حاشتني كابة من قسم الحياة الزوجية

بنات انا من يومين فقط صرت ادخل قسم الحياة الزوجية والسبب لفت نظري موضوع الاخت اسيرة السحر الله يفرج همها
وعقبها قلت خليني افتر شوية بالقسم
اقسم بالله العظيم انه حاشتني كابة وانصعقت
من المواضيع
مو قادرة استوعب انه هالبلاوي حقيقية وقاعدة تنهش بلحمنا كنساء
بجد مو قادرة استوعب
كيف وحدة زوجها يمارس العادة السرية وهي المسكينة يمه
ولا يقول دلكيني
ومو قادرة استوعب يلي عينك عينك يقول ابي انام مع الخدامة قدام زوجته
يارب شو صاير بالدنيا
بجد قلبي عورني حيل على هالحريم
الله يكون بعونهم يارب
والله ينتقم من كل ريال متجبر ومافي بقلبه رحمة

والله يا حبيبتي مشاكل هالدنيا ما تخلص الله يعين
وفيه ناس تنهار حياتهم بسبب مشاكل كبيره تشيب شعر الراس
شقول غير الله لا يبلانا ويسعدنا جميعا

ايييييييييي والله

نفس الي اقوله كل ما اطلع من هالقسم
ياااااااربي بلاوي ومآسي الله يعين صاحباتها
لي درجه قمت ما اتقبل الرياييل
واحس تعقدت من هالبلاوي
الله يزيح عن قلب كل بنت بالمنتدى الهم

صاجه انا مو قادره اتحمل اكثر من جذي
وبعض المرات اعصب واتنرفز على زوجي من غير سبب اقوله انتو يالرياييل
وما اخلي سالفه ما اقولها لا شعوري

الله كريم احنا الحريييييييييييييييييييييييييييييييييم الي ناكلها

لا حول ولا قوة الابالله

تصدقين انا دايما اقول ما ابي ادخل قسم الحياة الزوجيه يخليني مكتابه طول الوقت

بس شسوي تشدني السوالف

هذي سنه الحياة

ياحلاة الصدف القلوب عند بعضها

اي والله انا من يدش ريلي واكون متأثرة وكلينكساتي مالها والي يقولي يابنت الحلال ذبحتي روحج انتي مو مال منتدى لاتصدقين كل شي تقرينه وخاصه المشاكل وتأخر الانجاب اقعد ابجي وادعيلهم ومره وحده تزوج عليها زوجها وربي يومها تقولين عندي عزا يقولي زوجي شفيج؟؟؟؟؟؟والله مابالغ ابجي بحرقة اقوله عضوه بالمنتدى زوجها تزوج عليها

وقبل شوي مت انقمت قلبي من سالفة الحقير اللي نام مع الخدامة وقعدت اتنفس بصعوبة واقول حق نفسي ربج ارحم فيها لاتصيرين هبله

الله ييسر الامور يارب وبعتبرها لحظة فضفضه عند البنات والدنيا لحظات مره حلوه ومره مره واذا خليت خربت

؛
؛

الله يعين كل الحريم

؛
؛

الله لا بلانا ياقلبي هذي مصايب الدنياا اللي يشوفهاا يقول الحمدلله على كل حااال

والله يهدي ارجالناا يارب

بعد شنقول غير الله كريم… الله ارحم بعباده…والحمدلله على كل حال اللي يشوف مصاييب الناس تهون عليه مصيبته

اي والله .. الله يعينهم

انا كنت اول ادش هني على طول .. ياتني فتره اكتأبت من صج

حولت على قسم المكياج ههههه هناك لا لهم ولا عليهم فرفشه على الاخر .. الله يتمم عليهم

وبعدين رحت قسم العمليات .. واشتغلت الدعايات واختربت السالفه

ورجعت لكم من يديد .. وتوته توته خلصت الحدوته

ماادري ليش قلت قصة حياتي

الله يكون بعون الجميع

والي يقث اكثر
بعض هالعضوات الله يهديهم عسى ماشافو وحده حاطه مشكلتها والكل منفعل ومتفاعل معاها خربو الموضوع كله وقلبوه هوشه
الشكوى لله بس