حامل بالشهر الثامن وللحين ماعرفت شنو البيبي؟

روحي لدكتوره غيرها شوفي دكتوره اشطر بالسونار وسوي سونار بس
انا بالرابع قالتلي مسكر قلت لها الا تقوليلي شوفي حاولي خلتني انسدح ع اليمين واليسار قعدت اقلب عشان يتغير وضعه والحمدلله عرفت

يسلمو حبيبتي
رحت حق دكتوره ثانيه وقولبت فيني ولفت الياهل لين خاب ثناي هم مسكر ريله الجنين
وماني ماخذه كلام الحريم لاني امي تقولي بنت لان ويهج فتح
وخالتي تقولي ولد بسبة عوار ظهرج ومانب عارفه
انا كللي يعورني
الله كريم ويسلمو على مرورج

روحي حق دكتور اشرف نور الدين بالسلام وماراح تندمين ان شاءالله

سوي سونار تفصيلي بقسم السونار حده وااااضح

ان شاء الله اشوف السونار التفصيلي

مس بي الريل مايرضى ريال لوشنو يقولي حتن لو خلاص بينزل الياهل انا اولدج ومايشوفج ريال

جهزي الوان حيادية و ياحلاتها المفاجأة

عادي لاتكثرين سونار و خليها عالله

عادي ردي الملابس الورديه وإخذي ألوان محايده ابيض اصفر برتقالي اخضر بيج

عشان اذا ولدتي ما تتوهقين

اني قالت بنت بالخامس وخلص راح اجهز ملابس وردية لانو بالخامس يكون مبين وواضح الله يقومك بالسلامة

اميرة بهبهاني شاطره بهالسوالف

ولا سوي سونار ثلاثي الابعاد

زهبي اوف وايت اشفيه شحلاته هل لون وبعدين لا تشترين وايد عشان بعدين تكملين لما تولدين انشاءلله اهم شي الصحه

ردي الملابس واخذي الوان محايده

عشان ماتتوهقين

والله وحده تصير حق رفيجتي كان فيها تؤام وسوت سونار رباعي وقالولها اولاد وجهرت كل شي والصدمه اولدت بنات ثنتين تقول قمت اضحك والتجهيز كله ازرق

انا استغربت مع ان سونار رباعي سبحان الله

الله يسهل الامور

قليل ما تصير سبحان الله، أنا مكانك خلاص ما اصور و اتركها على الله