حاسه بحاجات غريبه الله يسخر لج ريلج ويعيالج ويرزقج الذره والزوج الصالح يالي بتردين

السلام عليكم ورحمه الله

بنات انا ماشاءالله مخطوبه الحمد الله
بس شنووو حاسه بضيقه مالها اول ولا تالي
مثلا احيانن احس اني مخطوبه وافرح شعور مايتعدى الدقائق فجئه اغلق ويضيق خلقي واقعد ابجي مابي اتزووج
والله ماني عارفه اشفيتي

احس اني مو طبيعيه كلش
شتنصحوني فيه يابنات
كله اتخيل اني بروح لجحيم مو زواج صحيح منطقته بعيده صج عن اهلي
بس مو لهدرجه والله انه في اروبا
كلها 500 كيلوات ان شاءالله وتهون
بس انا حاسه اني برووح لجحيم استغفر الله مو زواج وحاسه اني خلاص ماراح اجوف اهلي مره ثانيه
وحاسه الدنيا راح تتوقف اذا تزوجت
حتي احس االناس ينضرون اني قليله ادب عشان المتزوجه اتجرب ذاك الشي مابي اوضح
يابنات انا تفكيري سليم ؟؟؟؟ ولا فيني شي ؟؟
حتي كله ابجي ونفسيتي تعبانه حتي استحي من اهلي عشاني مخطوبه وبتزوج وبجرب ذاك الشي الي خبري خبركم

احس اني مو طبيعيه
احيانن احس بضيقه وتمر ساعات كلها بجييي عشاني بتزوج الحمد الله الزواج نعمه من ربي بس انا مدري شفيني
حتي ماقد حلمت ولا فكرت بالفستان الابيض واليهااااال
ابببببد شي له علاقه بالزواج مابيه
مادري شفيني

واحيان يجيني احساس اقول اذا اتزوجت بهرب عن ريلي وبعيش وحدي بلا ريال ولا يحزنوون

مدري شفيني ياناس
حاسه نفسي مو طبيعيه

الله يخليكم منو صار لها مثلي
وابي ادعيه تسخير الزوج
وشنو كنتي تدعين عشان ربي رزقج بزوج صالح ووفقج
الله يخليكم اعتبروني اختكم وانصحوووني ابي ادعيه واشياء اسويها عشان ربي يرضا علي ويوفقني
وهل احساسي طبيعي وولا فيني شي
احس اني مسحووره
صج لا تستغربون حتي اهلي يقولو انتي مسحووره من تصرفاتج
لما اشغل الرقيه الشرعيه على طول ادوخ ولا احيانن اييني خدر في الرجل اليسرررررى
واحيانن اشعر شي بدااخلي يمسك نفسسسسسه يعني كان حد يتحممممل بداخلي
ومرات احس بعد الرقيه كاني متهاوشه ومتضاربه مع حد حيلي مهدوووووووووووود
وغير الضيجه والتفكير السخيف والوسواس والكره للزواج
مادري شفيني ياربي
ساعدوني يالمتزوجات انا بحاجتكم ساعدوني وواسوني خايفه اروح عن اهليييييييي
حاسه باشياء غريبه

اول شي تعوذي من ابليسلنه يوسوسلج وبعدين الزواج سنه الحياة ولازم بيصير والازم بيكون ريال ياعمري مو شي ثاني يعني امج ما تزوجت ابوج ويابتج عادي والموضوع الكل مر فيه لنها حياة يديده والواحد مايدري شنو خاش له الزمن بس المهم ان يكون الشخص الي بتاخذينه ريال صالح ملتزم ومن عايله زينه ويكون محترم علشان يصونج وبخصوص الموضوع الي انتي خايفه منه ترى وايد عادي بس كلها ايام وبتعودين ولا بعد جم شهر بتضحكين على نفسج لنه الشي وايد عادي انا مريت نفسج ولا بغيت اهون بس ذكرت الله وتعوذت من ابليس وتوكلت على الله والله سهل علي وصارلي 12 سنه متزوجه واتذكر ذيج الايام وضحك وصارت ذكرى حلوه والله يتمم عليج ويوفقج ومبروك

