم

يعني ما راح تطول من 3 الى 5 ايام من عقب ما وقفتيهم
و راح تنزل عليج

و الله يسهل امرج