|
|
صباااح الخير كويتيات
شلونكم ؟
بصراحه انا بجرية و عندي أسئلة وايد عن الولادة و بغيت فزعتكم معاي
اول سؤال مرة من تولد ينزل معاها دم و متى يوقف ؟؟
متى يروح الخياط و هل يروح من كيفه و لا لازم الدكتورة ؟؟
متى أربط بطني !!
و يعطيكم العاااافية التي ترد و الله يوفقها و يسهل ولادتنا
ربي يسهل عليج غناتي بالتوفيق ماحبيت اطلع
مندون مارد عليج اسمحيلي ماعندي خلفيه
ان شاءالله مابيقصرون وياج
و الله يرزقج على قد نيتج
يكووون فاتح حيل و شوي شوي يغمج
الخياط ان طاح مني عقب ١٠ ايام
على حسب في دكاتره يستخدون لخياط ليذووب من نفسه و في لأ انتي سألي دكتورج
بطنج ربطييه احسن عقب سبووع بالضبط عشان ينزل الدم
انا عقب جم يوم ربطت بطني حسيت بمووت بس فجيت الربط نزل دم وايد كنت قامتته
فا اسبوع احسن
الله يسهل عليج
من اول ما تولدين وفي بعضهم من قبل الولاده بعد يبدي خفيف
وما يخلص عاد الا بعد 25 يوم 30 وبعضهم يكملون الاربعين بالتمام
ولخياط انا طول طاح بعد 0 او 25 نسيت بالضبط
بس رحت ابيهم يشيلونه مارضوا وفي بعضهم عاد يرضون 
والكرشه لما تطلعين من المستشفى او بعد اسبوع
والله يسهل عليج
ديري بااااااااااااااااااااااااااااااااااااااااااااااااا لج على الخياط
شوفي عبطي شسوا فيني
رحت بعد 9 ايام على ولادتي لدكتورتي ولا انصدمت الدكتورة من خياطي
تخيلي اللحم مفتوح من بين الخيوط وملتهب يخرع شكله
لاني كنت مااحس بأي عوار اللي يقولون عنه
وبعد ولادتي بثلاث ايام كنت اقدر اقعد عل كيفي وبدون عوار
من كثر القعده انفتح الجرح والتهب
قعدت ابجي مت من البجي وصكت فيني الدنيا لان المفروض بعد يومين تطيح الخيوط مثل مايقولون البنات
عاد تبت واهتميت عددددددل مددددل بالجرح و24 ساعه منسدحه حتى اكل وانا منسدحه او واقفه تخيلي !!
من كثر ماكنت خايفه مااقعد
يامنسدحه يا واقفه
امي والله العظيم صاااااااااااااجه
كانت تقولي روحي انسدحي اقول مافيني شي
تقول ((((((لاتفرحين ان شفتي نفسج زينه بالنفاس)))))))
هالجملة حطيها حلق بودانك loooooooolz
ان شفتي نفسج زينه لاتصدقييييييييييييييين روحج
وهم ديري بالج من الامساااااااك ترى يفتح الخيوط والجرح قولي لامج من الحين تزهب لج عشرج او اي شي
عشان مايسويلج بواسير
بطنج ربطيه من ثالث يوم
انا ربطته من ثالث يوم ومافيني شي الحمدلله بس اذا عورج ظهرج قطيه حزت النومه ولبسيه على طول الصبح
دايما شفطي بطنج وشديه على طول
وشدي عضلات الرحم (تمارين كيجل ) على طووووووووول
والدم انا وقف معاي بعد 26 يوم تقريبا بس يختلف من وحده لي وحده
الله يسهل عليج
وبخصوص ربط البطن انا نصحتني دكتورتي ان على طول ابدي اشفط بطني و بعدين يبت وحده تسويلي مساج ولفتني بشماغ
و ما ادري متى راح يوقف الدم لاني مازلت بالنفاس