اظن انها تقلبات عادية في المزاج وبتروح ان شاء الله
المهم تكوني مقتنعة بخطيبك وانه انسان محترم ومتدين والله يوفقك

عادي الوحده تخاف قبل الزواج شي طبيعي جداً

لكن انتي تقولين انج اذا سمعتي القرآن تحسين بخدر بجسمج وتنعسين ؟؟ خليج على الرقيه على طول ولاتهدينها ابد
وداومي على اذكار الصباح والمساء وأشربي ماء زمزم بنية الشفاء من هذه الأفكار ولاتحاتين

وخلي تفكيرج ايجابي

هالشي طبيعي وكلنا مرينا فيه بس اعراضج مو شرط تكون *** يمكن محسوده او فيج نفس والحمدلله هالشي ماقدر يوقف بطريجج بس قاعد يلعب بتفكيرج

كل ما فكرتي بافكار سوداويه تعوذي من ابليس وكل يوم الصبح اقري اذكار الصباح وبعد العصر اقري اذكار المساء وانشالله بتخف هالاعراض

اما اللي بالي بالج هذي سنة الحياة والزواج مو بس هالشي في امور ثانيه اعمق تتعدى العلاقه والعيال ,,, وودي تقرين كتاب عن الزواج عشان تفهمين هالمواضيع اكثر ولا تشترين أي كتاب والسلام
اعتقد فيه كتاب اسمه تحفة العروس اشتريه واقريه اكثر من مره وايد مفيد

وانشالله مافيج الا العافيه وهذي يمكن مجرد وساوس من الشيطان

وعليكم السلام ورحمة الله وبركاته
حبيبتي

لاتحاتين
كلنا مرينا بحالة ضيق وقت الملجه هذا طبيعي

تعوذي من ابليس

انصحج شوفي لج شيــخ ثقه ( اخذي منه ماي ودهن زيتون مقري فيهم )

صدقيني بتحسين براااااااااااحه وتنسين الهم ( ألا بذكر الله تطمئن القلوب )

وخلي تفكيرج ايجابي

الزواج نعمه واستقرار فكري شلون تخلين حياتج الزوجيه سعيده مع زوجج

بعدين لييش تستحين ؟ عادي هذي سنة الحياه مافيها شي

تدرين عاد

بعد الزواج بتعرفين ان تفكيرج الساااااااابق كان غلللللللللط

اي عادي انتي مثلي انا قبل ملجتي كنت وايد ابجي احس الفرحه تنقلب ضيج توعذي من الشيطان وتري هذا شي عادي يجي للاغلب العروسات ………………..هههههههههههه الله يتمم عليج امين

لا فيج شي

من ناحية الخوف شي طبيعي

بس الاعراض الي تصير فيج شي مو طبيعي الله يبعدج عن السحر

تعوذي من ابليس و ذكري الله و اقري سورة البقره

كلنا مرينا بهالحاله ,, الخوف و القلق قبل الزواج و اتوقع لها عده اسباب :

1 – تعلق الوحده بأهلها

2 – أو سماعها لقصص الزواج الفاشله

3 – ان تكون وحده قريبه منها كأمها أو احد خواتها أو قريباتها مروا بتجربه زواج فاشله , او انهم يعانون مع الزوج

أحد هذي الأشياء تؤدي الى قق البنت و خوفها من الزواج

اقري صورة البقره و شغليها بدلرج بشكل يومي و استخيري ربج و انشالله ما عليج الا العافيه

و الله يوفقج يا رب و نشوفج تحوسين بقسم العروس

عاااااااااادي
انا صار فيني مثلج..كنت خايفة من الزواج وكنت اسميه جحيم
بس الحمدلله..الحين تحسين ان لج هدف من عيشتج
عندج زوج تهتمين فبه..وبيت تملكينه..وان شاء الله ربي يرزقج بيهال وبتصيرين مسؤولة عنهم
الحياة راح تصير ان شاء الله احلى
طبيعي هالخوف لانج بتنتقلين من بيئة الى بيئة ثانية
وطبيعي الانسان يخاف من المجهول
عادي حبيبتي ..لاتقولين انا ما افكر بالفستان الابيض
لا غلط
فكري فيه وجهزي للعرس وعيشي احلى يوم بحياتج
لا تخلين ابليس يسيطر عليج ..بعدين راح تتحسفين قد شعر راسج انج ما فرحتي
حياتي شيلي فكرة السحر من راسج
السحر لضعاف القلوب
لا تسحرين نفسج بهالافكار
خلج قوية وتوكلي على الله
روحي لعالم ثاني ابنيه بايدج وزينيه بافكارج
واهلج انتي ماراح تنقطعين عنهم ابد..كلنا كنا جذي فبداية الزواج نخاف ان مانشوف اهلنا وبعدين نكتشف ان اللي فكرنا فيه كان غلط
ومثل ما قلت لج شيلي فكرة السحر من راسج..وكل ما تحسين بضيق تعوذي من ابليس وطللعي من غرفتج وقعدي عند اهلج
وقعدي مع خواتج خططي شبتسوين حق العرس وشلون بيكون نفنوفج ومكياجج
ولا تقولين الناس يعتبروني قليلة ادب عشان بجرب شسمه
اذا اهم اعتبروج قليلة الادب فهم اقل ادب منج لانهم جربوووه وخلصوا وشبعو لوووول
لازم كل متزوجة تجرب هالشي..ولا حلال عليهم وحرام عليج؟؟؟
روحي استانسي يا عروس وشيلي الهم وفرحي كثر ما تقدرين

انا يصير تقلبات المشاعر هذي وزواجي بالصيف وصارلي مملكه7 أشهر ولسى مره افرح وعشره أتضايق بس انتي حاولي تساعدي نفسك وتفكري تفكير يريح ..الله يوفقك ويبعد عنك كل شر ولا تنسي الإستغــفار

تقربي من الله اكثر والله يعينج

حببتي وأختي في الله وضعك مبين ان فيك عين قويه ونصيحه من أخت لك في الله أنك تاخذين من جميع من شافوكي من والديك الى اخر شخص (سواء يتوضون لك أوتاخذين فناجيلهم وتحطينهم في مويه وترشين على رأسك من الخلف )

وسوف تحسين براحه غريبه وعليك بالصدقه على المحتاجين من الاقارب والدعاء وأكثري من الاستغفار

وسوف ندعوا لك بان الله يذهب حزنك

وسلامتك

حبيبتي تعووذي من بليس ودحري الشيطااان وهذا الاحسااااس كلنا مريناا فيه كنا خايفين ماندري شرااح نواااجه وشنو نوووع النااس اللى بنرووح لهم بس هذي سنه الحياااة والله يسهل اموورج وييسر دربج يا ارحم الرااحمين

حبيبتي أضم صوتي لصوت خواتي انتي فيج عين واااااااااااااااااضح
والسحر مو بأعراضج هذي كلش ..
إنتي محسوده وشي طبيعي أي وحده بوضعج تمر بجذي عيون وحسد ونفوووس خلق الله ..
المفروض اللي مثلج تحمد ربها إن جاها زوج مناسب وأهلها رضوا فيه وانخطبت هذي نعمه غيرج واااااااجد يتمنونها ..
وبالنسبه للأشياء الثانيه اللي تفكرين فيها مجرد وسواس ..
الزواج نعمه من الله للإنسان عشان يلبي احتياجاته ويحس يذاته هذا غير العيال اللي هم رزق من رب العالمين كتبه لناس
تعوذي من الشيطان .. وكل ما تفكرين اقطعي التفكير وروحي امسكي المصحف واقري سورة البقرة ويااسين وصلي ..
ولا تقعدين ابروحج الخلوه تخلي الشيطان يلقى طريقه لج .. خلج دايما مع اهلج وبينهم ..
والله يوفقج .. واللي ربج كاتبه بيصير لا تستبقين الأحداث ..
((قل لا يصيبنا إلا ما كتب الله لنا))